၂ ပ့းတရူး 1:11 - Sgaw Karen Common Bible

¹¹ လၢကျဲဒ်အံၤန့ၣ်, တၢ်ကဟ့ၣ်သုတၢ်အခွဲးအယာ်အလၢ အပှဲၤလၢသုကလဲၤနုာ်ဘၣ်ဆူပကစၢ်ဒီးပှၤအုၣ်က့ၤခီၣ်က့ၤ ပှၤယ့ၣ်ၡူးခရံာ်အဘီအမုၢ်အထူအယိာ်အပူၤန့ၣ်လီၤ.

၂ ပ့းတရူး 1:11 Iomraidhean Croise

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 36:8

ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်ယိၤဟၣ် 10:10

တၢ်ဟုၣ်တၢ်ဘျၣ်န့ၣ်ဟဲဝဲဒ်သိးအကဟုၣ်တၢ်, မၤသံတၢ်ဒီးမၤဟးဂီၤတၢ်အဂီၢ်လီၤ. မ့မ့ၢ်ယဲဒၣ်အံၤယဟဲယဲဒ်သိးသုကန့ၢ်ဘၣ်တၢ်မူ ဒီးန့ၢ်ဘၣ်အီၤအါအါကလဲာ်အဂီၢ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

1 ကရံၣ်သူး 15:24

အန့ၣ်ဝံၤဒီး, တၢ်အကတၢၢ်ကတုၤဃီၤဝဲဒၣ်လီၤ. ခရံာ်ကမၤနၢၤကွံာ်ပှၤပၢတၢ်ပြးတၢ်လၢနီၢ်သးတကပၤခဲလၢာ်, တၢ်ခိၣ်တၢ်နၢ်, ဒီးတၢ်စိတၢ်ကမီၤခဲလၢာ်ခဲဆ့ဒီးကဟ့ၣ်လီၤ က့ၤဘီမုၢ်ဆူပၢ်ကစၢ်ယွၤအစုပူၤန့ၣ်လီၤ.

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ဧ့ၤဘြံၤ 6:17

လၢတၢ်န့ၣ်အဃိ, ဖဲကစၢ်ယွၤသးအိၣ်လီၣ်ဖျါထီၣ်န့ၢ်ပှၤလၢ အကန့ၢ်သါဃုာ်တၢ်စံးပာ်အံၤတဖၣ်လၢအတၢ်တိာ်ပာ်မ့ၢ် တၢ်လၢအတလဲလိာ်အသးဘၣ်န့ၣ်, ယွၤအၢၣ်လီၤတၢ်အိၣ်ဒီးတၢ်ဆိၣ်လီၤအသးလီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၂ ပ့းတရူး 1:5

လၢတၢ်ဂ့ၢ်အံၤအဃိ, ဂုာ်ကျဲးစၢးအဂ့ၤကတၢၢ်ဒီးလၢသုတၢ် စူၢ်တၢ်နာ်အမဲာ်ညါပာ်ဖှိၣ်အါထီၣ်တၢ်ဂ့ၤတၢ်ဝါ, ဒီးလၢတၢ်ဂ့ၤတၢ်ဝါအမဲာ်ညါပာ်ဖှိၣ်အါထီၣ်တၢ်သ့ၣ်ညါ,

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”