လံာ်စီၤၡမူၤအ့လးခံဘ့ၣ်တဘ့ၣ် 1:10 - Sgaw Karen Common Bible

¹⁰ လၢတၢ်န့ၣ်အဃိ, ယလဲၤထီၣ်ဆူအအိၣ်ဒီးမၤသံအီၤန့ၣ်လီၤ. အဂ့ၢ်ဒ်အံၤ, ယသ့ၣ်ညါလၢတပူၤဂ့ၤတပူၤဂ့ၤန့ၣ် တုၤအဝဲဒၣ်လီၤဃံၤလၢအဘီလိၤတဘျီဃီန့ၣ်ကသံဝဲဒၣ်လီၤ. အန့ၣ်ဝံၤဒီး, ယဟံးန့ၢ်စီၤပၤအခိၣ်သလုးလၢအဝဲအခိၣ်လိၤဒီး ထံဖှံၣ်လၢအဝဲအစုဒုၣ်လိၤဒီးယဟဲစိာ်လီၤဆူနအိၣ်လီၤ, တၢ်ဒိၣ်ဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 1:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 1:9

အန့ၣ်ဒီးအဝဲစံး, ဟဲဖဲအံၤဒီးမၤသံယၤတက့ၢ်. ယဘၣ်ဒိဘၣ်ထံးတ့ၢ်အၢအၢသီသီဒီးဘူးတ့ၢ်မးလၢယကသံလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:30

လၢပှၤဧၣ်မိၣ်ဖိတဖၣ်အကစၢ်တၢ်ဂီၤမိလးအခိၣ်လိၤန့ၣ်စီၤဒၤဝံး ဟံးန့ၢ်ခိၣ်သလုးထူတဖျၢၣ်, လၢအဃၢလီၤတယၢၢ်တကံကၢ်လၢအအိၣ်ဒီးတၢ်မျၢ်တဖျၢၣ်လၢအလိၤန့ၣ်လီၤ. စီၤဒၤဝံးဟံးန့ၢ်တၢ်မျၢ်တဖျၢၣ်န့ၣ်ဒီးထီထီၣ်အီၤလၢအခိၣ် သလုးဒၣ်ဝဲအလိၤန့ၣ်လီၤ. အဝဲဟံးန့ၢ်စ့ၢ်ကီးတၢ်ဂုာ်န့ၢ်အါအါဂီၢ်ဂီၢ်လၢဝ့ၢ်ပူၤန့ၣ်,

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်သးသယုၢ်တၢ် 5:16

ပကပာ်ကဖၢလၢသးအဂီၢ်တၢ်တအိၣ်လီၤတဲာ်တ့ၢ်ဘၣ်နီတမံၤဘၣ်. ပမၤတ့ၢ်တၢ်ဒဲးဘးဒီးခဲအံၤပဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:18

မၤသးဒ်န့ၣ်ဒီး, စီၤစီလူးစံးဘၣ်စီၤဒိအ့း, “မၤသံကွံာ်အဝဲသ့ၣ်တဖၣ်, နဲဒၣ်တက့ၢ်.” ဒီးစီၤဒိအ့းမၤသံကွံာ်အဝဲသ့ၣ်ခဲလၢာ်လီၤ. လၢမုၢ်နံၤအဝဲန့ၣ်အပူၤ, အဝဲမၤသံကွံာ်ပှၤလုၢ်တၢ်အခိၣ်တဖၣ်လၢအထီၣ်ဘးဝဲလၢ ကသိးအ့ဖိးတဖၣ်န့ၣ်ခဲလၢာ်ဃိးဆံယဲၢ်ဂၤန့ၣ်လီၤ.