၂ ပ့းတရူး 1:1 - Sgaw Karen Common Bible

¹ လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

၂ ပ့းတရူး 1:1 Iomraidhean Croise

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

လံာ်လူၤကၣ် 1:47

ယသူၣ်ခုသးခုယဲလၢကစၢ်ယွၤ, ယတၢ်အုၣ်က့ၤခီၣ်က့ၤကစၢ်တဂၤအဃိလီၤ.

လံာ်လူၤကၣ် 11:49

လၢတၢ်ဂ့ၢ်တမံၤအံၤအဃိ, ကစၢ်ယွၤအတၢ်ကူၣ်ဘၣ်ကူၣ်သ့စံးဝဲ, “ယကဆှၢလီၤန့ၢ်အဝဲသ့ၣ်လၢဝံတဖၣ်, ဒီးတၢ်မၢဖိတဖၣ်လီၤ. အဝဲသ့ၣ်ကမၤသံအီၤတနီၤ, ဒီးမၤအၢမၤနးအဂၤတဖၣ်လီၤ.

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 1:12

ဒ်ပစံးတၢ်အသိး, ပတၢ်ထံၣ်လိာ်ပသးကကဲထီၣ်တၢ်မၤစၢၤတဘျီဃီလၢသုဂီၢ်ဒီး ယဂီၢ်န့ၣ်လီၤ. ယတၢ်စူၢ်တၢ်နာ်ကမၤစၢၤသု, ဒီးသုတၢ်စူၢ်တၢ်နာ်ကမၤစၢၤယၤန့ၣ်လီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 15:9

အဂ့ၢ်ဒ်အံၤ, ယမ့ၢ်ပှၤအဆံးကတၢၢ်လၢပှၤတၢ်မၢဖိခဲလၢာ်အကျါ လီၤ. ယတကြၢးဘၣ်တၢ်ကိးဒၣ်လဲာ်ယၤလၢပှၤတၢ်မၢဖိတဂၤဘၣ်. အဂ့ၢ်မ့ၢ်လၢယမၤအၢမၤနးကစၢ်ယွၤအတၢ်အိၣ်ဖှိၣ်အဃိလီၤ.

1 ကရံၣ်သူး 9:1

ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

၂ ကရံၣ်သူး 4:13

တၢ်ကွဲးအသးစံးဝဲ, “ယကတိၤတၢ်မ့ၢ်လၢယနာ်တၢ် အဃိန့ၣ်လီၤ.” လၢတၢ်နာ်အသးတမံၤဃီအပူၤန့ၣ်, ပဝဲစ့ၢ်ကီးပကတိၤတၢ်အဂ့ၢ်မ့ၢ်လၢပနာ်တၢ်အဃိလီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 2:8

အဂ့ၢ်ဒ်အံၤ, လၢကစၢ်ယွၤအစိကမီၤအဃိန့ၣ်, ယဘၣ်တၢ်ဒုးကဲယၤလၢပှၤတၢ်မၢဖိဆူပှၤကလုာ်ဂၤတဖၣ် အအိၣ်, ဒ်စီၤပ့းတရူးဘၣ်တၢ်ဒုးကဲအီၤပှၤတၢ်မၢဖိဆူပှၤ ယူဒၤဖိတဖၣ်အအိၣ်အသိးန့ၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

အ့းဖ့းစူး 4:5

ကစၢ်အိၣ်တဂၤဧိၤ, တၢ်စူၢ်တၢ်နာ်အိၣ်တမံၤဧိၤဒီးတၢ်ဒိးဘျၢ အိၣ်တမံၤဧိၤလီၤ.

ဖံလံးပံၤ 1:1

လၢ, စီၤပီလူးဒီးစီၤတံၤမသ့း, ယ့ၣ်ၡူးခရံာ်အခ့အပှၤတဖၣ် ဆူ, ကစၢ်ယွၤအပှၤဂီၢ်မုၢ် ဖဲဝ့ၢ်ဖံလံးပံၤခဲလၢာ်လၢအမ့ၢ် တၢ်တမံၤဃီဒီးယ့ၣ်ၡူးခရံာ်, ဃုာ်ဒီးတၢ်အိၣ်ဖှိၣ်အခိၣ်အနၢ်ဒီး ပှၤလၢအမၤစၢၤတၢ်တဖၣ်အအိၣ်,

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

၂ တံၤမသ့း 1:5

ယသ့ၣ်နီၣ်ထီၣ်တၢ်စူၢ်တၢ်နာ်တံၢ်နီၢ်လၢအအိၣ် လၢနပူၤ, တၢ်စူၢ်တၢ်နာ်တကလုာ်လၢအအိၣ်တ့ၢ်လၢနဖံနီၢ် လိၤအ့ၣ်ဒီးနမိၢ်နီၢ်အူၤနံက့ၤအပူၤန့ၣ်လီၤ. ဒီးယနာ်နီၢ်နီၢ်လၢအအိၣ်စ့ၢ်ကီးလၢနပူၤန့ၣ်လီၤ.

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

၁ ပ့းတရူး 1:1

လၢစီၤပ့းတရူး, ယ့ၣ်ၡူးခရံာ်အပှၤတၢ်မၢဖိ, ဆူကစၢ်ယွၤအပှၤဃုထၢဖိတဖၣ်လၢအလီၤပြံလီၤပြါဝဲ သကုၤကီၢ်ပီၣ်တူး, ကီၢ်ကလၤတံ, ကီၢ်ကးပၤဒကံ, ကီၢ်အၤစံ ဒီးကီၢ်ဘံၤသူၤနံတဖၣ်အပူၤအအိၣ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 2:7

လၢၢ်အံၤအိၣ်ဒီးအလုၢ်အပှ့ၤဖးဒိၣ်လၢသုဝဲလၢအနာ်တၢ် တဖၣ်အဂီၢ်, မ့မ့ၢ်ပှၤလၢအတနာ်တၢ်တဖၣ်အဂီၢ်န့ၣ်, “လၢၢ်လၢပှၤသူၣ်ထီၣ်တၢ်တဖၣ်ညိကွံာ်ဝဲ ဒ်အမ့ၢ်တၢ်လၢအလုၢ်အပှ့ၤတအိၣ်အံၤ ကဲထီၣ်လၢၢ်လၢအကါဒိၣ်ကတၢၢ်တဖျၢၣ်န့ၣ်လီၤ” (စံး ၁၁၈:၂၂, ၂၃).

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၂ ပ့းတရူး 1:4

လၢကျဲဒ်အံၤန့ၣ်, အဝဲဟ့ၣ်လီၤလံစ့ၢ်ကီးပှၤလၢတၢ် ဟ့ၣ်အဒိၣ်အမုၢ်ဒီးလုၢ်ဒိၣ်ပှ့ၤဒိၣ်တဖၣ်လၢအအၢၣ်လီၤ တ့ၢ်ဝဲ, ဒ်သိးခီဖျိတၢ်ဟ့ၣ်တဖၣ်အံၤသုကထူၣ်ဖျဲး ထီၣ်လၢတၢ်သးကွံလၢအအိၣ်လၢဟီၣ်ခိၣ်အံၤ အပူၤလၢအမၤဟးဂီၤတၢ်, ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်န့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,