လံာ်စီၤပၤခံဘ့ၣ်တဘ့ၣ် 9:1 - Sgaw Karen Common Bible

¹ ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:1 Iomraidhean Croise

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 18:46

ယွၤအတၢ်စိတၢ်ကမီၤလီၤဘၣ်လၢစီၤအ့ၤလံယၤအလိၤ. အဝဲဒၣ်ကံၢ်တူာ်ထီၣ်အကူအသိးဃံးဃံးလၢအယီၢ်ဒ့အလိၤဒီးဃ့ၢ် ဝဲလၢစီၤအၤဃာ်အမဲာ်ညါဒီတကျဲညါဆူဝ့ၢ်ယံးစရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤပၤအခီၣ်ထံးတဘ့ၣ် 20:35

ဒ်ယွၤဟ့ၣ်လီၤတၢ်ကလုၢ်အသိးန့ၣ်ဝံတဖၣ်အကရၢတကရၢ, အကရၢဖိတဂၤမၢအဝံကဒဲကဒဲဒီးအီၤတဂၤတီၢ်အီၤန့ၣ်လီၤ. ဘၣ်ဆၣ်အဝဲဂ့ၢ်လိာ်ဝဲ,

လံာ်စီၤပၤအခီၣ်ထံးတဘ့ၣ် 22:20

ယွၤသံကွၢ်ဝဲ, မ့ၢ်မတၤကလီန့ၢ်စီၤအၤဃာ်ဒ်သိးကလဲၤဒုးတၢ် ဒီးဘၣ်တၢ်မၤသံကွံာ်အီၤလၢဝ့ၢ်ရၤမိးန့ၣ်လဲၣ်. ကလူးတနီၤစံးတၢ်တမံၤဒီးအဂၤတနီၤစံးတၢ်အဂၤတမံၤဒၣ်လီၤ.

လံာ်စီၤပၤအခီၣ်ထံးတဘ့ၣ် 22:4

ဒီးစီၤအၤဃာ်သံကွၢ်စီၤယဟိၡၤဖး, “မ့ၢ်နကလဲၤဒီးယၤလၢ ပကထီၣ်ဒုးဝ့ၢ်ရၤမိးန့ၣ်ဧါ.” စီၤယဟိၡၤဖးစံးဆၢဝဲ, “ဖဲနအိၣ်ကတဲာ်ကတီၤနသးန့ၣ်, ယအိၣ်ကတဲာ်ကတီၤယသးလီၤ. ဒီးဒ်န့ၣ်အသိးယပှၤသုးဖိတဖၣ်ဒီးယပှၤဒိးကသ့ၣ်သုးဖိတဖၣ်စ့ၢ် ကီးန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

လံာ်စီၤပၤခံဘ့ၣ်တဘ့ၣ် 2:3

ဝံလၢအအိၣ်ဆိးဖဲန့ၣ်တဖုလဲၤဆူစီၤအလံၤၡါအအိၣ်ဒီးသံကွၢ် အီၤ, “တနံၤညါအံၤယွၤကဟံးထီၣ်ကွံာ်နကစၢ်လၢနအိၣ်န့ၣ်, မ့ၢ်နသ့ၣ်ညါကစီဒီဧါ.” စီၤအလံၤၡါစံးဆၢဝဲ, “မ့ၢ်, ယသ့ၣ်ညါယဲလီၤ. ဘၣ်ဆၣ်မ်ပသုတကတိၤတၢ်ဂ့ၢ်န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 2:5

ဝံတဖုလၢအအိၣ်ဆိးဖဲန့ၣ်လဲၤဆူစီၤအလံၤၡါအအိၣ်ဒီးသံကွၢ် အီၤ, “တနံၤညါအံၤယွၤကဟံးထီၣ်ကွံာ်နကစၢ်လၢနအိၣ်န့ၣ်မ့ၢ်နသ့ၣ် ညါကစီၤဒီဧါ.” စီၤအလံၤၡါစံးဆၢဝဲဒၣ်, “မ့ၢ်, ဘၣ်ဆၣ်မ်ပသုတကတိၤတၢ်ဂ့ၢ် န့ၣ်တဂ့ၤ.”

လံာ်စီၤပၤခံဘ့ၣ်တဘ့ၣ် 2:7

ဒီးဝံအဂၤယဲၢ်ဆံပိာ်ထီၣ်အဝဲသ့ၣ်အခံဆူထံကျိယၢ်ဒ့ၣ်န့ၣ် လီၤ. စီၤအ့ၤလံယၤဒီးစီၤအလံၤၡါအိၣ်ကတီၢ်ဝဲဖဲထံကျိယၢ်ဒ့ၣ်အနံၤ, ဒီးဝံအဂၤယဲၢ်ဆံအိၣ်ကတီၢ်ဝဲတယံၤတဘူးဒီးအဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:29

စီၤအလံၤၡါဃၣ်ဃီၤအသးဆူစီၤက့ၤဃစံအအိၣ်ဒီးစံးဝဲဒၣ်, “မၤချ့ချ့, ဟံးထီၣ်ယနီၣ်ထိးဘိဒီးလဲၤတၢ်တက့ၢ်. အိၣ်ကတီၢ်ဒ်သိးနကဆၢဂ့ၤဆၢဝါပှၤလၢနဘၣ်သဂၢၢ်အီၤနီ တဂၤတဂ့ၤ. ဒီးပှၤတဂၤဂၤမ့ၢ်ဆၢဂ့ၤဆၢဝါနၤန့ၣ်ဟံးန့ၢ်တၢ် ဆၢကတီၢ်လၢနကစံးဆၢအီၤအဂီၢ်တဂ့ၤ. လဲၤလိၤလိၤဆူဟံၣ်န့ၣ်ဒီးယနီၣ်ထိးဘိအံၤပာ်လီၤအီၤလၢဖိ သၣ်ပိာ်ခွါအလိၤတက့ၢ်.”

လံာ်စီၤပၤခံဘ့ၣ်တဘ့ၣ် 9:4

လၢတၢ်န့ၣ်အဃိဝံသးစၢ်တဂၤန့ၣ်လဲၤဝဲဆူဝ့ၢ်ရၤမိး,

လံာ်ကွဲးနီၣ်တၢ်ခံဘ့ၣ်တဘ့ၣ် 22:1

ပှၤဂုာ်ဆူၣ်ပျိဆူၣ်တၢ်တဖုလၢအဟဲဃုာ်ဒီးပှၤဧ့ရ့းဖိတနီၤ န့ၣ်နုာ်လီၤဒုးတၢ်, ဒီးမၤသံကွံာ်စီၤပၤစီၤယဟိရၣ်အဖိခွါခဲလၢာ်, အိၣ်လီၤတဲာ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ. လၢတၢ်န့ၣ်အဃိဝ့ၢ်ယရူၤၡလ့ၣ်အပှၤဂီၢ်မုၢ်ဒုးကဲထီၣ်စီၤအဃၤ စယၤလၢစီၤပၤ, လၢအပၢ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:5

ပိာ်ထွဲထီၣ်အဝဲသ့ၣ်အတၢ်ဟ့ၣ်ကူၣ်အခံန့ၣ်, အဝဲမၤသကိးတၢ်ဒီးကီၢ်အံၣ်စရ့လးအစီၤပၤစီၤယဟိရၣ်လၢတၢ် ဒုးတၢ်ယၤတဘျီထီဒါကီၢ်စူၤရံအစီၤပၤစီၤဃစ့လးန့ၣ်လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဝဲလၢတၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်မးသဲ 26:7

ဒီးဖဲယ့ၣ်ၡူးအီၣ်တၢ်အဖၢမုၢ်န့ၣ်, ပိာ်မုၣ်တဂၤဟဲဆူအအိၣ်စိာ်ဃုာ်ဒီးပလီလၢၢ်ဝါပှဲၤဒီး သိနၢမူလၢအလုၢ်ဒိၣ်ပှ့ၤဒိၣ်နီၢ်မးတပလီ, ဒီးလူလီၤသိနၢမူန့ၣ်လၢယ့ၣ်ၡူးအခိၣ်လိၤလီၤ.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:3

သုနီၢ်ကစၢ်ဒၣ်သုဝဲထံၣ်ဘၣ်တ့ၢ်တၢ်တဖၣ်လၢယွၤမၤတ့ၢ်ဝဲလၢ ကစၢၢ်ပဧိၢ်အဒီခိၣ်န့ၣ်လီၤ. ဖဲန့ၣ်အဝဲမၤဟးဂီၤကွံာ်ပှၤကိးဂၤဒဲးလၢအဘူၣ်ထီၣ်ဘါထီၣ် ဘဧၤလး,

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”