၂ ပ့းတရူး 1:16 - Sgaw Karen Common Bible

¹⁶ လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.

၂ ပ့းတရူး 1:16 Iomraidhean Croise

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 24:27

အဂ့ၢ်ဒ်အံၤ, ပှၤကညီဖိခွါကဟဲဝဲဒ်လီဝၢ်အဒံး, ဒီးဆဲးကပြုၢ်ထီၣ်ဘၣ်မူခိၣ်ဒီဘ့ၣ်ညါ, စးထီၣ်လၢမုၢ်ထီၣ်တုၤလီၤလၢမုၢ်နုာ်အသိးန့ၣ်လီၤ.

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်မၢ်ကူး 14:62

ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်လူၤကၣ် 1:2

အဝဲသ့ၣ်ကွဲးတၢ်ဂ့ၢ်ဘၣ်ထွဲဒီးပှၤလၢအထံၣ်ဘၣ်တၢ်သ့ၣ် တဖၣ်အံၤလၢအမဲာ်ချံဒၣ်ဝဲစးထီၣ်လၢအခီၣ်ထံးကတၢၢ် ဒီးတဲဘၣ်ပှၤ ဒီးဒုးဟူထီၣ်သါလီၤတၢ်ကစီၣ်တမံၤအံၤန့ၣ်လီၤ.

လံာ်လူၤကၣ် 9:43

ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

1 ကရံၣ်သူး 1:17

ခရံာ်တဆှၢလီၤဒီးမၢလီၤယၤဒ်သိးယကဒိးဘျၢတၢ်ဘၣ်. မ့ၢ်အဝဲဒၣ်ဆှၢလီၤဒီးမၢလီၤယၤဒ်သိးယကစံၣ်တဲၤတဲလီၤတၢ် သးခုကစီၣ်, ဒီးယကစံၣ်တဲၤတဲလီၤအီၤတအိၣ်ဒီးတၢ်သူပှၤကညီအတၢ် ကူၣ်ဘၣ်ကူၣ်သ့ဘၣ်. အဂ့ၢ်မ့ၢ်ဒ်သိးတၢ်စိတၢ်ကမီၤဘၣ်ဃးဒီးခရံာ်အတၢ်သံလၢထူၣ်စု ညါအလိၤန့ၣ်သုတဘၣ်တၢ်ဒုးလီၤမၢ်ကွံာ်အီၤတဂ့ၤန့ၣ်လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 2:1

ဖဲယလဲၤဆူသုအိၣ်ဒ်သိးယကစံၣ်တဲၤတဲလီၤတၢ်ခူသူၣ်ဘၣ်ဃး ကစၢ်ယွၤအတၢ်မ့ၢ်တၢ်တီန့ၣ်, ယတသူယဲတၢ်ကတိၤအဒိၣ်အသွါ, ဒီးတၢ်မၤလိမၤဒိးအဒိၣ်အထီဘၣ်.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

၂ သ့းစၤလနံ 2:9

ဖဲတၢ်အၢတၢ်သီတဂၤဟဲဝဲအိၣ်ဒီးမုၣ်ကီၤလံၢ်အစိကမီၤ န့ၣ်အဝဲဒၣ်ကမၤတၢ်လီၤလးဒီးတၢ်လီၤကမၢကမၣ်လၢ အလီန့ၢ်တၢ်အကလုာ်ကလုာ်တဖၣ်,

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

တံတူး 1:14

ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.