လံာ်စီၤပၤခံဘ့ၣ်တဘ့ၣ် 9:17 - Sgaw Karen Common Bible

¹⁷ ပှၤခိးတၢ်အိၣ်မူအိၣ်ဒါတဂၤလၢပှၤခိးကွၢ်တၢ်အလီၢ်အပူၤလၢ ဝ့ၢ်ယံးစရ့လးထံၣ်ဘၣ်စီၤယ့ၤဟူဒီးအပှၤတဖၣ်ဟဲသုးဘူးအသး န့ၣ်လီၤ. ကိးထီၣ်ဝဲ, “ယထံၣ်ပှၤတနီၤ, ဟဲဒိးဝဲကသ့ၣ်န့ၣ်လီၤ.” စီၤယဟိရၣ်စံးဆၢဝဲ, “ဆှၢလီၤပှၤဒိးကသ့ၣ်တဂၤလၢကလဲၤဃု သ့ၣ်ညါဝဲမ့ၢ်အဝဲသ့ၣ်မ့ၢ်တံၤသကိးတဖၣ်ဧါ, မ့တမ့ၢ်ဒုၣ်ဒါတဖၣ်ဧါ.”

လံာ်စီၤပၤခံဘ့ၣ်တဘ့ၣ် 9:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:34

အကတီၢ်ဖဲန့ၣ်, စီၤအးဘၡါလိၣ်ထွးထီၣ်ဃ့ၢ်ကွံာ်ဝဲဒၣ်န့ၣ်လီၤ. တကီၢ်ခါဖဲန့ၣ်, ပှၤသုးဖိတဂၤလၢအမူဒါလီၤဝဲလၢခိးတၢ်အလီၢ်န့ၣ်, ထံၣ်ဘၣ်ပှၤဂီၢ်မုၢ်ဖးဒိၣ်တဖုဟဲလီၤလၢတၢ်လူၢ်ဒီခိၣ်လၢကျဲ လၢအဟဲဝဲလၢဝ့ၢ်ဃိရနဲၣ်တခီန့ၣ်လီၤ. အဝဲလဲၤဆူစီၤပၤအအိၣ်ဒီးတဲသ့ၣ်ညါအီၤတၢ်လၢအထံၣ်ဘၣ်တ့ၢ်ဝဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:24

စီၤဒၤဝံးဆ့ၣ်နီၤဝဲဖဲတၢ်လီၢ်လီၤပျီအိၣ်ဝဲဖဲဝ့ၢ်အတြဲၤ လၢတၢ်အိပူၤဒီးတြဲၤလၢတၢ်ချၢအဘၢၣ်စၢၤန့ၣ်လီၤ. ပှၤခိးကွၢ်တၢ်ဖိတဂၤလဲၤထီၣ်ဆူဝ့ၢ်ခိၣ်ဒူ, ဒီးဆၢထၢၣ်ဝဲဖဲတိာ်လၢကျဲစၢၤအဖီခိၣ်အခိၣ်ဒုးလိၤန့ၣ်လီၤ. အဝဲကွၢ်စိဃီၤဆူတၢ်ချၢဒီးထံၣ်ဘၣ်ဝဲပှၤတဂၤဃ့ၢ်ဝဲထဲတဂၤ ဧိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:15

အဝဲစံးဆၢဝဲ, “နသ့ၣ်ညါလၢယကဘၣ်ကဲထီၣ်စီၤပၤဒီးပှၤကိး ဂၤဒဲးလၢကီၢ်အံၣ်စရ့လးအပူၤမုၢ်လၢ်တၢ်အံၤန့ၣ်လီၤ. ဘၣ်ဆၣ်, တၢ်တမံၤဒၣ်မၤအသး, တၢ်မၤအသးလီၤဆီကွံာ်ဒီးယဒီပုၢ် ဝဲၢ်ခွါကဲထီၣ်စီၤပၤ, မ့ၢ်လၢတၢ်န့ၣ်မ့ၢ်ယွၤအတၢ်ဘၣ်အသးအဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:14

အဝဲသ့ၣ်ဃုထၢထီၣ်ပှၤပိာ်ခွါတနီၤ, ဒီးစီၤပၤဆှၢလီၤအဝဲ သ့ၣ်လၢလ့ၣ်ကဟၣ်ခံဆိအပူၤအိၣ်ဒီးတၢ်မၤလိာ်ပိာ်လီၤတဖၣ်လၢ ကလဲၤဒီးဃုထံၣ်သ့ၣ်ညါတၢ်မၤအသးဒီးပှၤစူၤရံဖိသုးမုၢ်ဒ် လဲၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:11

စီၤယ့ၤဟူက့ၤကဒါက့ၤဆူအသကိးသုးခိၣ်ကဒဲကဒဲသ့ၣ်တဖၣ်အ အိၣ်, ဒီးအဝဲသ့ၣ်သံကွၢ်အီၤ, “တၢ်ခဲလၢာ်ဘၣ်လီၢ်ဘၣ်စးကစီဒီဧါ. တၢ်ပျုၢ်တဂၤန့ၣ်သးလီတၢ်မနုၤလၢနအိၣ်လဲၣ်.” စီၤယ့ၤဟူစံးဆၢဝဲ, “တၢ်လၢအဝဲသးလီဝဲန့ၣ်သုသ့ၣ်ညါ လီၤ.”

လံာ်စီၤပၤခံဘ့ၣ်တဘ့ၣ် 9:16

ဝံၤဒီးအဝဲဒိးထီၣ်အလ့ၣ်ကဟၣ်ဒီးဟးထီၣ်လဲၤဆူဝ့ၢ်ယံးစရ့ လးန့ၣ်လီၤ. စီၤယဟိရၣ်တဘျါက့ၤဒံးဘၣ်. ဒီးကီၢ်ယူဒၤအစီၤပၤစီၤအဃၤစယၤလဲၤအိၣ်သကိးအီၤဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:18

ပှၤစိာ်တၢ်ကစီၣ်န့ၣ်ဒိးထီၣ်ကသ့ၣ်ဒီးလဲၤဆူစီၤယ့ၤဟူအအိၣ် ဒီးစံးဘၣ်အီၤ, “စီၤပၤအဲၣ်ဒိးသ့ၣ်ညါဝဲလၢမ့ၢ်နဟဲဒ်တံၤသကိးတဂၤအသိးန့ၣ်ဧါ.” စီၤယ့ၤဟူစံးဆၢအီၤ, “တၢ်န့ၣ်တဘၣ်ဃးဒီးနၤနီတမံၤဘၣ်. လဲၤဆူတၢ်လီၢ်ခံဒီးပိာ်ထီၣ်ယခံတက့ၢ်.” ပှၤခိးကွၢ်တၢ်တဂၤလၢပှၤခိးတၢ်အလီၢ်န့ၣ်, တဲဖျါထီၣ်က့ၤတၢ်လၢပှၤစိာ်တၢ်ကစီၣ်န့ၣ်လဲၤတုၤဝဲဆူပှၤတဖု န့ၣ်အအိၣ်, ဘၣ်ဆၣ်တဟဲက့ၤကဒါက့ၤဘၣ်.

လံာ်စီၤပၤခံဘ့ၣ်တဘ့ၣ် 9:19

ပှၤစိာ်တၢ်ကစီၣ်အဂၤတဂၤဘၣ်တၢ်ဆှၢလီၤအီၤ, ဒီးအဝဲသံကွၢ်စီၤယ့ၤဟူလၢတၢ်သံကွၢ်တမံၤဃီန့ၣ်လီၤ. စီၤယ့ၤဟူစံးဆၢကဒီးဝဲ, “တၢ်န့ၣ်တဘၣ်ဃးဒီးနၤနီတမံၤ ဘၣ်. လဲၤဆူတၢ်လီၢ်ခံဒီးပိာ်ယခံတက့ၢ်.”

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 17:22

စီၤဒၤဝံးပာ်တ့ၢ်တၢ်အီၣ်တၢ်အီတဖၣ်လၢသုးခိၣ်ဘၣ်မူဘၣ်ဒါလၢ အဆှၢထီၣ်တၢ်အီၣ်တၢ်အီတဖၣ်အအိၣ်ဒီး လဲၤဃ့ၢ်ဝဲဆူတၢ်ဒုးတၢ်ယၤအလီၢ်, လဲၤဆူအဝဲၢ်တဖၣ်အအိၣ်, ဒီးသံကွၢ်အဝဲသ့ၣ် မ့ၢ်အအိၣ်မၤသးဒ်လဲၣ်အဂ့ၢ်န့ၣ်လီၤ.