၂ ပ့းတရူး 1:15 - Sgaw Karen Common Bible

¹⁵ လၢတၢ်န့ၣ်အဃိ, ယကဂုာ်ကျဲးစၢးအဂ့ၤကတၢၢ်ဒ်သိးသု ကသ့ၣ်နီၣ်ထီၣ်တၢ်သ့ၣ်တဖၣ်အံၤကိးဆၢကတီၢ်ဒဲးဖဲ ယသံဝံၤအလီၢ်ခံန့ၣ်လီၤ.

၂ ပ့းတရူး 1:15 Iomraidhean Croise

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

လံာ်လူၤကၣ် 12:58

ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်.

လံာ်လူၤကၣ် 9:31

လၢအအိၣ်ဖျါထီၣ်လၢမူခိၣ်အတၢ်လၤတၢ်ကပီၤအပူၤ, ဒီးကတိၤတၢ်ဒီးယ့ၣ်ၡူးဘၣ်ဃးဒီးတၢ်ဂ့ၢ်လၢတယံာ်လၢၤဘၣ်န့ၣ် ယ့ၣ်ၡူးကမၤလၢထီၣ်ပှဲၤထီၣ်ကစၢ်ယွၤအတၢ်တိာ်ပာ်ခီဖျိ အသံဝဲဖဲဝ့ၢ်ယရူၤၡလ့ၣ်န့ၣ်လီၤ.

၂ သ့းစၤလနံ 2:5

သုကသ့ၣ်နီၣ်ထီၣ်ကစီဒီလီၤ. ယစံးဘၣ်တဲဘၣ်သုတၢ်သ့ၣ်တဖၣ် အံၤခဲလၢာ်, ဖဲယအိၣ်ဒံးဒီးသုအဖၢမုၢ်န့ၣ်လီၤ.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

၂ ပ့းတရူး 1:12

လၢတၢ်န့ၣ်အဃိ, သုသ့ၣ်ညါပာ်စၢၤတၢ်သ့ၣ်တဖၣ်အံၤ, ဒီးသုမ့ၢ်အိၣ်ဂၢၢ်ဆိးကျၢၤတ့ၢ်လၢတၢ်မ့ၢ်တၢ်တီလၢသုဒိး န့ၢ်ဘၣ်တ့ၢ်လံအီၤအပူၤဘၣ်ဆၣ်ဒီး, ယကဒုးသ့ၣ်နီၣ်ထီၣ်သုလၢတၢ်ဂ့ၢ်တဖၣ်အံၤထီဘိန့ၣ်လီၤ.