လံာ်စီၤပၤခံဘ့ၣ်တဘ့ၣ် 9:28 - Sgaw Karen Common Bible

²⁸ အဝဲအသုးခိၣ်သုးနၢ်တဖၣ်ဟဲက့ၤစိၣ်က့ၤအစိာ်ဆူဝ့ၢ်ယရူၤၡလ့ၣ် လၢလ့ၣ်ကဟၣ်တဆိအပူၤဒီးခူၣ်လီၤအီၤလၢစီၤပၤအတၢ်သွၣ်ခိၣ် အလီၢ်တဖၣ်လၢစီၤဒၤဝံးအဝ့ၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:28 Iomraidhean Croise

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:20

အဝဲမၤသံကွံာ်ကယဲၢ်ပှၤတစူၢ်တနာ်ယွၤအပှၤလုၢ်တၢ်အခိၣ်ခဲလၢာ် လၢတၢ်လုၢ်လီၢ်တဖၣ်ဖဲအဝဲသ့ၣ်မၤတ့ၢ်တၢ်မၤအလိၤ, ဒီးအဝဲဒွဲၣ်အူထီၣ်ပှၤကညီအဃံအကွဲတဖၣ်လၢကယဲၢ်တၢ်လုၢ်လီၢ် အဖီခိၣ်န့ၣ်လီၤ. ဝံၤဒီးအဝဲက့ၤကဒါက့ၤဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:30

အဝဲသုးခိၣ်သုးနၢ်တဖၣ်ပာ်ထီၣ်အစိၣ်လၢလ့ၣ်ကဟ့ၣ်ပူၤဒီးဟဲ က့ၤစိာ်က့ၤအီၤဆူဝ့ၢ်ယရူၤရှလ့ၣ်ဖဲအဝဲဘၣ်တၢ်ခူၣ်လီၤကွံာ် အီၤလၢစီၤပၤအတၢ်သွၣ်ခိၣ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်ဃုထၢထီၣ်စီၤယိၤၡံယၤအဖိခွါစီၤ ယဟိအါဃးဒီးဖှူအီၤဒ်စီၤပၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:24

စီၤယဟိရၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်တဖၣ်လၢအအိၣ်လၢစီၤဒၤဝံးအဝ့ၢ်ပူၤဒီးအဖိခွါစီၤအဃၤစယၤ ကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:9

တၢ်ဃုထံၣ်န့ၢ်စီၤအဃၤစယၤ, ဒီးအဝဲဘၣ်တၢ်ထံၣ်န့ၢ်အီၤလၢ အအိၣ်ခူသူၣ်ဝဲဖဲကီၢ်ၡၤမရံအပူၤန့ၣ်လီၤ. အဝဲသ့ၣ်လဲၤစိာ်အီၤဆူ စီၤယ့ၤဟူအအိၣ်ဒီးအဝဲဒၣ်မၤသံကွံာ်အီၤန့ၣ်လီၤ. ဘၣ်ဆၣ်အဝဲသ့ၣ်ခူၣ်လီၤကွံာ်အစိၣ်လၢတၢ်ပာ်ကဲအဝဲအဖုစီၤပၤ ယဟိၡၤဖးအဃိန့ၣ်လီၤ. စီၤယဟိၡၤဖးမၤတ့ၢ်ကယဲၢ်တၢ်ခဲလၢာ်ဒ်အသ့ဝဲအသိးလၢကမၤယွၤ အတၢ်အဂီၢ်န့ၣ်လီၤ. စီၤအဃၤစယၤအဟံၣ်ဖိဃီဖိတအိၣ်လီၤတဲာ်တ့ၢ်ဘၣ်နီတဂၤလၢပၢ က့ၤဘီမုၢ်ကသ့ဝဲန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 25:28

အဝဲအစိၣ်ဘၣ်တၢ်ဟဲက့ၤစိာ်အီၤဆူဝ့ၢ်ယရူၤၡလ့ၣ်လၢကသ့ၣ်တဒု အလိၤဒီးအဝဲဘၣ်တၢ်ခူၣ်လီၤကွံာ်အီၤလၢစီၤပၤတဖၣ်အတၢ်သွၣ် ခိၣ်လၢစီၤဒၤဝံးအဝ့ၢ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:24

အဝဲသ့ၣ်စိာ်ထီၣ်ကွံာ်အီၤလၢအဝဲအလ့ၣ်ကဟၣ်အပူၤဒီးပာ်လီၤအီၤ လၢလ့ၣ်ကဟၣ်ခံဆိတဆိလၢအအိၣ်ဖဲန့ၣ်အပူၤ, ဒီးက့ၤစိာ်အီၤဆူဝ့ၢ်ယရူၤရှလ့ၣ်န့ၣ်လီၤ. ဖဲန့ၣ်အဝဲသံ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ်သွၣ် ခိၣ်တဖၣ်အပူၤန့ၣ်လီၤ. ကယဲၢ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ခဲလၢာ်ဟီၣ်တၢ် ယၢၤတၢ်လၢအဝဲအတၢ်သံအဃိန့ၣ်လီၤ.