လံာ်စီၤၡမူၤအ့လးခံဘ့ၣ်တဘ့ၣ် 1:21 - Sgaw Karen Common Bible

²¹ မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ. မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်. အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ. စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 1:21 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 10:1

ဒီးပှၤဖလ့ၡသးဖိဒုးတၢ်ဒီးပှၤအံၣ်စရ့လးဖိလၢကစၢၢ်ကံး လဘိအလိၤန့ၣ်လီၤ. ဒီးပှၤအံၣ်စရ့လးဖိအါဂၤဘၣ်တၢ်မၤသံအီၤဖဲန့ၣ်ဒီးပှၤလၢ အအိၣ်လီၤတဲာ်တဖၣ်, အိၣ်ဃုာ်ဒီးစီၤပၤစီၤစီလူးဒီးအဖိခွါဃ့ၢ်ပူၤဖျဲးကွံာ် ဝဲဒၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:8

ဖဲတၢ်ဒုးဝံၤအလီၢ်ခံမုၢ်ဆ့ၣ်ထီၣ်န့ၣ်, ပှၤဖလ့ၡသးဖိတဖၣ်လဲၤ ဒ်သိးကဘ့ၣ်ကွံာ်ဒီးဂုာ်န့ၢ်ပှၤသံတဖၣ်အကူအသိးန့ၣ်လီၤ. အဝဲသ့ၣ်ထံၣ်ဘၣ်စီၤစီလူးဒီးအဖိခွါတဖၣ်အစိၣ်အိၣ်ဒါလီၤ အသးလၢကစၢၢ်ကံးလဘိအလိၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:4

နကိာ်န့ၣ်ဖျၢၣ်ဒီးဘျ့ဝဲအိၣ်ဒီးဖဲတပျံၤလီၤဂာ်ဒ်စီၤဒၤ ဝံးအတၢးထီခၢၣ်သနၢၣ်အသိး, လၢကတီၤအဘ့ၣ်တကထိဘျးလီၤအသးဝးတရံးအီၤန့ၣ်လီၤ.

လံာ်ယၡါယၤ 21:5

လၢတၢ်ထံၣ်လၢညါခီအပူၤန့ၣ်ယထံၣ်ဘၣ်တၢ်အီၣ်အစီၢ်နီၤခိၣ် အိၣ်ကတဲာ်ကတီၤအသးဒီးလီၢ်ဒါတဖၣ်သလၣ်လီၤအသး လၢသမှံၤတဖၣ်ကဆ့ၣ်နီၤလၢအဖီခိၣ်အဂီၢ်လီၤ. အဝဲသ့ၣ်အီၣ်တၢ်ဒီးအီတၢ်လီၤ. သတူၢ်ကလာ်န့ၣ်တၢ်ကိးသတြီထီၣ်ဝဲ, “သုးခိၣ်သုးနၢ်တဖၣ်ဧၢ, ကတဲာ်ကတီၤထီၣ်သုကတီၤတဖၣ်တက့ၢ်.”

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယဃ့းစက့လး 31:15

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “မုၢ်တနံၤဖဲသ့ၣ်န့ၣ်လဲၤလီၤဆူတၢ်သံအကီၢ်ပူၤဒီးယကမၤဘၢအီၤ လၢထံလၢဟီၣ်ခိၣ်လာ်တဖၣ်ဒ်အမ့ၢ်တၢ်သူၣ်အုးသးအုးအပနီၣ် တမံၤအသိးန့ၣ်လီၤ. ယကဒုးအိၣ်ကတီၢ်ထံကျိတဖၣ်ဒီးတပျဲဘၣ်ထံကျိ ဖိတဖၣ်ယွၤလီၤလၢၤဘၣ်. မ့ၢ်လၢသ့ၣ်န့ၣ်သံလံဝဲအဃိ, ယကဟဲစိာ်ဃီၤတၢ်ခံးတၢ်နၤဆူကီၢ်လဘၤနိၣ်အကစၢၢ် တဖၣ်အလိၤဒီးဒုးဃ့ထီကွံာ်သ့ၣ်တဖၣ်လၢအအိၣ်လၢပှၢ်ပူၤန့ၣ်လီၤ.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 5:23

ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:1

ပှၤဖလ့ၡသးဖိတဖၣ်ဒုးတၢ်ဒုးတဘျီထီဒါပှၤအံၣ်စရ့လးဖိတဖၣ် လၢကစၢၢ်ကံးလဘိအလိၤလီၤ. ပှၤအံၣ်စရ့လးဖိအါဂၤဘၣ်တၢ်မၤသံကွံာ်အီၤဖဲန့ၣ်ဒီးပှၤ အိၣ်တဲာ်လၢအကျါဃုာ်ဒီးစီၤစီလူးဒီးအဖိခွါတဖၣ်ထွးထီၣ် ဃ့ၢ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:8

ဖဲတၢ်ဒုးတၢ်ယၤဝံၤလၢခံတနံၤန့ၣ်, ပှၤဖလ့ၡသးဖိတဖၣ်လဲၤလၢ ကဂုာ်န့ၢ်ပှၤသံစိၣ်တဖၣ်အတၢ်ဖိတၢ်လံၤဒီးအဝဲသ့ၣ်ထံၣ်ဘၣ်စီၤ စီလူးဒီးအဖိခွါသၢဂၤလီၤဃံၤသံလၢကစၢၢ်ကံးလဘိအလိၤန့ၣ်လီၤ.