လံာ်စီၤၡမူၤအ့လးခံဘ့ၣ်တဘ့ၣ် 1:20 - Sgaw Karen Common Bible

²⁰ ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 1:20 Iomraidhean Croise

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်ယဃ့းစက့လး 16:57

ဒီးတချုးဒံးလၢတၢ်အၢတၢ်သီလၢနမၤတ့ၢ်အီၤဘၣ်တၢ်လီၣ်ဖျါ အီၤန့ၣ်ဧါ. အခဲအံၤနလီၤဂာ်ဒၣ်ဒီးအီၤန့ၣ်လီၤ. နကဲထီၣ်တၢ်လီၤနံၤဘၣ်ဖၣ်လဲတမံၤလၢပှၤအဒိၣ်ဖိတဖၣ်, ပှၤဖလ့ၡသးဖိတဖၣ်, ဒီးပှၤလၢနဃၢၤအဂၤတဖၣ်လၢအသးဟ့နၤအဂီၢ်န့ၣ်လီၤ.

လံာ်မံကၤ 1:10

တဲဘၣ်ပဒုၣ်ပဒါတဖၣ်လၢဝ့ၢ်ကၤသးအပူၤဘၣ်ဃးဒီးပတၢ်ဃၣ်ကွံာ် အဂ့ၢ်န့ၣ်တဂ့ၤ. ပျဲအဝဲသ့ၣ်ထံၣ်ဘၣ်သုဟီၣ်တဂ့ၤ. ပှၤဂီၢ်မုၢ်လၢဝ့ၢ်ဘ့ၤသလဧၤဖြၤသ့ၣ်ဧၢ, ကလိာ်သုသးလၢဟီၣ်ခိၣ်ကမူၣ်အကျါဒ်သိးသုကဒုး နဲၣ်ဖျါထီၣ်သုတၢ်သးအုးတက့ၢ်.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်ပှၤစံၣ်ညီၣ်ကွီၢ် 14:19

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်အဂံၢ်အဘါဒီးအဝဲဒၣ်လဲၤ လီၤဝဲဆူဝ့ၢ်အၤၡကလိၣ်ဒီးမၤသံကွံာ်ပှၤအဂၤသၢဆံ, ဘ့ၣ်ကွံာ်အကူအသိး, ဒီးဟ့ၣ်လီၤကွံာ်အတၢ်ကူတၢ်သိးတဖၣ်န့ၣ် ဆူပှၤလၢအစံးဆၢတၢ်ပှိၤပှံပှိၤပှီၢ်တဖၣ်အအိၣ်န့ၣ်လီၤ. အန့ၣ်ဝံၤဒီးက့ၤဝဲဒၣ်ဆူအဟံၣ်လၢတၢ်သူၣ်ဒိၣ်သးဖျိးအပူၤလၢ တၢ်မၤတ့ၢ်အသးတဖၣ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:6

ဖဲစီၤဒၤဝံးဟဲက့ၤလၢအတၢ်မၤသံစီၤကၤလယးဝံၤဒီး, ဒီးပှၤသုးဖိတဖၣ်ဟဲက့ၤဆူဟံၣ်န့ၣ်, ပိာ်မုၣ်တဖၣ်လၢဝ့ၢ်ကိးဝ့ၢ်ဒဲး အိၣ်လၢကီၢ်အံၣ်စရ့လးအပူၤဟဲထီၣ်ဒ်သိးကသဂၢၢ်စီၤပၤ စီၤစီလူးလီၤ. အဝဲသ့ၣ်သူၣ်ဝံၣ်သးဆၢတၢ်သးခု အတၢ်သးဝံၣ်တဖၣ်, ဂဲၤကလံာ်ဝဲဒီးဆ့လ့, ဒီးသီတူၢ်တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:17

ပှၤဖလ့ၡသးဖိတဖၣ်ဆှၢလီၤတၢ်အချံထီၣ်ဒီးညိးအဂီၤထူယဲၢ်ခါ ဆူယွၤအအိၣ်ဒ်တၢ်ဟ့ၣ်ကနၢၤအသိး လၢတၢ်လိးက့ၤတၢ်လၢအတၢ်ဒဲးဘးတဖၣ်အဂီၢ်, လၢဝ့ၢ်အၤစဒိး, ဝ့ၢ်ဂါစၤ, ဝ့ၢ်အၤၡကလိၣ်, ဝ့ၢ်ကၤသးဒီးဝ့ၢ်ဧ့ကြိၣ်အဂီၢ်တခါစုာ်စုာ်န့ၣ်လီၤ.