လံာ်စီၤၡမူၤအ့လးခံဘ့ၣ်တဘ့ၣ် 1:2 - Sgaw Karen Common Bible

² မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:2 Iomraidhean Croise

လံာ်တၢ်ကဲထီၣ်အခီၣ်ထံး 22:4

ဒီးလၢသၢသီတသီန့ၣ်စီၤအၤဘြၤဟၣ်ထံၣ်စိတၢ်လီၢ်န့ၣ်လၢအယံၤ လီၤ.

လံာ်တၢ်ကဲထီၣ်အခီၣ်ထံး 37:29

ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်တၢ်ကဲထီၣ်အခီၣ်ထံး 43:28

အဝဲသ့ၣ်စံးဆၢဝဲ, “နခ့ဆံးပှၤဆံးပပၢ်အိၣ်မူဒံးဝဲအိၣ် ဆူၣ်အိၣ်ချ့ကစီဒီလီၤ.” ဒီးအဝဲသ့ၣ်ချံးခီၣ်တီၤလီၤဒီးသကူးလီၤအသးလၢအမဲာ်ညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:3

စီၤဒၤဝံးသံကွၢ်အီၤ, “နဟဲနဲလၢလဲၣ်တခီလဲၣ်.” အဝဲဒၣ်စံးဆၢဝဲ, “ယဃ့ၢ်ထူၣ်ဖျဲးထီၣ်လၢပှၤအံၣ်စရ့လးဖိအသူၣ်ဒဲလီၢ်တခီန့ၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:4

ပိာ်မုၣ်န့ၣ်လဲၤဆူစီၤပၤအအိၣ်, ထိၣ်လီၤပှီၤအသး, ဆုးလီၤအခိၣ်ဆူဟီၣ်ခိၣ်လိၤလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 15:32

ဖဲစီၤဒၤဝံးလဲၤထီၣ်တုၤဆူတၢ်လူၢ်ဒီခိၣ်, ဖဲတၢ်ဘူၣ်ထီၣ်ဘါထီၣ်ယွၤအလီၢ်တပူၤန့ၣ်, အဝဲအတံၤသကိးလၢအနာ် န့ၢ်ဝဲပှၤအၤကးဖိစီၤဃူၤၡဲဟဲသဂၢၢ်အီၤဃုာ်ဒီးအတၢ်ကူ တၢ်သိးယာ်မုၢ်ယာ်ဖျ့ဒီးဖၣ်ကမူၣ်ဖၣ်ဆါအိၣ်လၢအခိၣ်လိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:20

စီၤအၤရနၤကွၢ်လီၤတၢ်ဒီးထံၣ်ဘၣ် စီၤပၤဒီးအပဒိၣ်ပပှၢ်တဖၣ်ဟဲထီၣ်ဝဲဆူအဝဲအအိၣ်န့ၣ်လီၤ. အဝဲထိၣ်လီၤပှီၤအသးဆူဟီၣ်ခိၣ်လိၤလၢစီၤဒၤဝံးအမဲာ်ညါ,

လံာ်စီၤၡမူၤအ့လးခံဘ့ၣ်တဘ့ၣ် 4:10

ပှၤစိာ်တၢ်ကစီၣ်တဂၤလၢအဟဲဆူယအိၣ်ဖဲဝ့ၢ်စိကလး ဒီးတဲဘၣ်တ့ၢ်ယၤလၢစီၤစီလူးအတၢ်သံအဂ့ၢ်န့ၣ် အဝဲဆိကမိၣ်ဝဲလၢအဟဲစိာ်န့ၢ်ယၤတၢ်ကစီၣ်အဂ့ၤန့ၣ်လီၤ. ယဖီၣ်အီၤဒီးမၢတၢ်မၤသံကွံာ်အီၤန့ၣ်လီၤ. တၢ်န့ၣ်မ့ၢ်ယတၢ်ဟ့ၣ်ဘျုးက့ၤအီၤလၢအဝဲတၢ်ကစီၣ်အဂ့ၤအဃိန့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ဟိၤၡ့ 6:2

လၢခံနံၤမ့ၢ်ဂ့ၤ, သၢနံၤမ့ၢ်ဂ့ၤ, အဝဲကမၤမူထီၣ်က့ၤပှၤဒီး ပကအိၣ်ဆိးလၢအဝဲအမဲာ်ညါန့ၣ်လီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:41

ဖဲပှၤသးစၢ်ဖိက့ၤဝဲန့ၣ်, စီၤဒၤဝံးဂဲၤဆၢထၢၣ်လၢလၢၢ်အၤစ့းဒီးတီၤလီၤဝဲလၢအခီၣ်လ့ၢ်ခိၣ်ဒီးပိာ်လီၤအမဲာ်သၣ်လၢ ဟီၣ်ခိၣ်သၢစုလီၤ. စီၤဒၤဝံးဒီးစီၤယိနၤသၣ်ခံဂၤလိာ်ဟီၣ်ဝဲဖဲအနၢမူလိာ် အသးအခါန့ၣ်လီၤ. စီၤဒၤဝံးအတၢ်သးအုးဒိၣ်န့ၢ်ဒံးစီၤယိနၤသၣ်တက့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:23

ဖဲနီၢ်အဘံၤကါယံးလးထံၣ်ဘၣ်စီၤဒၤဝံးန့ၣ် အဝဲစံၣ်လီၤဝဲချ့ချ့ဒီးကွံာ်လီၤအသးလၢဟီၣ်ခိၣ်လိၤ.

လံာ်စီၤၡမူၤအ့လးအခီၣ်ထံးတဘ့ၣ် 4:12

ပှၤတဂၤလၢစီၤဘံၣ်ယၤမံၣ်အဒူၣ်ဃ့ၢ်ကျဲဒီဘိညါစးထီၣ်လၢတၢ်ဒုးပျီ ဆူဝ့ၢ်ၡံလိၤဒီးတုၤဃီၤဖဲန့ၣ်တနံၤဃီလီၤ. လၢတၢ်ဒုးနဲၣ်အတၢ်သးအုးအပူၤဖှီယာ်အဆ့ဒီးပဲထီၣ်ဖၣ်ကမူၣ် လၢအခိၣ်လိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:16

ပှၤတဂၤန့ၣ်စံးဝဲ, “ယဃ့ၢ်ပူၤဖျဲးလၢတၢ်ဒုးပျီဒီးဟဲက့ၤ ဃ့ၢ်ဆူအံၤကျဲဒီဘိညါတနံၤအံၤလီၤ.” ဒီးစီၤဧ့လံၤသံကွၢ်အီၤ, “ယဖိခွါဧၢ, တၢ်မၤအသးဒ်လဲၣ်.”