လံာ်စီၤပၤခံဘ့ၣ်တဘ့ၣ် 9:21 - Sgaw Karen Common Bible

²¹ စီၤပၤယဟိရၣ်ဟ့ၣ်လီၤအကလုၢ်စံးဝဲ, “ကတဲာ်ကတီၤထီၣ်ယလ့ၣ် ကဟၣ်တက့ၢ်.” အတၢ်ဟ့ၣ်လီၤအကလုၢ်ဘၣ်တၢ်မၤထွဲအီၤ, ဒီးအဝဲဒီးစီၤပၤအဃၤစယၤဟးထီၣ်ဒိးထီၣ်အလ့ၣ်ကဟၣ်ဒၣ်ဝဲ စုာ်စုာ်လၢကလဲၤသဂၢၢ်စီၤယ့ၤဟူအဂီၢ်န့ၣ်လီၤ. အဝဲသ့ၣ်ထံၣ်လိာ်အသးဒီးစီၤယ့ၤဟူဖဲပှၤယံးစရ့လးဖိစီၤ နၤဘိးအပျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:21 Iomraidhean Croise

လံာ်စီၤပၤအခီၣ်ထံးတဘ့ၣ် 20:14

စီၤအၤဃာ်သံကွၢ်အီၤ, “မတၤကကဲခိၣ်ကဲနၢ်လၢတၢ်လဲၤထီၣ်ဒုး တၢ်အဂီၢ်န့ၣ်လဲၣ်.” အဝဲစံးဆၢဝဲ, “ယွၤစံးဝဲဒၣ်, ပှၤသုးခိၣ်သးစၢ်တဖၣ်လၢ အအိၣ်လၢကီၢ်ဆၣ်အပဒိၣ်ဖးဒိၣ်တဖၣ်အတၢ်ပၢအဖီလာ်ကမၤတၢ်န့ၣ် လီၤ.” စီၤပၤသံကွၢ်ဝဲ, “မတၤကမၢသုးမုၢ်ဖးဒိၣ်စးထီၣ်ဒုးတၢ် န့ၣ်လဲၣ်.” ဝံစံးဆၢဝဲ, “မ့ၢ်နၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်မံကၤ 1:13

ပှၤအိၣ်ဝဲဆိးဝဲလၢဝ့ၢ်လၤကံၣ်အပူၤသ့ၣ်ဧၢ, ဂီၤကၢ်ထီၣ်ကသ့ၣ်တဖၣ်လၢလ့ၣ်ကဟၣ်ဒုးသုးတဖၣ်အဂီၢ်တက့ၢ်. သုကွၢ်လိပှၤအံၣ်စရ့လးဖိအတၢ်ဒဲးဘးတဖၣ် လၢအဒုးမၤဘၣ်ဝ့ၢ်ယရူၤၡလ့ၣ်လၢတၢ်ဒဲးဘးလီၤ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,