လံာ်စီၤပၤခံဘ့ၣ်တဘ့ၣ် 8:7 - Sgaw Karen Common Bible

⁷ စီၤအလံၤၡါလဲၤဝဲဆူဝ့ၢ်ဒၤမ့းစ့းဖဲကီၢ်စူၤရံအစီၤပၤ ဘ့ၣ်ဟဒးဘၣ်ဆူးဘၣ်ဆါဝဲအခါန့ၣ်လီၤ. ဒီးဖဲစီၤပၤဘၣ်တၢ်တဲဘၣ်အီၤလၢစီၤအလံၤၡါအိၣ်ဝဲဖဲန့ၣ်န့ၣ်,

လံာ်စီၤပၤခံဘ့ၣ်တဘ့ၣ် 8:7 Iomraidhean Croise

လံာ်တၢ်ကဲထီၣ်အခီၣ်ထံး 14:15

ဒီးဖဲန့ၣ်အဝဲနီၤဖးလီၤဝဲအပှၤဒုးသုးဖိသ့ၣ်တဖၣ်ဆူကရူၢ် ဖိတဖၣ်ဒီးဒုးအဒုၣ်အဒါသ့ၣ်တဖၣ်ဖဲမုၢ်နၤအကတီၢ်ဒီးမၤနၢၤ ကွံာ်ဝဲဒၣ်န့ၣ်လီၤ. အဝဲလူၤထွဲအဝဲသ့ၣ်တုၤဆူဝ့ၢ်ဃိဘၤလၢအအိၣ်လၢဝ့ၢ်ဒၤမ့း စ့းအကလံၤစိးတခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:24

ဒီးကဲထီၣ်တ့ၢ်ခိၣ်နၢ်တဂၤလၢပှၤတဖုလၢတဒိကနၣ်ထံကီၢ်အတၢ် သိၣ်တၢ်သီအဂီၢ်န့ၣ်လီၤ. (တၢ်အံၤမၤအသးဖဲစီၤဒၤဝံးမၤနၢၤကွံာ်စီၤဟးဒးဧ့စ့ၢ် ဒီးမၤသံကွံာ်အဝဲအသိၣ်အမှံၤပှၤစူၤရံဖိတဖၣ်ဝံၤအလီၢ်ခံ န့ၣ်လီၤ.) စီၤရစိၣ်ဒီးအပှၤတဖၣ်လဲၤဒီးအိၣ်ဝဲဆိးဝဲဖဲဝ့ၢ်ဒၤမ့း စ့း, ဖဲအဝဲအပှၤတဖၣ်ပာ်ထီၣ်အီၤလၢကီၢ်စူၤရံအစီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:34

စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:24

လၢခံတယံာ်ဘၣ်န့ၣ်, ကီၢ်စူၤရံအစီၤပၤဘ့ၣ်ဟဒးဆှၢအသုးမုၢ် ဒီဖုညါထီဒါကီၢ်အံၣ်စရ့လးဒီးကဝီၤဃးဝ့ၢ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:6

လၢတၢ်စံးဆၢက့ၤစီၤပၤအတၢ်သံကွၢ်အဂီၢ်န့ၣ်, ပိာ်မုၣ်န့ၣ်ပာ်ဂၢၢ်ပာ်ကျၢၤတၢ်လၢစီၤက့ၤဃစံတဲဝဲ, ဒီးလၢတၢ်န့ၣ်အဃိ စီၤပၤကိးဃီၤဝဲပဒိၣ်တဂၤဒီးတဲအီၤလၢကဟ့ၣ်ကဒါက့ၤပိာ် မုၣ်န့ၣ်လၢ, ကယဲၢ်တၢ်ခဲလၢာ်လၢအဘၣ်ဃးဒီးအီၤ, ဃုာ်ဒီးတၢ်အလုၢ်အပှ့ၤလၢကယဲၢ်တၢ်မုၢ်တၢ်ဘိလၢစံာ်ပျီ တဖၣ်ဟ့ၣ်ထီၣ်ဝဲလၢနွံနံၣ်အတီၢ်ပူၤဖဲအဝဲဟးယံၤဝဲအဆၢကတီၢ် န့ၣ်လီၤ.

လံာ်ယၡါယၤ 7:8

ဘၣ်မနုၤအဃိလဲၣ်. မ့ၢ်လၢကီၢ်စူၤရံအဂံၢ်အဘါတဆူၣ်ထဲသိး ဒီးအဝ့ၢ်ခိၣ်, ဝ့ၢ်ဒၤမ့ၤစ့းဘၣ်, ဒီးဝ့ၢ်ဒၤမ့ၤစ့းစ့ၢ်ကီးအဂံၢ် အဘါတဆူၣ်ထဲသိးဒီးစီၤပၤရစံၣ်ဘၣ်. မ့မ့ၢ်ကီၢ်အံၣ်စရ့လး န့ၣ်, လၢဃုဆံယဲၢ်နံၣ်အပူၤအတ့ၤကဟးဂီၤဝဲတုၤဒၣ်လဲာ် ကအိၣ်မူဝဲဒ်ပှၤတကလုာ်အသိးန့ၣ်တသ့လၢၤဘၣ်လီၤ.

လံာ်ယံးရမံယၤ 40:5

ဖဲယတစံးဆၢအီၤဘၣ်နီတမံၤဘၣ်န့ၣ်, စီၤနဘူစၢ်ရဒၣ်စံးဘၣ်ယၤ, “က့ၤကဒါက့ၤဆူစီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤ, လၢကီၢ်ဘၤဘူၤလိၣ်အစီၤပၤဒုးကဲထီၣ်အီၤလၢပှၤပၢကီၢ် ယူဒၤအဝ့ၢ်တဖၣ်အအိၣ်န့ၣ်တက့ၢ်. နအိၣ်ဒီးအီၤဒီးနအိၣ်လၢပှၤဂီၢ်မုၢ်အကျါမ့ၢ်ဂ့ၤ, နလဲၤဆူတၢ်လီၢ်တပူၤပူၤလၢနဆိကမိၣ်နကြၢးလဲၤမ့ၢ်ဂ့ၤန့ၣ် သ့ဝဲလီၤ.” ဝံၤဒီးအဝဲဟ့ၣ်လီၤယၤတၢ်ဟ့ၣ်တမံၤဒီးတၢ်အီၣ်တနီၤလၢ ယကစိာ်ဃုာ်ဒီးယၤ, ဒီးပျဲယၤလၢယလဲၤလၢယကျဲဒၣ်ယဲန့ၣ်လီၤ.

မၤတၢ် 17:6

ဘၣ်ဆၣ်ဒီးဖဲအတထံၣ်အဝဲသ့ၣ်န့ၣ်, တွံၢ်ထီၣ်စီၤယါစီၣ်ဒီးအပျဲၢ်အဘီၣ်အဂၤတနီၤဆူဝ့ၢ်အကီၣ် ကးအမဲာ်ညါဒီးကိးပသူထီၣ်ဝဲ, “ပှၤသ့ၣ်တဖၣ်အံၤမၤတၢထီၣ်တၢလီၤတၢ်သကုၤဆးဒး လီၤ. ခဲကနံၣ်အံၤအဝဲသ့ၣ်ဟဲတုၤပဝ့ၢ်ပူၤလံ.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:2

ဒီးပှၤဂါစၤဖိတဖၣ်သ့ၣ်ညါဝဲလၢစီၤၡံၣ်ၡိၣ်အိၣ်ဖဲန့ၣ်အဃိ အဝဲသ့ၣ်ကဝီၤဃးတၢ်လီၢ်န့ၣ်ဒီးခိးအီၤသီတနၤကျၢၤလၢဝ့ၢ်အပဲတြီန့ၣ်လီၤ. အဝဲသ့ၣ်အိၣ်ဃိကလာ်ဒီနၤဒီးဆိကမိၣ်လၢအသးပူၤ, “ပကခိးတုၤမုၢ်ဆ့ၣ်ထီၣ်ဒီးပကမၤသံကွံာ်အီၤလီၤ.”