၂ ပ့းတရူး 2:20 - Sgaw Karen Common Bible

²⁰ ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၂ ပ့းတရူး 2:20 Iomraidhean Croise

လံာ်ယဃ့းစက့လး 33:13

ဘၣ်တဘၣ်ယကအၢၣ်လီၤဟ့ၣ်တၢ်မူဆူပှၤအဂ့ၤတဂၤလီၤ. ဘၣ်ဆၣ်အဝဲမ့ၢ်ဆိကမိၣ်ထီၣ်ဝဲလၢအဝဲအတၢ်ဂ့ၤလၢအပူၤကွံာ် တဖၣ်လၢပှဲၤဝဲလံ, ဒီးစးထီၣ်မၤတၢ်ဒဲးဘးန့ၣ်, ယတသ့ၣ်နီၣ် ထီၣ်က့ၤတၢ်ဂ့ၤလၢအဝဲမၤတ့ၢ်ဝဲတဖၣ်နီတမံၤဘၣ်. အဝဲကသံ လၢအတၢ်ဒဲးဘးတဖၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:20

ဒီးပှၤလုၢ်တၢ်အခိၣ်ကကွၢ်အီၤ, ဒီးတၢ်အပူၤလီၢ်မ့ၢ်ယိာ်န့ၢ် အဖံးလၢအဃၢၤဒီးအဆူၣ်အိၣ်လၢအပူၤလီၢ်မ့ၢ်လီၤဝါန့ၣ်, ကဘၣ်ဘိးဘၣ်သ့ၣ်ညါအီၤလၢအတကဆှီဘၣ်န့ၣ်လီၤ. ဒီးတၢ်န့ၣ်မ့ၢ်တၢ်ဆါလၢအစးထီၣ်အသးလၢတၢ်ဝ့ထီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:55

အန့ၣ်ဝံၤဒီးအဝဲကကွၢ်ဝဲ, ဒီးတၢ်ဆါအၢမ့ၢ်တလဲလိာ်အလွဲၢ်ဒီးတလဲၢ်ထီၣ်ဒၣ်လဲာ်န့ၣ်, မ့ၢ်ဒံးတၢ်တကဆှီဘၣ်န့ၣ်လီၤ. ဒီးနဘၣ်ဆိၣ်ကဲၤထီၣ်ကွံာ်အီၤလၢမ့ၣ်အူဖဲတၢ်ဆါအၢအကဝီၤ အိၣ်လၢအညါပူၤမ့ၢ်ဂ့ၤအချၢမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:43

ဖဲလၢၢ်တဖၣ်ဘၣ်တၢ်သုးကွံာ်အီၤ, ဒီးတၢ်အဒူၣ်တဖၣ်ဘၣ်တၢ်ကွးကွံာ်အီၤဒီးမၤက့ၤအီၤအ သီဝံၤဘၣ်ဆၣ်တၢ်ဆါအၢအဃၢ်မ့ၢ်ဟဲအိၣ်ထီၣ်ကဒီးလၢဟံၣ်ပူၤန့ၣ်

လံာ်တၢ်ဂံၢ် 24:20

အန့ၣ်ဝံၤဒီး, လၢအတၢ်ထံၣ်လၢညါခီအပူၤန့ၣ်စီၤဘံးလၣ်ထံၣ်ဘၣ် ပှၤဧမၤလ့းဖိတဖၣ်ဒီးအဲးထီၣ်အထးခိၣ်လၢဝံအကျိာ်ဒ်အံၤလီၤ. “ကီၢ်ဧမၤလ့းမ့ၢ်ပှၤတကလုာ်လၢအဂံၢ်အဘါဆူၣ်ကတၢၢ်လၢပှၤ ကလုာ်ခဲလၢာ်အကျါ, ဘၣ်ဆၣ်ဒီးလၢခံကတၢၢ်န့ၣ်ကဟးဂီၤ လီၤထူလီၤယိာ်လီၤ.”

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၂ တံၤမသ့း 2:4

ပှၤသုးဖိလၢအအိၣ်လၢတၢ်ဖံးတၢ်မၤအပူၤတဂၤန့ၣ်, သးအိၣ်မၤမုာ်မၤမံဘၣ်အသုးခိၣ်အသးသတးဒီး, အဝဲတမၤတံာ်တာ်အသးလၢပှၤပတီၢ်မုၣ်အတၢ် ဂ့ၢ်တၢ်ကျိၤတဖၣ်န့ၣ်ဘၣ်.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

၂ ပ့းတရူး 1:11

လၢကျဲဒ်အံၤန့ၣ်, တၢ်ကဟ့ၣ်သုတၢ်အခွဲးအယာ်အလၢ အပှဲၤလၢသုကလဲၤနုာ်ဘၣ်ဆူပကစၢ်ဒီးပှၤအုၣ်က့ၤခီၣ်က့ၤ ပှၤယ့ၣ်ၡူးခရံာ်အဘီအမုၢ်အထူအယိာ်အပူၤန့ၣ်လီၤ.

၂ ပ့းတရူး 1:2

မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢ ပှဲၤပှဲၤခီဖျိသုတၢ်သ့ၣ်ညါကစၢ်ယွၤဒီးပကစၢ်ယ့ၣ်ၡူးခရံာ် န့ၣ်တက့ၢ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

၂ ပ့းတရူး 1:8

တၢ်သ့ၣ်တဖၣ်အံၤမ့ၢ်တၢ်လၢသုလိၣ်ဘၣ်အီၤ, ဒီးသုမ့ၢ်အိၣ်ဒီးတၢ်သ့ၣ်တဖၣ်အံၤအါအါကလဲာ်ဒီး, ကဒုးမူဒုးဂဲၤသုဒီးဒုးကဲဘျုးကဲဖှိၣ်သုလၢသုတၢ်သ့ၣ်ညါ ပကစၢ်ယ့ၣ်ၡူးခရံာ်အပူၤန့ၣ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.