လံာ်စီၤၡမူၤအ့လးခံဘ့ၣ်တဘ့ၣ် 1:23 - Sgaw Karen Common Bible

²³ စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:24

ကီၢ်အံၣ်စရ့လးအပှၤပိာ်မုၣ်သ့ၣ်ဧၢ, ဟီၣ်တၢ်ယၢၤတၢ်လၢ စီၤစီလူးအဃိတက့ၢ်. အဝဲဒုးကူဒုးသိးထီၣ်သုလၢတၢ်ကူတၢ်သိးဂီၤဆှူၣ် တဖၣ်, ဒီးကယၢကယဲသုလၢတၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးထူန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 23:20

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤမ့ၢ်ပှၤသုး ဖိအမံၤဟူသၣ်ဖျါအဂၤတဂၤန့ၣ်လီၤ. အဝဲမၤတ့ၢ်တၢ်မၤအဒူအဃိအါမး, အိၣ်ဃုာ်ဒီးတၢ်မၤသံကွံာ်ပှၤမိၤအးဖိအသုးဖိအဂ့ၤကတၢၢ်ခံဂၤန့ၣ်လီၤ. တဘျီဖဲမူခိၣ်ဖီလီၤဝဲတနံၤန့ၣ်, အဝဲလဲၤလီၤဝဲဆူတၢ်ပူၤ တပူၤဒီးမၤသံကွံာ်ခ့ယုၢ်တဒုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:8

အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်စီၤယိၤဘး 9:26

ယတၢ်အိၣ်မူလဲၤပူၤကွံာ်ဝဲ ဒ်ကဘီတဘ့ၣ်လၢ အလဲၤတၢ်ချ့သဒံး, ချ့ဝဲထဲသိးလံာ်ကြီကြာ်တဘ့ၣ် စှီၤန့ၢ်ပဒဲ တဒုအသိးန့ၣ်လီၤ.

တၢ်ကတိၤဒိ. 30:30

ခ့ယုၢ်တဖၣ်, ဂံၢ်ဘါဆူၣ်ကတၢၢ်လၢဆၣ်ဖိကီၢ်ဖိခဲလၢာ်အကျါဒီး တပျံၤတၢ်နီတမံၤဘၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်ပှၤစံၣ်ညီၣ်ကွီၢ် 14:18

မၤသးဒ်န့ၣ်ဒီး, လၢမူးနွံနံၤတနံၤတချုးလၢစီၤၡံၣ်ၡိၣ်နုာ် လီၤဆူလီၢ်မံဒၢးအပူၤန့ၣ်ပှၤဝ့ၢ်ဖိတဖၣ်န့ၣ်စံးဘၣ်အီၤ, “တၢ်ကဆၢန့ၣ်ကနဲစီအိၣ်ဒံးဝဲသ့ဧါ တၢ်အဂံၢ်အဘါကဆူၣ်န့ၣ်ခ့ယုၢ်အိၣ်ဒံးဝဲသ့ဧါ.” ဒီးစီၤၡံၣ်ၡိၣ်စံးဆၢဝဲဒၣ်, “သုမ့ၢ်တထူစံာ်လၢယကျီၢ်မိၢ်ဘၣ်ဒီး, သုသ့ၣ်ညါတၢ်စံးဆၢခဲအံၤတသ့ဘၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:2

စီၤယိၤနၤသၣ်စံးဆၢဝဲ, “ကစၢ်ယွၤတြီတၢ်လၢနကဘၣ်သံအဂ့ၢ် လီၤ. ယပၢ်တဲဘၣ်ယၤတၢ်အကါဒိၣ်မ့ၢ်ဂ့ၤတၢ်အကါတဒိၣ်မ့ၢ်ဂ့ၤကိးမံၤ ဒဲးလၢအမၤဝဲဒီးတပာ်ခူသူၣ်ဝဲလၢယၤဘၣ်. တၢ်န့ၣ်တမ့ၢ်ဒ်န့ၣ်အသိးဘၣ်.”