၂ ပ့းတရူး 3:3 - Sgaw Karen Common Bible

³ အဆိကတၢၢ်န့ၣ်, သုကဘၣ်နၢ်ပၢၢ်လၢမုၢ်နံၤလၢခံကတၢၢ် တဖၣ်အပူၤပှၤကဟဲပၢၢ်ထီၣ်ဝဲတနီၤလၢအတၢ်အိၣ်မူတဖၣ်ဘၣ် တၢ်ပၢအီၤလၢအတၢ်သူၣ်လီသးကွံဒၣ်ဝဲန့ၣ်လီၤ. အဝဲသ့ၣ် ကကတိၤဒုၣ်ဒွဲၣ်သု,

၂ ပ့းတရူး 3:3 Iomraidhean Croise

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်ယၡါယၤ 28:14

ခဲအံၤ, သုဝဲလၢအပာ်ထီၣ်ထီအသးဒီးပၢတၢ်ဖဲအံၤလၢဝ့ၢ် ယရူၤၡလ့ၣ်အပှၤဂီၢ်မုၢ်အဖီခိၣ်သ့ၣ်ဧၢ, ဒိကနၣ်တၢ်လၢယွၤစံး ဝဲန့ၣ်တက့ၢ်.

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ တံၤမသ့း 3:1

သ့ၣ်နီၣ်ထီၣ်က့ၤလၢတၢ်ဆၢကတီၢ်အကီအခဲကအိၣ်ထီၣ် ဝဲလၢမုၢ်နံၤခံကတၢၢ်တဖၣ်အပူၤန့ၣ်တက့ၢ်.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

၂ ပ့းတရူး 1:20

ဘၣ်ဆၣ်ဒီးလၢတၢ်ခဲလၢာ်အဖီခိၣ်, သ့ၣ်နီၣ်ထီၣ်လၢဝံအကလုၢ်လၢတၢ်ကွဲးအသးစီဆှံတဖၣ် အပူၤန့ၣ်, ပှၤတဲဖျါအခီပညီလၢအကစၢ်ဒၣ်ဝဲတသ့နီ တဂၤဘၣ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

ယူဒၤ 1:18

အဝဲသ့ၣ်စံးဘၣ်သု, “တုၤမုၢ်နံၤခံကတၢၢ်တဖၣ်ဟဲတုၤဝဲန့ၣ်, ပှၤလၢအကဒုၣ်ဒွဲၣ်နံၤဘၣ်ဖၣ်လဲသုတဖၣ်ကဟဲပၢၢ်ထီၣ်ဝဲ, လၢအမ့ၢ်ပှၤပိာ်ထွဲအကစၢ်ဒၣ်ဝဲအတၢ်တယူးတယီၣ် ယွၤအတၢ်သူၣ်လီသးကွံအခံန့ၣ်လီၤ.”