လံာ်စီၤၡမူၤအ့လးခံဘ့ၣ်တဘ့ၣ် 1:3 - Sgaw Karen Common Bible

³ စီၤဒၤဝံးသံကွၢ်အီၤ, “နဟဲနဲလၢလဲၣ်တခီလဲၣ်.” အဝဲဒၣ်စံးဆၢဝဲ, “ယဃ့ၢ်ထူၣ်ဖျဲးထီၣ်လၢပှၤအံၣ်စရ့လးဖိအသူၣ်ဒဲလီၢ်တခီန့ၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 1:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:2

မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:4

စီၤဒၤဝံးစံးဝဲ, “တဲဘၣ်ယၤတၢ်လၢအမၤတ့ၢ်အသးတက့ၢ်.” အဝဲစံးဆၢဝဲ, “ပသုးမုၢ်ထွးထီၣ်ဃ့ၢ်ကွံာ်ဝဲလၢတၢ်ဒုးပျီ အပူၤဒီးပပှၤအါဂၤဘၣ်တၢ်မၤသံကွံာ်အီၤလံ. စီၤစီလူးဒီးအဖိခွါစီၤယိနၤသၣ်စ့ၢ်ကီးဘၣ်တၢ်မၤသံကွံာ် အီၤလံ.”

လံာ်စီၤပၤခံဘ့ၣ်တဘ့ၣ် 5:25

စီၤက့ၤဃစံက့ၤနုာ်ကဒါက့ၤဆူဟံၣ်ပူၤဒီးစီၤအလံၤၡါသံ ကွၢ်အီၤ, “နလဲၤဖဲလဲၣ်.” အဝဲစံးဆၢဝဲ, “အိ, တၢ်ဒိၣ်ဧၢ, ယတလဲၤတၢ်နီတပူၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 30:13

စီၤဒၤဝံးသံကွၢ်အီၤ, “နကစၢ်မ့ၢ်မတၤလဲၣ်. ဒီးနဟဲလၢလဲၣ်ခီလဲၣ်.” အဝဲစံးဆၢဝဲဒၣ်, “ယမ့ၢ်ပှၤကီၢ်အဲၤကူပတူးဖိတဂၤလီၤ. ဒီးယမ့ၢ်ပှၤဧမၤလ့းဖိတဂၤအကုၢ်လီၤ. မ့ၢ်လၢယဆူးယဆါထီၣ်အဃိအပူၤကွံာ်သၢသီန့ၣ်ယကစၢ်ပာ်တီၢ်ကွံာ်ယၤလီၤ.