၂ ပ့းတရူး 2:15 - Sgaw Karen Common Bible

¹⁵ အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

၂ ပ့းတရူး 2:15 Iomraidhean Croise

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤနဃ့မယၤ 13:2

တၢ်အံၤမ့ၢ်လၢပှၤဧၣ်မိၣ်ဖိဒီးပှၤမိၤအးဖိတဖၣ်အံၤတဟ့ၣ်ဘၣ် ပှၤအံၣ်စရ့လးဖိတဖၣ်လၢထံဒီးကိၣ်ဖဲအဝဲသ့ၣ်ဟးထီၣ်လၢကီၢ် အဲၤကူပတူးပူၤအခါအဃိန့ၣ်လီၤ. အခိၣ်တလိာ်အဝဲသ့ၣ်ဟ့ၣ်တိၢ်စ့ဆူစီၤဘံးလၣ်ဒ်သိးအကဆိၣ်အၢပှၤ အံၣ်စရ့လးဖိတဖၣ်, ဘၣ်ဆၣ်ပကစၢ်ယွၤလဲလိာ်ကွံာ်တၢ်ဆိၣ်အၢန့ၣ်ဆူတၢ်ဆိၣ်ဂ့ၤတမံၤလီၤ.

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 22:23

ဖဲကသ့ၣ်ယီၤထံၣ်ကလူးန့ၣ်ဆၢထၢၣ်ဝဲစိာ်ဝဲဒီးနးတဘ့ၣ်န့ၣ်, အဝဲဃၣ်ကွံာ်အသးလၢကျဲပူၤဒီးလဲၤလီၤဆူပျီပူၤန့ၣ်လီၤ. စီၤဘံးလၣ်တီၢ်ကသ့ၣ်ယီၤဒီးမၢအက့ၤထီၣ်ဆူကျဲမုၢ်ခိၣ်န့ၣ် လီၤ.

လံာ်တၢ်ဂံၢ် 22:28

အန့ၣ်တစု, ယွၤဟ့ၣ်လီၤတၢ်စိကမီၤလၢကသ့ၣ်ယီၤန့ၣ်ကတိၤတၢ် ကသ့အဂီၢ်ဒီးအဝဲစံးဘၣ်စီၤဘံးလၣ်, “ယမၤဘၣ်နၤလၢမနုၤတမံၤလဲၣ်. ဘၣ်မနုၤနတီၢ်ယၤသၢစုညါန့ၣ်လဲၣ်.”

လံာ်တၢ်ဂံၢ် 22:32

ကလူးန့ၣ်သံကွၢ်ဆူၣ်အီၤ, “ဘၣ်မနုၤနတီၢ်နကသ့ၣ်ယီၤဒ်အံၤ အသိးသၢစုညါန့ၣ်လဲၣ်. ယဟဲဒ်သိးယကတြီတံာ်တာ်နကျဲ, မ့ၢ်လၢနတကြၢးလဲၤတၢ်လဲၤအံၤဘၣ်အဃိန့ၣ်လီၤ.

လံာ်တၢ်ဂံၢ် 31:16

သ့ၣ်နီၣ်ထီၣ်လၢပှၤလၢအပိာ်ထွဲစီၤဘံးလၣ်အတၢ်သိၣ်လိနဲၣ်ယုၤ တဖၣ်လၢဝ့ၢ်ပဧိၢ်န့ၣ်ဒီးဆှၢဃီၤပှၤဂီၢ်မုၢ်ဆူတၢ်သးတတီဒီး ယွၤန့ၣ်မ့ၢ်ပှၤပိာ်မုၣ်တဖၣ်တက့ၢ်. တၢ်န့ၣ်မ့ၢ်တၢ်လၢအဟဲစိာ်တၢ်သံသတြိာ်လၢယွၤအပှၤဂီၢ်မုၢ် အဖီခိၣ်န့ၣ်လီၤ.

လံာ်မးသဲ 26:9

သိနၢမူအံၤမ့ၢ်ဘၣ်တၢ်ဆါလီၤအီၤလၢအပှ့ၤဖးဒိၣ်ဒီး, စ့လၢအန့ၢ်န့ၣ် တၢ်ဟ့ၣ်မၤစၢၤပှၤဖှီၣ်ဖိသ့ဝဲလီၤ.”

မၤတၢ် 1:18

(စ့လၢစီၤယူဒၤမၤန့ၢ်ဝဲခီဖျိအမၤတၢ်လၢအအၢတမံၤန့ၣ်, အဝဲဒၣ်ပှ့ၤန့ၢ်ဟီၣ်ခိၣ်တကဝီၤ, ဒီးလီၤတဲာ်ဆှိခိၣ်လၢအပူၤန့ၣ်လီၤ. အဟၢဖၢပိၢ်ဖးဒီးအပှံာ်အကဖုတဖၣ်လီၤလဲာ်ကွံာ်ခဲလၢာ်လီၤ.

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

၂ ပ့းတရူး 2:13

ဒီးကတူၢ်ဘၣ်က့ၤတၢ်လၢအဒုးတူၢ်ပှၤဂၤန့ၣ်လီၤ. တၢ်မၤလၢပှဲၤနီၢ်ခိဖံးညၣ်အတၢ်သူၣ်ဝံၤသၣ်စ့ၤလၢမုၢ် ဆါခီန့ၣ်, အဝဲသ့ၣ်ပာ်ဝဲလၢအမ့ၢ်တၢ်မုာ်လၤသးဖှံ လီၤ. ဖဲအဝဲသ့ၣ်အီၣ်တၢ်အီတၢ်ဒီးသုန့ၣ်, ကဲထီၣ်တၢ်လီၤမဲာ်ဆှးဒီးတၢ်အသူးအသ့ၣ်တအိၣ်ဘၣ် အလီၢ်, ဒီးမုာ်လၤဒံးဒၣ်ဝဲလၢအတၢ်လီတၢ်ဝ့ၤအကျဲတဖၣ် အပူၤန့ၣ်လီၤ.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.