၂ ပ့းတရူး 1:8 - Sgaw Karen Common Bible

⁸ တၢ်သ့ၣ်တဖၣ်အံၤမ့ၢ်တၢ်လၢသုလိၣ်ဘၣ်အီၤ, ဒီးသုမ့ၢ်အိၣ်ဒီးတၢ်သ့ၣ်တဖၣ်အံၤအါအါကလဲာ်ဒီး, ကဒုးမူဒုးဂဲၤသုဒီးဒုးကဲဘျုးကဲဖှိၣ်သုလၢသုတၢ်သ့ၣ်ညါ ပကစၢ်ယ့ၣ်ၡူးခရံာ်အပူၤန့ၣ်လီၤ.

၂ ပ့းတရူး 1:8 Iomraidhean Croise

တၢ်ကတိၤဒိ. 19:15

နမ့ၢ်အဲၣ်ဒိးကၢၣ်န့ၣ်မၤကွၢ်ကွၢ်တက့ၢ်. မံဆူၣ်ဆူၣ်တက့ၢ်. ဒီးနကသၣ်ဝံၤလီၤဒိလီၤ.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မးသဲ 20:3

ဖဲခွံနၣ်ရံၣ်ဃၣ်ဃၣ်န့ၣ်, အဝဲဟးထီၣ်ကဒီးတဘျီ, ဒီးထံၣ်ဘၣ်ပှၤတနီၤဆၢထၢၣ်အိၣ်ကလီကလီလၢဖၠါပူၤလီၤ.

လံာ်မးသဲ 20:6

လၢဟါခီယဲၢ်နၣ်ရံၣ်ဃၣ်ဃၣ်န့ၣ်ဟးထီၣ်ကဒီးဝဲဆူဖၠါပူၤ, ဒီးထံၣ်ဒံးပှၤတနီၤဆၢထၢၣ်ဝဲဖဲန့ၣ်, ဒီးစံးဘၣ်အဝဲသ့ၣ်, ‘ဘၣ်မနုၤလၢသုဆၢထၢၣ်အိၣ်ကလီကလီသ့တနံၤကျၢၤန့ၣ်လဲၣ်.’

လံာ်မးသဲ 25:26

ဘၣ်ဆၣ်အကစၢ်စံးဆၢတၢ်ဒီးစံး, ‘တၢ်အခ့အပှၤလၢအအၢဒီးအကၢၣ်မးတဂၤဧၢ, လၢယမ့ၢ်ပှၤလၢအကူးအီၣ်က့ၤတၢ်လၢယတသူၣ်တၢ်အလီၢ်, ဒီးထၢဖှိၣ်က့ၤတၢ်လၢယတဖှံလီၤတၢ်အလီၢ်န့ၣ်, နသ့ၣ်ညါကစီဒီမးလဲၣ်.

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 5:42

ဘၣ်ဆၣ်ဒီးသုမ့ၢ်ပှၤဒ်လဲၣ်န့ၣ်ယသ့ၣ်ညါ, ဒီးယသ့ၣ်ညါလၢတၢ်အဲၣ်တၢ်ကွံကစၢ်ယွၤ တအိၣ်လၢသုသးကံၢ်ပူၤဘၣ်န့ၣ်လီၤ.

ရိမ့ၤ 12:11

မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 13:5

ဒိးတၢ်မၤကွၢ်လၢသုနီၢ်ကစၢ်ဒၣ်သုဝဲဒီးစံၣ်ညီၣ်လီၤက့ၤသု သးဒၣ်သုဝဲ, ဒ်သိးသုအိၣ်မူလၢတၢ်စူၢ်တၢ်နာ်အပူၤကစီ ဒီဧါတအိၣ်မူလဲၣ်န့ၣ်သုကသ့ၣ်ညါဘၣ်သုဝဲအဂီၢ်န့ၣ် တက့ၢ်. မ့တမ့ၢ်လၢသုလီၤတိၢ်သုဝဲလၢာ်လၢာ်ဆ့ဆ့လံဘၣ် န့ၣ်, သပှၢ်ကတၢၢ်သုသ့ၣ်ညါလၢယ့ၣ်ၡူးခရံာ်အိၣ်လၢသုပူၤလီၤ တမ့ၢ်ဘၣ်ဧါ.

၂ ကရံၣ်သူး 8:2

အဝဲသ့ၣ်ဒိးဘၣ်တၢ်မၤကွၢ်အီၤဆူၣ်ဆူၣ်ကိၤကိၤခီဖျိတၢ် ကီတၢ်ခဲလၢအဘၣ်လဲၤခီဖျိဝဲသ့ၣ်တဖၣ်လီၤ. ဘၣ်ဆၣ်ဒီးအဝဲသ့ၣ်အတၢ်သးခုဒိၣ်ဝဲအါဝဲတုၤဒၣ်လဲာ် ဖှီၣ်ဝဲယာ်ဝဲဒိၣ်မးသနာ်က့ဟ့ၣ်မးတၢ်အါအါဂီၢ်ဂီၢ်လၢတၢ် သူၣ်အိၣ်သးအိၣ်အပူၤလီၤ.

၂ ကရံၣ်သူး 8:7

လၢတၢ်အိၣ်ဒီးသုခဲလၢာ်အပူၤ, လၢတၢ်စူၢ်တၢ်နာ်, တၢ်စံးတၢ်ကတိၤဒီးတၢ်သ့ၣ်ညါနၢ်ပၢၢ်အပူၤ, လၢသုတၢ် သးဆူၣ်မၤစၢၤတၢ်, ဒီးလၢသုတၢ်အဲၣ်ဘၣ်ပှၤအပူၤန့ၣ်, သုထူးဝဲတီၤဝဲဒိၣ်မးလီၤ. ဒီးလၢတၢ်န့ၣ်အဃိပအဲၣ်ဒိးလၢသုကအိၣ်ဒီးတၢ်သးအိၣ် အတၢ်ဟ့ၣ်တၢ်အါ, လၢတၢ်အဲၣ်အတၢ်ဖံးတၢ်မၤတမံၤအံၤ အပူၤစ့ၢ်ကီးန့ၣ်လီၤ.

၂ ကရံၣ်သူး 9:14

ဒီးလၢတၢ်န့ၣ်အဃိ, လၢတၢ်အဲၣ်တၢ်ကွံအဒိၣ်အယိာ် အပူၤ, အဝဲသ့ၣ်ကဃ့ဘါထုကဖၣ်တၢ်လၢသုဂီၢ်, အဂ့ၢ်မ့ၢ်လၢကစၢ်ယွၤဒုးနဲၣ်တ့ၢ်သုတၢ်ဘျုးတၢ်ဖှိၣ်လီၤတိၢ် လီၤဆီအဃိန့ၣ်လီၤ.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

ဖံလံးပံၤ 2:5

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ သ့းစၤလနံ 3:12

မ်ကစၢ်ယွၤမၤစၢၤသုဒ်သိးသုတၢ်အဲၣ်လိာ်သုသးဒီးသုတၢ် အဲၣ်ပှၤခဲလၢာ်ကအါထီၣ်န့ၢ်အလီၢ်တုၤအဒိၣ်ထဲသိးဒီးပတၢ် အဲၣ်သုအံၤန့ၣ်တက့ၢ်.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

ဖံၤလ့မိၣ် 1:6

ယတၢ်ထုကဖၣ်မ့ၢ်ဝဲလၢပတၢ်ဘၣ်ထွဲဒီးနၤဒ်ပှၤစူၢ်က့ၤနာ်က့ၤ တၢ်တဂၤအသိးအံၤန့ၣ်, ကဒုးအါထီၣ်ယိာ်ထီၣ်တၢ်သ့ၣ်ညါနၢ်ပၢၢ်တၢ်ဆိၣ်ဂ့ၤခဲလၢာ်လၢ အအိၣ်ဒီးပှၤ, ခီဖျိတၢ်အိၣ်မူလၢခရံာ်အပူၤန့ၣ်လီၤ.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

၂ ပ့းတရူး 1:2

မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢ ပှဲၤပှဲၤခီဖျိသုတၢ်သ့ၣ်ညါကစၢ်ယွၤဒီးပကစၢ်ယ့ၣ်ၡူးခရံာ် န့ၣ်တက့ၢ်.

၂ ပ့းတရူး 1:3

ကစၢ်ယွၤအတၢ်စိကမီၤဟ့ၣ်လီၤပှၤတၢ်ခဲလၢာ်လၢပလိၣ် ဘၣ်အီၤ, ဒ်သိးပကအိၣ်မူတၢ်အဲၣ်ထူအဲၣ်ယွၤအတၢ်အိၣ် မူနီၢ်နီၢ်ခီဖျိပတၢ်သ့ၣ်ညါပှၤလၢအကိးန့ၢ်ပှၤ, ဒ်သိးကဒိးန့ၢ်ဃုာ်အလၤကပီၤဒီးအတၢ်ဂ့ၤတၢ်ဝါတဂၤ န့ၣ်လီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.