၂ ပ့းတရူး 2:2 - Sgaw Karen Common Bible

² အန့ၣ်ဒၣ်လဲာ်, ပှၤအါဂၤကပိာ်ထွဲအဝဲသ့ၣ်အတၢ်ကလုာ်ကလိၤအကျဲ တဖၣ်အခံ, ဒီးလၢတၢ်လၢအဝဲသ့ၣ်မၤဝဲအဃိ, ပှၤဂၤတဖၣ်ကကတိၤအၢကတိၤသီတၢ်မ့ၢ်တၢ်တီအကျဲ န့ၣ်လီၤ.

၂ ပ့းတရူး 2:2 Iomraidhean Croise

လံာ်တၢ်ကဲထီၣ်အခီၣ်ထံး 19:5

အဝဲသ့ၣ်ကိးထီၣ်စီၤလိာ်ဒီးသံကွၢ်ဝဲ, “ပှၤပိာ်ခွါလၢအဟဲ လၢကအိၣ်ဒီးနၤတနၤအံၤတဖၣ်န့ၣ်အိၣ်ဖဲလဲၣ်. ဟဲစိာ်ထီၣ်အဝဲသ့ၣ်ဆူပအိၣ်တက့ၢ်.” ဝ့ၢ်စဒိၣ်အပှၤပိာ်ခွါသ့ၣ် တဖၣ်အဲၣ်ဒိးမံဃုာ်ဂဲၤဃုာ်ဒီးအဝဲသ့ၣ်န့ၣ်လီၤ.

စံးထီၣ်ပတြၢၤ 18:21

ယစူၢ်ယွၤအတၢ်သိၣ်တၢ်သီ, ယတဟးဖးဒီးယကစၢ်ယွၤဘၣ်.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 7:14

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

လံာ်မၢ်ကူး 12:14

အဝဲသ့ၣ်ဟဲဆူအအိၣ်ဒီးစံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤတီပှၤလိၤဒီးကတိၤတၢ်တီတီလိၤလိၤ, ဒီးနတပျံၤဒီးကွၢ်မဲာ်ပှၤနီတဂၤဘၣ်န့ၣ်လီၤ. ပှၤအိၣ်ဒီးပှၤလီၢ်ပှၤလၤန့ၣ်နတပာ်ဒိၣ်လီၤဆီအီၤဘၣ်, မ့မ့ၢ်ကစၢ်ယွၤအကျဲလၢအပာ်လီၤဝဲလၢပှၤကညီအဂီၢ်န့ၣ်နသိၣ် လိသီလိအီၤတီတီလိၤလိၤလီၤ. တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤအစီၤပၤဖးဒိၣ်န့ၣ် မ့ၢ်အကြၢးဝဲဘၣ်ဝဲကစီဒီဧါ. မ့ၢ်အတကြၢးတဘၣ်ဘၣ်လဲၣ်. မ့ၢ်ပကြၢးဟ့ၣ်ဧါ, မ့တမ့ၢ်တကြၢးဟ့ၣ်ဘၣ်လဲၣ်.”

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 14:2

ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 16:17

အဝဲဒၣ်ပိာ်ထီၣ်စီၤပီလူးဒီးပဝဲသ့ၣ်တဖၣ်အခံ, အိၣ်ဒီးတၢ်ကိး ပသူထီၣ်ဝဲ, “ပှၤသ့ၣ်တဖၣ်အံၤမ့ၢ်ကစၢ်ယွၤလၢအဒိၣ်ကတၢၢ် အထီကတၢၢ်တဂၤအခ့အပှၤလီၤ. အဝဲသ့ၣ်ဘိးဘၣ်သ့ၣ်ညါသုလၢသုကဘၣ်တၢ်အုၣ်က့ၤခီၣ် က့ၤသုဒ်လဲၣ်အဂ့ၢ်န့ၣ်လီၤ.”

မၤတၢ် 18:26

အဝဲကတိၤထီၣ်တၢ်ဒူဒူလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤ လီၤ. ဖဲနီၢ်ပြံစကံးလၤဒီးစီၤအကူလၤနၢ်ဟူဘၣ်အဝဲဒၣ်ကတိၤ တၢ်န့ၣ်, က့ၤကိးအီၤဆူအဟံၣ်, တဲဖျါန့ၢ်အီၤကစၢ်ယွၤအကျဲဒ်သိးအကနၢ်ပၢၢ်ဝဲလီၤတံၢ်ဒိၣ်န့ၢ် အလီၢ်တက့ၢ်လီၤ.

မၤတၢ် 19:9

ဘၣ်ဆၣ်ဒီးအဝဲသ့ၣ်တနီၤအခိၣ်ကိၤဒီးတစူၢ်တနာ်တၢ်ဘၣ်. ဒီးလၢပှၤကမျၢၢ်ဒီဖုအမဲာ်ညါန့ၣ်, ကတိၤအၢကတိၤသီဝဲကစၢ် အကျဲန့ၣ်လီၤ. လၢတၢ်န့ၣ်အဃိ, စီၤပီလူးဟးဖးဒီးအဝဲသ့ၣ်ဒီးကိးဃုာ်အပျဲၢ်အဘီၣ်တဖၣ်လၢ အသကိး, ဒီးကိးနံၤဒဲးန့ၣ်ကွၢ်ဆိကမိၣ်ကတိၤသကိးတၢ်ဖဲစီၤတူၤရၣ်နူး သိၣ်လိတၢ်အဘျီၣ်ပူၤန့ၣ်လီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

ရိမ့ၤ 2:24

တၢ်ကွဲးအသးစီဆှံစံးဝဲဒၣ်, လၢသုဝဲပှၤယူဒၤဖိတဖၣ်အဃိ, ပှၤကလုာ်ဂၤတဖၣ်ကတိၤတရီတပါကစၢ်ယွၤအမံၤန့ၣ်လီၤ.”

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

တံတူး 2:5

ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၂ ပ့းတရူး 2:12

မ့မ့ၢ်ပှၤသ့ၣ်တဖၣ်အံၤမၤတၢ်လၢတၢ်တဆိကမိၣ်ဆိကမး အပူၤဒ်ဆၣ်ဖိကီၢ်ဖိအရၢၢ်တဖၣ်လၢအဘၣ်တၢ်ဖှံလီၤအီၤလၢ တၢ်ကဖီၣ်န့ၢ်ဒီးမၤသံအီၤအဂီၢ်အသိးန့ၣ်လီၤ. အဝဲသ့ၣ်ကတိၤဒုၣ်ဒွဲၣ်စံးအၢတၢ်လၢအတနၢ်ပၢၢ်ဝဲတဖၣ်န့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဒ်ဆၣ်ဖိကီၢ်ဖိအရၢၢ်တဖၣ် အသိး,

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

၂ ပ့းတရူး 2:21

လၢအဝဲသ့ၣ်အဂီၢ်န့ၣ်, မ့ၢ်တသ့ၣ်ညါဘၣ်တ့ၢ်လံတၢ်တီတၢ်လိၤအကျဲနီတဘျီဘၣ်ဒီး ကဂ့ၤဒိၣ်န့ၢ်ဒံးအသ့ၣ်ညါဝဲဝံၤအလီၢ်ခံဃၣ်ဒူချၢကွံာ် အသးလၢတၢ်မၤလိာ်စီဆှံလၢတၢ်ဟ့ၣ်လီၤအဝဲသ့ၣ်, တက့ၢ်န့ၣ်လီၤ.

၂ ပ့းတရူး 2:7

အဝဲမၤပူၤဖျဲးစီၤလိာ်, ပှၤအဂ့ၤတဂၤလၢအသးဘၣ်ကိၢ်ဘၣ်ဂီၤလၢပှၤအအၢအသီတဖၣ် အတၢ်ကလုာ်ကလိၤအဃိလီၤ.

ယူဒၤ 1:10

ဘၣ်ဆၣ်ဒီးပှၤသ့ၣ်တဖၣ်အံၤကတိၤဒုၣ်ဒွဲၣ်ထီဒါတၢ် တမံၤလၢ်လၢ်လၢအဝဲသ့ၣ်တနၢ်ပၢၢ်ဝဲန့ၣ်လီၤ. ဒီးတၢ်တဖၣ်လၢအသ့ၣ်ညါဝဲခီဖျိတၢ်သ့ၣ်ညါလၢန့ဆၢၣ်ဟ့ၣ်အီၤ, ဒ်ဆၣ်ဖိကီၢ်ဖိအမံၤတဖၣ်အသိးန့ၣ်, မ့ၢ်တၢ်သ့ၣ်တဖၣ်လၢအမၤဟးဂီၤအဝဲသ့ၣ်န့ၣ်လီၤ.

ယူဒၤ 1:15

ဒ်သိးအကစံၣ်ညီၣ်ပှၤခဲလၢာ်, ဒီးကစံၣ်ညီၣ်ဃၣ်ပှၤတယူးတယီၣ်ယွၤခဲလၢာ်လၢအတၢ်မၤ တဖၣ်လၢအမၤတ့ၢ်ဝဲအဃိ, ဒီးပှၤတၢ်ဒဲးဘးဖိလၢအတယူးတယီၣ်ယွၤတဖၣ်လၢအတၢ် ကတိၤအအၢအသီတဖၣ်လၢအကတိၤတ့ၢ်ဝဲထီဒါယွၤအဃိ န့ၣ်လီၤ.”

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.