လံာ်စီၤပၤခံဘ့ၣ်တဘ့ၣ် 9:27 - Sgaw Karen Common Bible

²⁷ စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:27 Iomraidhean Croise

လံာ်စီၤပၤအခီၣ်ထံးတဘ့ၣ် 21:2

ဘၣ်မုၢ်တနံၤစီၤအၤဃာ်စံးဘၣ်စီၤနၤဘိး, “ပျဲယဟံးန့ၢ် နစပံးလီၢ်န့ၣ်တက့ၢ်. အဂ့ၢ်ဒ်အံၤ, အိၣ်ဘူးဒီးယနီ, ဒီးယအဲၣ်ဒိးသူတၢ်လီၢ်န့ၣ်လၢတၢ်ဒိးတၢ်လၣ်အကရၢၢ်တခါန့ၣ် လီၤ. လၢတၢ်န့ၣ်အဂီၢ်, ယကဟ့ၣ်နၤစပံးလီၢ်အဂ့ၤဒိၣ်တက့ၢ်မ့တမ့ၢ်, နမ့ၢ်ဘၣ်နသးဒီးယကဟ့ၣ်နၤတၢ်အပှ့ၤတမံၤလၢအကြၢးဝဲ ဘၣ်ဝဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 4:12

စီၤအဃံလူးအဖိခွါစီၤဘၤနါလၢဝ့ၢ်တဖၣ်လၢအမ့ၢ်ဝဲ, တၤနး, မကံးဒိၤဒီးကယဲၢ်တၢ်လီၢ်အိၣ်ဘူးဒီးဘ့ၤသၡၣ်, လၢအအိၣ်ဖဲဝ့ၢ်စၤရတါအကပၤဖဲဝ့ၢ်ယံးစရ့လးအကလံၤထံး, ဒီးယံၤတုၤလီၤလၢဝ့ၢ်အၤဘ့လးမဃိလးဒီးဝ့ၢ်ယၤကမၣ်,

လံာ်စီၤပၤခံဘ့ၣ်တဘ့ၣ် 10:4

ဝ့ၢ်ၡၤမရံအပှၤပၢတၢ်တဖၣ်ပျံၤတၢ်ဖုးတၢ်န့ၣ်လီၤ. အဝဲသ့ၣ်စံးဝဲဒၣ်, “ဖဲစီၤပၤယဟိရၣ်မ့ၢ်ဂ့ၤ, စီၤပၤအဃၤစယၤမ့ၢ်ဂ့ၤ, ထီဒါစီၤယ့ၤဟူတသ့ဘၣ်အခါန့ၣ်, ပဝဲပထီဒါအီၤကသ့ဒ်လဲၣ်.”

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:1

လၢကီၢ်အံၣ်စရ့လးအစီၤပၤစီၤယ့ၤဟူပၢတၢ်နွံနံၣ်တနံၣ်အပူၤ န့ၣ်, စီၤယိၤအၣ်ကဲထီၣ်ကီၢ်ယူဒၤအစီၤပၤ, ဒီးအဝဲပၢတၢ်လၢဝ့ၢ် ယရူၤၡလ့ၣ်အပူၤအနံၣ်လွံၢ်ဆံန့ၣ်လီၤ. အဝဲအမိၢ်မ့ၢ်ဝဲနီၢ်စံဘယၤ, လၢဝ့ၢ်ဘ့ၢ်ၡဘၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:19

တၢ်ကူၣ်အၢတမံၤအိၣ်ထီၣ်ဝဲလၢဝ့ၢ်ယရူၤၡလ့ၣ်အပူၤလၢတၢ်ကမၤသံ စီၤအမၤစယါအဃိအဝဲဃ့ၢ်ပူၤဖျဲးအသးဆူဝ့ၢ်လၤကံၣ်, ဘၣ်ဆၣ်အဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 21:23

စီၤအၤမိၣ်အပဒိၣ်ပပှၢ်တဖၣ်ကူၣ်ထီၣ်တၢ်ထီဒါအီၤဒီးမၤသံကွံာ် အီၤလၢအနူၢ်ပူၤစီၤပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:29

အဝဲဟဲက့ၤကဒါက့ၤဆူဝ့ၢ်ယံးစရ့လးဒ်သိးအတၢ်ပူၤလီၢ်ပူၤ ကျဲတဖၣ်ကဘျါက့ၤဝဲအဂီၢ်, ဒီးစီၤပၤအဃၤစယၤလဲၤအိၣ်သကိးအီၤ ဖဲန့ၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:27

ဒီးမနၤၡ့ၤအဒူၣ်တနီၣ်ထီၣ်ကွံာ်ပှၤဂီၢ်မုၢ်လၢအအိၣ်ဝဲလၢဝ့ၢ် ဘ့ၤသၡၣ်, ဝ့ၢ်တၤနး, ဝ့ၢ်ဒိၢ်, ဝ့ၢ်ယံးဘျၣ်, ဝ့ၢ်မကံးဒိၤဒီးဝ့ၢ်ဖိလၢအအိၣ်ဘူး တဖၣ်အပူၤန့ၣ်ဘၣ်လီၤ. ဒီးပှၤကနၤဧၣ်ဖိတဖၣ်အိၣ်ဆိးဒီးအဝဲသ့ၣ်ဖဲတၢ်လီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:19

ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.