၂ ပ့းတရူး 3:8 - Sgaw Karen Common Bible

⁸ ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.

၂ ပ့းတရူး 3:8 Iomraidhean Croise

စံးထီၣ်ပတြၢၤ 90:4

လၢနဂီၢ်အံၤအနံၣ်တကထိလီၤဂာ်ဒ်မုၢ်တနံၤအသိး, ဒ်မဟါတနံၤလၢအလဲၤပူၤကွံာ်တ့ၢ်လံဝဲ, ဒီးဒ်တၢ်ခိးအကတီၢ်တကတီၢ်လၢ မုၢ်နၤအသိးန့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

1 ကရံၣ်သူး 10:1

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢသုကသ့ၣ်နီၣ်ထီၣ်က့ၤတၢ်ဘၣ်ဃးဒီး တၢ်မၤအသးဒီးပမိၢ်ပၢ်ဖံဖုလၢပျၢၤတဖၣ်အပိာ်စီၤမိၤၡ့အခံဒ်လဲၣ်အဂ့ၢ် န့ၣ်လီၤ. အဝဲသ့ၣ်ကိးဂၤဒဲးအိၣ်လၢတၢ်အၢၣ်အတၢ်ကဟုကယာ် အဖီလာ်ဒီးအဝဲသ့ၣ်ကိးဂၤဒဲးလဲၤခီဂာ်ဝဲဒၣ်ပီၣ်လဲၣ်ဂီၤပူၤပူၤ ဖျဲးဖျဲးဂ့ၤဂ့ၤဘၣ်ဘၣ်န့ၣ်လီၤ.

1 ကရံၣ်သူး 12:1

ခဲကနံၣ်အံၤ, ဘၣ်ဃးဒီးတၢ်လၢသုကွဲးတ့ၢ်သုဝဲလၢသးစီဆှံ အတၢ်ဟ့ၣ်အဂ့ၢ်န့ၣ် ယသးအိၣ်လၢသုကသ့ၣ်ညါတၢ်မ့ၢ်တၢ်တီဘၣ်ဃးဒီး အဝဲသ့ၣ်အဂ့ၢ်လီၤ. ယဒီပုၢ်ဝဲၢ်သ့ၣ်ဧၢ,

၂ ပ့းတရူး 3:1

တံၤသကိးသးဘိသ့ၣ်ဧၢ, အအံၤမ့ၢ်လံာ်ပရၢခံဘ့ၣ်တဘ့ၣ် လၢယကွဲးန့ၢ်သုလီၤ. လၢလံာ်ပရၢခံဘ့ၣ်လိာ်အပူၤန့ၣ်ယကျဲးစၢးထိၣ်ဂဲၤတ့ၢ်လံသုဒ်သိး သုကဆိကမိၣ်တၢ်လၢအဂ့ၤအဘၣ်ခီဖျိယဒုးသ့ၣ်နီၣ်သုတၢ်သ့ၣ် တဖၣ်အံၤန့ၣ်လီၤ.