လံာ်စီၤပၤခံဘ့ၣ်တဘ့ၣ် 9:14 - Sgaw Karen Common Bible

¹⁴ အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:14 Iomraidhean Croise

လံာ်စီၤပၤအခီၣ်ထံးတဘ့ၣ် 15:27

စီၤအဃံယၤအဖိခွါစီၤဘါၡၤလၢပှၤယံးစၣ်ကၢ်အဒူၣ်ပူၤပူထီၣ် တၢ်ထီဒါစီၤနၤဒးဒီးမၤသံကွံာ်အီၤဖဲစီၤနၤဒးဒီးအသုးမုၢ်လဲၤ ကဝီၤဃာ်ဝ့ၢ်ကံးဘသိၣ်လၢကီၢ်ဖလ့ၡသးအခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:16

ဒီးဖဲန့ၣ်တုၤအဝဲသ့ၣ်နၢ်ဟူဘၣ်ဝဲလၢစီၤစံၣ်ရံၤကူၣ်ထီၣ်တၢ် အၢထီဒါစီၤပၤဒီးမၤသံကွံာ်အီၤန့ၣ်, အဝဲသ့ၣ်ခဲလၢာ်တဲဖျါဘိးဘၣ်သ့ၣ်ညါထီၣ်, အသုးခိၣ်ဖးဒိၣ်စီၤ ဧိၣ်ရံၤဒ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:3

စီၤအၤဃာ်သံကွၢ်အပဒိၣ်ပပှၢ်တဖၣ်, “ဘၣ်မနုၤပတမၤတၢ်နီတမံၤမံၤ, လၢပကဒိးန့ၢ်ဘၣ်က့ၤဝ့ၢ်ရၤ မိးလၢကီၢ်ကံးလဧးအပူၤ, လၢကီၢ်စူၤရံအစီၤပၤအစုပူၤန့ၣ်လဲၣ်. တၢ်န့ၣ်မ့ၢ်တၢ်လၢအဘၣ်ဃးဒီးပှၤလီၤ.”

လံာ်စီၤပၤခံဘ့ၣ်တဘ့ၣ် 10:9

လၢမုၢ်ဆ့ၣ်ထီၣ်န့ၣ်, အဝဲဟးထီၣ်ဆူဝ့ၢ်အတြဲၤဒီးစံးဘၣ်ပှၤ ဂီၢ်မုၢ်လၢအအိၣ်ဖဲန့ၣ်တဖၣ်, “ယမ့ၢ်ပှၤတဂၤ, လၢအကူၣ်ထီၣ်တၢ်အၢထီဒါစီၤပၤယဟိရၣ်ဒီးမၤသံအီၤန့ၣ်လီၤ. သုတအိၣ်ဒီးမူဒါလၢတၢ်န့ၣ်အဖီခိၣ်ဘၣ်. ဘၣ်ဆၣ်ပှၤသ့ၣ်တဖၣ် အံၤ, မတၤမၤသံအီၤန့ၣ်လဲၣ်.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:28

စီၤပၤအဃၤစယၤလဲၤပာ်ဖှိၣ်အသးဒီးကီၢ်အံၣ်စရ့လးအစီၤပၤ ယဟိရၣ်လၢတၢ်ဒုးတၢ်အပူၤထီဒါကီၢ်စူၤရံအစီၤပၤဃစ့လးန့ၣ် လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဘၣ်ထံးလၢတၢ်ဒုးပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:29

အဝဲဟဲက့ၤကဒါက့ၤဆူဝ့ၢ်ယံးစရ့လးဒ်သိးအတၢ်ပူၤလီၢ်ပူၤ ကျဲတဖၣ်ကဘျါက့ၤဝဲအဂီၢ်, ဒီးစီၤပၤအဃၤစယၤလဲၤအိၣ်သကိးအီၤ ဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:2

ဒီးဖဲနလဲၤတုၤဖဲန့ၣ်န့ၣ်, ဃုထံၣ်စီၤနံၣ်ၡံအလံၤခွါ, စီၤယဟိၡၤဖးအဖိခွါစီၤယ့ၤဟူတက့ၢ်. လဲၤကိးအီၤဆူဒၢးတဖျၢၣ်လၢတၢ်ခူသူၣ်အပူၤ, ယံၤဒီးအသကိးတဖၣ်,

လံာ်စီၤပၤခံဘ့ၣ်တဘ့ၣ် 9:31

တုၤစီၤယ့ၤဟူဟဲနုာ်ဝဲခီဖျိတြဲၤဖးဒိၣ်န့ၣ်, နီၢ်အံၤစ့ၤဘ့ၤလးကိးထီၣ်ဝဲ, “ပှၤလၢအမၤသံအကစၢ်ဒ်စီၤစံၣ်ရံၤဧၢ, နဟဲလၢတၢ်ဃူတၢ်ဖိးအပူၤစ့ၢ်ကီးဧါ.”