လံာ်စီၤပၤခံဘ့ၣ်တဘ့ၣ် 9:19 - Sgaw Karen Common Bible

¹⁹ ပှၤစိာ်တၢ်ကစီၣ်အဂၤတဂၤဘၣ်တၢ်ဆှၢလီၤအီၤ, ဒီးအဝဲသံကွၢ်စီၤယ့ၤဟူလၢတၢ်သံကွၢ်တမံၤဃီန့ၣ်လီၤ. စီၤယ့ၤဟူစံးဆၢကဒီးဝဲ, “တၢ်န့ၣ်တဘၣ်ဃးဒီးနၤနီတမံၤ ဘၣ်. လဲၤဆူတၢ်လီၢ်ခံဒီးပိာ်ယခံတက့ၢ်.”

လံာ်စီၤပၤခံဘ့ၣ်တဘ့ၣ် 9:19 Iomraidhean Croise

လံာ်စီၤပၤခံဘ့ၣ်တဘ့ၣ် 9:11

စီၤယ့ၤဟူက့ၤကဒါက့ၤဆူအသကိးသုးခိၣ်ကဒဲကဒဲသ့ၣ်တဖၣ်အ အိၣ်, ဒီးအဝဲသ့ၣ်သံကွၢ်အီၤ, “တၢ်ခဲလၢာ်ဘၣ်လီၢ်ဘၣ်စးကစီဒီဧါ. တၢ်ပျုၢ်တဂၤန့ၣ်သးလီတၢ်မနုၤလၢနအိၣ်လဲၣ်.” စီၤယ့ၤဟူစံးဆၢဝဲ, “တၢ်လၢအဝဲသးလီဝဲန့ၣ်သုသ့ၣ်ညါ လီၤ.”

လံာ်စီၤပၤခံဘ့ၣ်တဘ့ၣ် 9:17

ပှၤခိးတၢ်အိၣ်မူအိၣ်ဒါတဂၤလၢပှၤခိးကွၢ်တၢ်အလီၢ်အပူၤလၢ ဝ့ၢ်ယံးစရ့လးထံၣ်ဘၣ်စီၤယ့ၤဟူဒီးအပှၤတဖၣ်ဟဲသုးဘူးအသး န့ၣ်လီၤ. ကိးထီၣ်ဝဲ, “ယထံၣ်ပှၤတနီၤ, ဟဲဒိးဝဲကသ့ၣ်န့ၣ်လီၤ.” စီၤယဟိရၣ်စံးဆၢဝဲ, “ဆှၢလီၤပှၤဒိးကသ့ၣ်တဂၤလၢကလဲၤဃု သ့ၣ်ညါဝဲမ့ၢ်အဝဲသ့ၣ်မ့ၢ်တံၤသကိးတဖၣ်ဧါ, မ့တမ့ၢ်ဒုၣ်ဒါတဖၣ်ဧါ.”

လံာ်စီၤပၤခံဘ့ၣ်တဘ့ၣ် 9:18

ပှၤစိာ်တၢ်ကစီၣ်န့ၣ်ဒိးထီၣ်ကသ့ၣ်ဒီးလဲၤဆူစီၤယ့ၤဟူအအိၣ် ဒီးစံးဘၣ်အီၤ, “စီၤပၤအဲၣ်ဒိးသ့ၣ်ညါဝဲလၢမ့ၢ်နဟဲဒ်တံၤသကိးတဂၤအသိးန့ၣ်ဧါ.” စီၤယ့ၤဟူစံးဆၢအီၤ, “တၢ်န့ၣ်တဘၣ်ဃးဒီးနၤနီတမံၤဘၣ်. လဲၤဆူတၢ်လီၢ်ခံဒီးပိာ်ထီၣ်ယခံတက့ၢ်.” ပှၤခိးကွၢ်တၢ်တဂၤလၢပှၤခိးတၢ်အလီၢ်န့ၣ်, တဲဖျါထီၣ်က့ၤတၢ်လၢပှၤစိာ်တၢ်ကစီၣ်န့ၣ်လဲၤတုၤဝဲဆူပှၤတဖု န့ၣ်အအိၣ်, ဘၣ်ဆၣ်တဟဲက့ၤကဒါက့ၤဘၣ်.

လံာ်စီၤပၤခံဘ့ၣ်တဘ့ၣ် 9:20

မၤကဒီးတဘျီပှၤခိးကွၢ်တၢ်တဂၤန့ၣ်တဲဖျါထီၣ်ကဒီးဝဲလၢပှၤ စိာ်တၢ်ကစီၣ်န့ၣ်လဲၤတုၤဆူပှၤတဖုန့ၣ်အအိၣ်ဘၣ်ဆၣ်တဟဲက့ၤကဒါ က့ၤဘၣ်. ဒီးစံးအါထီၣ်ဝဲ, “ပှၤတဖုန့ၣ်အခိၣ်တဂၤနီၣ်အလ့ၣ်ကဟၣ်လီၤဂာ်ဒ်ပှၤအပျုၢ်တဂၤ အသိး, ဒ်သိးဒၣ်စီၤယ့ၤဟူန့ၣ်လီၤ.”

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.