၂ ပ့းတရူး 3:14 - Sgaw Karen Common Bible

¹⁴ လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

၂ ပ့းတရူး 3:14 Iomraidhean Croise

လံာ်မးသဲ 24:26

လၢတၢ်န့ၣ်အဃိ, ပှၤမ့ၢ်တဲဘၣ်သု, ‘အဝဲအိၣ်လၢပှၢ်မုၢ်ကနၢအပူၤလီၤ’ န့ၣ်, တဘၣ်လဲၤဖဲန့ၣ်တဂ့ၤ. မ့ၢ်စံးဝဲလၢ, ‘အဝဲအိၣ်ခူသူၣ်ဖဲအံၤလီၤ.’ န့ၣ်, တဘၣ်နာ်တဂ့ၤ.

လံာ်မးသဲ 25:7

တုၤနုၤတစု, မုၣ်ကနီၤဆံဆဲၣ်ဂၤန့ၣ်ပၢၢ်ထီၣ်ဒီးမၤဂ့ၤထီၣ် အမ့ၣ်အူဒၢတဖၣ်လီၤ.

လံာ်လူၤကၣ် 12:43

တၢ်ခ့တၢ်ပှၤအဝဲန့ၣ်, ဖဲအကစၢ်ဟဲက့ၤဆူဟံၣ်ဒီးထံၣ်အမၤ ဝဲဒ်န့ၣ်အသိးန့ၣ်, ဘၣ်ဆိၣ်ဂ့ၤဝဲလီၤ.

လံာ်လူၤကၣ် 2:29

“ခဲကနံၣ်အံၤ, ကစၢ်ဧၢ, နမၤလၢထီၣ်ပှဲၤထီၣ်လံ နတၢ်အၢၣ်လီၤအီလီၤသတးဒီး, ပျၢ်ကွံာ်နခ့နပှၤမုာ်မုာ်တက့ၢ်.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ဖံလံးပံၤ 3:20

မ့မ့ၢ်ပဝဲသ့ၣ်တဖၣ်အံၤ, ပမ့ၢ်မူခိၣ်အဘီဖိမုၢ်ဖိ, ဒီးလၢတၢ်သးဆူၣ်အပူၤပအိၣ်ခိးကွၢ်လၢ်ပပှၤအုၣ်က့ၤခီၣ်က့ၤတၢ်, ကစၢ်ယ့ၣ်ၡူးခရံာ်အတၢ်ကဟဲလၢမူခိၣ်န့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၁ တံၤမသ့း 6:14

ဒ်သိးနကတိၢ်န့ၢ်တၢ်မၤလိာ်တဖၣ်အံၤဒီးဟံးဃာ်ဂၢၢ်ကျၢၤ အီၤလၢတၢ်သူၣ်တီသးရၤအပူၤတုၤလီၤလၢမုၢ်တနံၤဖဲ ပကစၢ်ယ့ၣ်ၡူးခရံာ်ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၂ ပ့းတရူး 3:1

တံၤသကိးသးဘိသ့ၣ်ဧၢ, အအံၤမ့ၢ်လံာ်ပရၢခံဘ့ၣ်တဘ့ၣ် လၢယကွဲးန့ၢ်သုလီၤ. လၢလံာ်ပရၢခံဘ့ၣ်လိာ်အပူၤန့ၣ်ယကျဲးစၢးထိၣ်ဂဲၤတ့ၢ်လံသုဒ်သိး သုကဆိကမိၣ်တၢ်လၢအဂ့ၤအဘၣ်ခီဖျိယဒုးသ့ၣ်နီၣ်သုတၢ်သ့ၣ် တဖၣ်အံၤန့ၣ်လီၤ.

၂ ပ့းတရူး 3:16

အဝဲကွဲးတၢ်ဒ်သိးအံၤထီဘိဖဲအကွဲးတၢ်ဘၣ်ဃးတၢ်ဂ့ၢ် အံၤန့ၣ်လီၤ. လၢအလံာ်ပရၢတဖၣ်အပူၤတၢ်အိၣ်ဝဲတနီၤလၢ ပနၢ်ပၢၢ်အီၤကီဒီးပှၤလၢအတသ့လံာ်ဒီးအသးတဂၢၢ်တကျၢၤ တဖၣ်ထုးထီၣ်ကမၣ်ဝဲအခီပညီဒ်အမၤဝဲလၢတၢ်ကွဲး အသးစီဆှံအဂၤတဖၣ်အသိးလီၤ. သတးဒီး, အဝဲသ့ၣ်ဃုအတၢ်ဟးဂီၤဒၣ်ဝဲန့ၣ်လီၤ.

၁ ယိၤဟၣ် 3:3

ပှၤတဂၤဂ့ၤတဂၤဂ့ၤလၢအအိၣ်ဒီးတၢ်မုၢ်လၢ်ဒ်အံၤလၢ ခရံာ်အပူၤန့ၣ်, အိၣ်စီအိၣ်ဆှံအသးဒ်ခရံာ်စီဝဲဆှံဝဲ အသိးန့ၣ်လီၤ.