လံာ်စီၤပၤခံဘ့ၣ်တဘ့ၣ် 9:18 - Sgaw Karen Common Bible

¹⁸ ပှၤစိာ်တၢ်ကစီၣ်န့ၣ်ဒိးထီၣ်ကသ့ၣ်ဒီးလဲၤဆူစီၤယ့ၤဟူအအိၣ် ဒီးစံးဘၣ်အီၤ, “စီၤပၤအဲၣ်ဒိးသ့ၣ်ညါဝဲလၢမ့ၢ်နဟဲဒ်တံၤသကိးတဂၤအသိးန့ၣ်ဧါ.” စီၤယ့ၤဟူစံးဆၢအီၤ, “တၢ်န့ၣ်တဘၣ်ဃးဒီးနၤနီတမံၤဘၣ်. လဲၤဆူတၢ်လီၢ်ခံဒီးပိာ်ထီၣ်ယခံတက့ၢ်.” ပှၤခိးကွၢ်တၢ်တဂၤလၢပှၤခိးတၢ်အလီၢ်န့ၣ်, တဲဖျါထီၣ်က့ၤတၢ်လၢပှၤစိာ်တၢ်ကစီၣ်န့ၣ်လဲၤတုၤဝဲဆူပှၤတဖု န့ၣ်အအိၣ်, ဘၣ်ဆၣ်တဟဲက့ၤကဒါက့ၤဘၣ်.

လံာ်စီၤပၤခံဘ့ၣ်တဘ့ၣ် 9:18 Iomraidhean Croise

လံာ်စီၤပၤခံဘ့ၣ်တဘ့ၣ် 9:17

ပှၤခိးတၢ်အိၣ်မူအိၣ်ဒါတဂၤလၢပှၤခိးကွၢ်တၢ်အလီၢ်အပူၤလၢ ဝ့ၢ်ယံးစရ့လးထံၣ်ဘၣ်စီၤယ့ၤဟူဒီးအပှၤတဖၣ်ဟဲသုးဘူးအသး န့ၣ်လီၤ. ကိးထီၣ်ဝဲ, “ယထံၣ်ပှၤတနီၤ, ဟဲဒိးဝဲကသ့ၣ်န့ၣ်လီၤ.” စီၤယဟိရၣ်စံးဆၢဝဲ, “ဆှၢလီၤပှၤဒိးကသ့ၣ်တဂၤလၢကလဲၤဃု သ့ၣ်ညါဝဲမ့ၢ်အဝဲသ့ၣ်မ့ၢ်တံၤသကိးတဖၣ်ဧါ, မ့တမ့ၢ်ဒုၣ်ဒါတဖၣ်ဧါ.”

လံာ်စီၤပၤခံဘ့ၣ်တဘ့ၣ် 9:19

ပှၤစိာ်တၢ်ကစီၣ်အဂၤတဂၤဘၣ်တၢ်ဆှၢလီၤအီၤ, ဒီးအဝဲသံကွၢ်စီၤယ့ၤဟူလၢတၢ်သံကွၢ်တမံၤဃီန့ၣ်လီၤ. စီၤယ့ၤဟူစံးဆၢကဒီးဝဲ, “တၢ်န့ၣ်တဘၣ်ဃးဒီးနၤနီတမံၤ ဘၣ်. လဲၤဆူတၢ်လီၢ်ခံဒီးပိာ်ယခံတက့ၢ်.”

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်စီၤပၤခံဘ့ၣ်တဘ့ၣ် 9:31

တုၤစီၤယ့ၤဟူဟဲနုာ်ဝဲခီဖျိတြဲၤဖးဒိၣ်န့ၣ်, နီၢ်အံၤစ့ၤဘ့ၤလးကိးထီၣ်ဝဲ, “ပှၤလၢအမၤသံအကစၢ်ဒ်စီၤစံၣ်ရံၤဧၢ, နဟဲလၢတၢ်ဃူတၢ်ဖိးအပူၤစ့ၢ်ကီးဧါ.”

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 59:8

ဒီးပှၤတပူၤဖျဲးဘၣ်နီတဂၤဖဲသုအိၣ်ဘူးအိၣ်တံၢ်န့ၣ်ဘၣ်. တၢ်တမံၤဂ့ၤတမံၤဂ့ၤလၢသုမၤအီၤန့ၣ်မ့ၢ်တၢ်စံၣ်ညီၣ်တတီလီၤ. သုပိာ်ထွဲကျဲလၢအက့ၣ်အကူဒီးပှၤလၢအလဲၤပိာ်ကျဲအဝဲန့ၣ် ပူၤဖျဲးတသ့နီတဂၤ, နီတစုဘၣ်.

လံာ်ယံးရမံယၤ 16:5

နတဘၣ်လဲၤနုာ်ဆူဟံၣ်တဖျၢၣ်လၢတၢ်ဟီၣ်တၢ်ယၢၤအိၣ်ဝဲန့ၣ်ဘၣ်. သူၣ်အုးသးအုးလၢပှၤနီတဂၤအဃိတဂ့ၤ. ယတဆိၣ်ဂ့ၤ လၢၤယပှၤဂီၢ်မုၢ်လၢတၢ်ဃူတၢ်ဖိးမ့ၢ်ဂ့ၤ, ဒုးနဲၣ်အဝဲသ့ၣ်လၢ တၢ်အဲၣ်ဒီးတၢ်သးကညီၤမ့ၢ်ဂ့ၤနီတစုလၢၤဘၣ်.

ရိမ့ၤ 3:17

ဒီးတၢ်ဃူတၢ်ဖိးအကျဲန့ၣ်, အဝဲသ့ၣ်တသ့ၣ်ညါဝဲဘၣ်.