လံာ်စီၤၡမူၤအ့လးခံဘ့ၣ်တဘ့ၣ် 1:16 - Sgaw Karen Common Bible

¹⁶ အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 1:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:10

လၢတၢ်န့ၣ်အဃိ, ယလဲၤထီၣ်ဆူအအိၣ်ဒီးမၤသံအီၤန့ၣ်လီၤ. အဂ့ၢ်ဒ်အံၤ, ယသ့ၣ်ညါလၢတပူၤဂ့ၤတပူၤဂ့ၤန့ၣ် တုၤအဝဲဒၣ်လီၤဃံၤလၢအဘီလိၤတဘျီဃီန့ၣ်ကသံဝဲဒၣ်လီၤ. အန့ၣ်ဝံၤဒီး, ယဟံးန့ၢ်စီၤပၤအခိၣ်သလုးလၢအဝဲအခိၣ်လိၤဒီး ထံဖှံၣ်လၢအဝဲအစုဒုၣ်လိၤဒီးယဟဲစိာ်လီၤဆူနအိၣ်လီၤ, တၢ်ဒိၣ်ဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 16:8

နဟံးန့ၢ်ကွံာ်စီၤစီလူးအဘီအမုၢ်, ဒီးခဲကနံၣ်အံၤယွၤစံၣ် ညီၣ်နၤ, လၢနမၤသံတ့ၢ်စီၤစီလူးအဟံၣ်ဖိဃီဖိအါအါဂီၢ်ဂီၢ်အဃိန့ၣ် လီၤ. ယွၤဟ့ၣ်လီၤလံဘီမုၢ်ဆူနဖိခွါစီၤအးဘၡါလိၣ်အစုပူၤ, ဒီးနဲဒၣ်ပှၤမၤသံမၤဝီတၢ်ဧၢ, နဟးဂီၤလံ.”

လံာ်စီၤပၤအခီၣ်ထံးတဘ့ၣ် 2:37

နမ့ၢ်ဟးထီၣ်ဒီးလဲၤဖျိကွံာ်ယံၤန့ၢ်ဒံးထံကျိဖိကံဒြိၣ် တစုစုဒီးနကသံသပှၢ်ကတၢၢ်လီၤ. တၢ်န့ၣ်ကမ့ၢ်နတၢ်ကမၣ်ဒၣ်နဲလီၤ.”

လံာ်စီၤယိၤဘး 15:6

အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.

တၢ်ကတိၤဒိ. 6:2

မ့ၢ်နဘၣ်တၢ်ဖီၣ်န့ၢ်တ့ၢ်နၤလၢနတၢ်ကတိၤဒၣ်နဲဒီးဘၣ်တ့ၢ်ပျံၤ သကွီၤလၢနတၢ်အၢၣ်လီၤအီလီၤဒၣ်နဲတဖၣ်န့ၣ်ဧါ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 33:5

အဝဲအတၢ်သံန့ၣ်မ့ၢ်အတၢ်ကမၣ်ဒၣ်ဝဲမ့ၢ်လၢအဝဲတကနၣ်ဃုာ်ဘၣ် တၢ်ဟ့ၣ်ပလီၢ်အဃိန့ၣ်လီၤ. အဝဲမ့ၢ်ကနၣ်ဃုာ်တၢ်ဟ့ၣ်ပလီၢ်န့ၣ်, အဝဲပူၤဖျဲးသ့ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:16

ပိာ်မုၣ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်, အဝဲဒီးဆၣ်ဖိကီၢ်ဖိ တဒုန့ၣ်ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:27

ဒီးကယဲၢ်ပှၤတဂၤလၢ်လၢ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, လၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤသံအကလၤန့ၣ်ကဘၣ်တၢ် ကွံာ်သံအီၤလၢလၢၢ်န့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ်အိၣ်ဒီးတၢ်ကမၣ်လၢကြၢးဘၣ်တၢ် မၤသံအီၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 20:9

ဒီးကယဲၢ်ပှၤတဂၤဂၤလၢအဆိၣ်အၢအမိၢ်အပၢ်န့ၣ်ကဘၣ်တၢ်မၤသံအီၤ န့ၣ်လီၤ. ပှၤလၢအဆိၣ်အၢအမိၢ်အပၢ်န့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 20:26

လၢတၢ်န့ၣ်အဃိ, မုၢ်တနံၤဃီအံၤယဘိးဘၣ်သ့ၣ်ညါသုသပှၢ်ကတၢၢ်လၢသုဝဲ တဂၤဂၤသုမ့ၢ်လီၤမၢ်ကွံာ်ဒီးတမ့ၢ်ယမူယဒါဘၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 19:10

မၤတၢ်အံၤ, ဒ်သိးဒီးပှၤဂီၢ်မုၢ်လၢအတၢ်ကမၣ်တအိၣ်န့ၣ်သုတဘၣ် သံတဂ့ၤဒီးဒ်သိးသုသုတမၤကမၣ်ဘၣ်တၢ်ခီဖျိတၢ်မၤသံဘၣ်အဝဲ သ့ၣ်လၢကီၢ်လၢယွၤဟ့ၣ်သုအပူၤတဂ့ၤန့ၣ်လီၤ.

လံာ်စီၤယိၤၡူ 2:19

ပှၤတဂၤဂ့ၤတဂၤဂ့ၤမ့ၢ်ဟးထီၣ်လၢနဟံၣ်ပူၤဒီး, အတၢ်သံကမ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ. ဒီးတမ့ၢ်ပမူပဒါဘၣ်န့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအအိၣ်လၢနဟံၣ်ပူၤအံၤတၢ်မ့ၢ်ဘၣ်ဒိဘၣ် ထံးအီၤန့ၣ်, အဝဲန့ၣ်မ့ၢ်ပမူပဒါန့ၣ်လီၤ.

လံာ်ပှၤစံၣ်ညီၣ်ကွီၢ် 9:24

တၢ်အံၤမၤအသးဒ်သိးစီၤအဘံၤမ့လ့းဒီးပှၤၡက့ၣ်ဖိလၢအဟ့ၣ်ဂံၢ်ဟ့ၣ်ဘါအီၤဒ်သိးအကမၤသံကွံာ် စီၤကံးဒဧိၣ်အဖိခွါအဂၤနွံဆံန့ၣ်, ကဒိးဘၣ်တၢ်ဒ်အတၢ်ကမၣ်အသိးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”