၂ ပ့းတရူး 2:9 - Sgaw Karen Common Bible

⁹ လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၂ ပ့းတရူး 2:9 Iomraidhean Croise

လံာ်စီၤယိၤဘး 21:30

လၢမုၢ်တနံၤလၢကစၢ်ယွၤအသးဒိၣ်ထီၣ်ဒီးစံၣ်ညီၣ်တၢ်န့ၣ်ပှၤ တတီတလိၤတပူၤဖျဲးဝဲထီဘိန့ၣ်ဘၣ်ဧါ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 12:1

ယွၤဧၢ, မၤစၢၤပှၤတက့ၢ်, ပှၤအဲၣ်ယွၤပျံၤယွၤတအိၣ်နီတဂၤလၢၤဘၣ်. ပှၤအကလုၢ်တီတဘၣ်တၢ်ထံၣ်န့ၢ်အီၤလၢ ပှၤဟီၣ်ခိၣ်ဖိအကျါလၢၤဘၣ်.

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 37:33

ယွၤတလဲၤသဒၣ်အီၤလၢအဒုၣ်အဒါ အတၢ်စိတၢ်ကမီၤအပူၤမ့ၢ်ဂ့ၤ, တပျဲတၢ်စံၣ်ညီၣ်ဘၣ်အီၤဖဲ အဘၣ်တၢ်သမံသမိးအီၤ အကတီၢ်မ့ၢ်ဂ့ၤန့ၣ်ဘၣ်လီၤ.

စံးထီၣ်ပတြၢၤ 4:3

သ့ၣ်ညါလၢယွၤပာ်လီၤဆီပှၤအဲၣ်ယွၤပျံၤယွၤ လၢအဂီၢ်ဒၣ်ဝဲန့ၣ်တက့ၢ်. တုၤယကိးထီၣ်အီၤဒီးအဝဲဒၣ်နၢ်ဟူယၤလီၤ.

တၢ်ကတိၤဒိ. 12:13

ပှၤတတီတလိၤတဂၤန့ၣ်ဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲလီၤ. မ့မ့ၢ်ပှၤအတီအလိၤတဂၤန့ၣ်မၤထူၣ်ဖျဲးထီၣ်အသးလၢတၢ်ကီတၢ် ခဲအပူၤလီၤ.

တၢ်ကတိၤဒိ. 16:4

ကယဲၢ်တၢ်ကိးမံၤဒဲးလၢယွၤမၤအီၤန့ၣ်အိၣ်ဒီးအတၢ်အကတၢၢ်လီၤ. ဒီးတၢ်အကတၢၢ်လၢပှၤတတီတလိၤအဂီၢ်န့ၣ်မ့ၢ်တၢ်မၤဟးဂီၤကွံာ် အီၤန့ၣ်လီၤ.

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:10

မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”