၂ ပ့းတရူး 1:12 - Sgaw Karen Common Bible

¹² လၢတၢ်န့ၣ်အဃိ, သုသ့ၣ်ညါပာ်စၢၤတၢ်သ့ၣ်တဖၣ်အံၤ, ဒီးသုမ့ၢ်အိၣ်ဂၢၢ်ဆိးကျၢၤတ့ၢ်လၢတၢ်မ့ၢ်တၢ်တီလၢသုဒိး န့ၢ်ဘၣ်တ့ၢ်လံအီၤအပူၤဘၣ်ဆၣ်ဒီး, ယကဒုးသ့ၣ်နီၣ်ထီၣ်သုလၢတၢ်ဂ့ၢ်တဖၣ်အံၤထီဘိန့ၣ်လီၤ.

၂ ပ့းတရူး 1:12 Iomraidhean Croise

မၤတၢ် 16:5

လၢတၢ်န့ၣ်အဃိ, တၢ်အိၣ်ဖှိၣ်တဖၣ်အတၢ်စူၢ်တၢ်နာ်အဂံၢ် အဘါဆူၣ်ထီၣ်, ဒီးပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ဝဲ ကိးနံၤဒဲးလီၤ.

ဖံလံးပံၤ 3:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သူၣ်ခုသးခုလၢသုတၢ်မ့ၢ်တၢ်တမံၤဃီဒီးကစၢ်ခရံာ်အဃိ န့ၣ်တက့ၢ်. ယကတဲကဒီး တၢ်လၢယကွဲးတ့ၢ်လံလၢညါန့ၣ်တမ့ၢ်တၢ်တံာ်တာ်လၢ ယဂီၢ်ဘၣ်, ဒီးယမ့ၢ်မၤဒ်န့ၣ်မးဒီးတၢ်လီၤဘၣ်ယိၣ်လၢသုဂီၢ် ကစှၤလီၤဝဲလီၤ.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 1:6

လၢတၢ်ဂ့ၢ်အံၤအဃိ, ယဒုးသ့ၣ်နီၣ်ထီၣ်နၤလၢနကထိၣ် ဂဲၤထီၣ်တၢ်ဟ့ၣ်လၢကစၢ်ယွၤဟ့ၣ်လီၤတ့ၢ်နၤ, ဖဲယပာ်ယစုလၢနလိၤအခါန့ၣ်လီၤ.

ဧ့ၤဘြံၤ 10:32

ဘၣ်ဆၣ်ဒီးသ့ၣ်နီၣ်ထီၣ်မုၢ်နံၤလၢအပူၤကွံာ်တဖၣ်, ဖဲသုသးဘၣ်တၢ်မၤကပီၤထီၣ်အီၤဝံၤအလီၢ်ခံ, ဖဲသုဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်အဒိၣ်အအါသနာ် က့သုတူၢ်အီၤပှဲၤကစီဒီန့ၣ်တက့ၢ်.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.

၂ ပ့းတရူး 1:13

ယဆိကမိၣ်လၢဖဲယအိၣ်မူဒံးအဖၢမုၢ်ဒီး, ယထိၣ်ဂဲၤထီၣ်သုတၢ်သ့ၣ်နီၣ်ဘၣ်ဃးတၢ်ဂ့ၢ်တဖၣ်အံၤန့ၣ်မ့ၢ်တၢ် လၢအဘၣ်န့ၣ်လီၤ.

၂ ပ့းတရူး 1:15

လၢတၢ်န့ၣ်အဃိ, ယကဂုာ်ကျဲးစၢးအဂ့ၤကတၢၢ်ဒ်သိးသု ကသ့ၣ်နီၣ်ထီၣ်တၢ်သ့ၣ်တဖၣ်အံၤကိးဆၢကတီၢ်ဒဲးဖဲ ယသံဝံၤအလီၢ်ခံန့ၣ်လီၤ.

၂ ပ့းတရူး 3:1

တံၤသကိးသးဘိသ့ၣ်ဧၢ, အအံၤမ့ၢ်လံာ်ပရၢခံဘ့ၣ်တဘ့ၣ် လၢယကွဲးန့ၢ်သုလီၤ. လၢလံာ်ပရၢခံဘ့ၣ်လိာ်အပူၤန့ၣ်ယကျဲးစၢးထိၣ်ဂဲၤတ့ၢ်လံသုဒ်သိး သုကဆိကမိၣ်တၢ်လၢအဂ့ၤအဘၣ်ခီဖျိယဒုးသ့ၣ်နီၣ်သုတၢ်သ့ၣ် တဖၣ်အံၤန့ၣ်လီၤ.

၂ ပ့းတရူး 3:17

ဘၣ်ဆၣ်ဒီးသုဝဲလၢအမ့ၢ်ယတံၤသကိးတဖၣ်သ့ၣ်ညါ တ့ၢ်တၢ်အံၤလံ. လၢတၢ်န့ၣ်အဃိ, ပလီၢ်သုသးဒ်သိးသုသုတဘၣ်တၢ်ဆှၢကမၣ်သုလၢ ပှၤလၢတၢ်သိၣ်တၢ်သီတအိၣ်ဘၣ်တဖၣ်အတၢ်ကမၣ် တဂ့ၤ, ဒီးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤဒၣ် သုဝဲအပူၤတဂ့ၤ.

၁ ယိၤဟၣ် 2:21

ယကွဲးန့ၢ်သုတၢ်အံၤတမ့ၢ်လၢသုတသ့ၣ်ညါတၢ်မ့ၢ် တၢ်တီအဃိဘၣ်. မ့မ့ၢ်, မ့ၢ်လၢသုသ့ၣ်ညါအီၤ, ဒီးမ့ၢ်စ့ၢ်ကီးလၢသုသ့ၣ်ညါလၢတၢ်လီတၢ်ဝ့ၤတဟဲထီၣ် လၢတၢ်မ့ၢ်တၢ်တီအပူၤနီတမံၤနီတဘျီဘၣ်အဃိ န့ၣ်လီၤ.

၂ ယိၤဟၣ် 1:2

မ့ၢ်လၢတၢ်မ့ၢ်တၢ်တီအိၣ်ဆိးလၢပပူၤဒီးကအိၣ်ဒီးပှၤလီၤ ထူလီၤယိာ်အဃိန့ၣ်လီၤ.

ယူဒၤ 1:17

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်လၢပကစၢ်ယ့ၣ်ၡူးခရံာ်အပျဲၢ်အဘီၣ်တဖၣ် စံးဘၣ်တဲဘၣ်တ့ၢ်သုလၢအပူၤကွံာ်န့ၣ်တက့ၢ်.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.