လံာ်စီၤပၤခံဘ့ၣ်တဘ့ၣ် 9:37 - Sgaw Karen Common Bible

³⁷ အဝဲအဃံအကွဲလၢအအိၣ်လီၤတဲာ်တဖၣ်ကဘၣ်တၢ်မၤလီၤပြံလီၤပြါအီၤဖဲန့ၣ်ဒ်တၢ်အ့ၣ်အသိးဒ်သိးပှၤကွၢ်နီၣ်အီၤသုတဘၣ် နီတဂၤတဂ့ၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:37 Iomraidhean Croise

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

စံးထီၣ်ပတြၢၤ 83:11

မၤအပှၤခိၣ်ပှၤနၢ်သ့ၣ်တဖၣ်ဒ်နမၤတ့ၢ် စီၤဧိၤရ့ာ်ဒီးစီၤစအ့ာ်အသိး, မၤနၢၤကွံာ်အပဒိၣ်ခဲလၢာ်ဒ်နမၤနၢၤတ့ၢ် စီၤစ့ဘၤဒီးစီၤစးလမူနၤအသိး,

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်ယံးရမံယၤ 25:33

လၢမုၢ်နံၤအဝဲန့ၣ်, ပှၤတဖၣ်လၢယွၤမၤသံတ့ၢ်အီၤအစိၣ်ကဘၣ် တၢ်မၤလီၤပြံလီၤပြါအီၤလၢဟီၣ်ခိၣ်အကတၢၢ်တခီ တုၤဆူဟီၣ်ခိၣ် အကတၢၢ်အဂၤတခီန့ၣ်လီၤ. ပှၤတဟီၣ်တၢ်ယၢၤတၢ်လၢအဝဲသ့ၣ် အဃိ နီတဂၤဘၣ်, အဝဲသ့ၣ် တဘၣ်တၢ်စိာ်ကွံာ်အီၤဒီးခူၣ်လီၤကွံာ် အီၤန့ၣ်ဘၣ်. အဝဲသ့ၣ် ကအိၣ်မံလီၤလၢ ဟီၣ်ခိၣ်လိၤဒ်တၢ်အ့ၣ်အပူၣ် တဖၣ်အသိးန့ၣ်လီၤ.

လံာ်ယံးရမံယၤ 36:20

ပဒိၣ်ပပှၢ်တဖၣ် ပာ်လံာ်ထူအံၤလၢ ကွီၢ်ဘျီၣ်အပူၤကွဲးလံာ် စီၤအလံၡမၤအဒၢးပူၤ, ဒီးလဲၤဝဲဆူစီၤပၤအနူၢ်ပူၤဒီး ဖဲန့ၣ်တဲဖျါတၢ်ကိးမံၤဒဲးဆူစီၤပၤန့ၣ်လီၤ.

လံာ်ယံးရမံယၤ 8:1

ဖဲဆၢကတီၢ်အဝဲန့ၣ်, ကီၢ်ယူဒၤအစီၤပၤတဖၣ်ဒီး အပဒိၣ်ပပှၢ်အဃံတဖၣ်, ဒီးဒ်န့ၣ်အသိး, ပှၤလုၢ်တၢ်အခိၣ်တဖၣ်, ဝံတဖၣ်, ဒီးပှၤဂီၢ်မုၢ်အဂၤလၢအအိၣ်လၢ ဝ့ၢ်ယရူၤၡလ့ၣ်အပူၤအဃံတဖၣ်, ကဘၣ်တၢ်ဟံးထီၣ်ကွံာ်အီၤလၢအ ဝဲသ့ၣ်အသွၣ်ခိၣ်တဖၣ်အပူၤန့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ယံးရမံယၤ 9:22

ပှၤသံစိၣ်တဖၣ်အိၣ်လီၤပြံလီၤပြါလၢတၢ်လီၢ်ကိးပူၤဒဲး, လီၤဂာ်ဒီးတၢ်အ့ၣ်တၢ်ဆံၣ်အပူၣ်တဖၣ် လၢစံာ်ဧိၤပှဲၤဧိၤအပူၤ, လီၤဂာ်ဒီးဘုခ့လၢတၢ်ကူးဒီးပာ်လီၤတ့ၢ်အီၤလၢ ပှၤကူးတၢ်ဖိတဖၣ်, ဘုခ့လၢပှၤတထၢဖှိၣ်အီၤနီတဂၤဘၣ်န့ၣ်လီၤ. အအံၤမ့ၢ်တၢ်လၢယွၤမၤတ့ၢ်ယၤလၢယကဘၣ် စံးဘၣ်တဲဘၣ်န့ၣ်လီၤ.”