လံာ်စီၤပၤခံဘ့ၣ်တဘ့ၣ် 8:5 - Sgaw Karen Common Bible

⁵ ဖဲစီၤက့ၤဃစံတဲဘၣ်စီၤပၤလၢစီၤအလံၤၡါဒုးမူထီၣ်က့ၤပှၤ သံတဂၤဒ်လဲၣ်အဂ့ၢ်အခါန့ၣ်, ပိာ်မုၣ်န့ၣ်, သံကွၢ်ကညးထီၣ်အတၢ်ဂ့ၢ်ဆူစီၤပၤအအိၣ်န့ၣ်လီၤ. ဒီးစီၤက့ၤဃစံစံးဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ကွၢ်ကွၢ်အအံၤမ့ၢ်ပိာ်မုၣ်ဒီးအအံၤမ့ၢ်အဝဲအဖိခွါလၢစီၤ အလံၤၡါမၤမူထီၣ်က့ၤအီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 8:5 Iomraidhean Croise

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:12

အဝဲမၢအခ့အပှၤစီၤက့ၤဃစံလၢကလဲၤကိးန့ၢ်အီၤပိာ်မုၣ်အံၤ န့ၣ်လီၤ. ဖဲပိာ်မုၣ်န့ၣ်ဟဲဝဲဒီး,

လံာ်စီၤပၤခံဘ့ၣ်တဘ့ၣ် 4:35

စီၤအလံၤၡါဂဲၤဆၢထၢၣ်, ဟးတရံးလၢဒၢးပူၤ, ဝံၤဒီးက့ၤကဒါက့ၤ, ဒီးစူၣ်ထီၣ်ကဒီးအသးလၢဖိသၣ်ပိာ်ခွါအလိၤန့ၣ်လီၤ. ဖိသၣ်ပိာ်ခွါဆဲထီၣ်ဝဲနွံဘျီဝံၤဒီးအိးထီၣ်အမဲာ်ချံတဖၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:26

ကီၢ်အံၣ်စရ့လးအစီၤပၤလဲၤတြူာ်တၢ်လၢဝ့ၢ်ခိၣ်ဒူအဖီခိၣ်, ဖဲပိာ်မုၣ်တဂၤကိးထီၣ်ဝဲ, “တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်,” အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:6

လၢတၢ်စံးဆၢက့ၤစီၤပၤအတၢ်သံကွၢ်အဂီၢ်န့ၣ်, ပိာ်မုၣ်န့ၣ်ပာ်ဂၢၢ်ပာ်ကျၢၤတၢ်လၢစီၤက့ၤဃစံတဲဝဲ, ဒီးလၢတၢ်န့ၣ်အဃိ စီၤပၤကိးဃီၤဝဲပဒိၣ်တဂၤဒီးတဲအီၤလၢကဟ့ၣ်ကဒါက့ၤပိာ် မုၣ်န့ၣ်လၢ, ကယဲၢ်တၢ်ခဲလၢာ်လၢအဘၣ်ဃးဒီးအီၤ, ဃုာ်ဒီးတၢ်အလုၢ်အပှ့ၤလၢကယဲၢ်တၢ်မုၢ်တၢ်ဘိလၢစံာ်ပျီ တဖၣ်ဟ့ၣ်ထီၣ်ဝဲလၢနွံနံၣ်အတီၢ်ပူၤဖဲအဝဲဟးယံၤဝဲအဆၢကတီၢ် န့ၣ်လီၤ.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်နီၢ်ရူၤသး 2:3

တုၤနုၤတစု, နီၢ်ရူၤသးလဲၤဆူစံာ်ပျီတဖၣ်အပူၤဒီးဟးဝဲ လၢပှၤကူးဘုတဖၣ်အလီၢ်ခံ, ဒီးထၢထီၣ်ဝဲဘုအစဲၤတဖၣ်လၢအဝဲ သ့ၣ်ပာ်လီၤတဲာ်န့ၣ်လီၤ. ဒီးတၢ်မၤအသးလၢအဝဲလဲၤဘၣ်ဆူ စီၤဘိၤဧးအစံာ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:17

စီၤစီလူးတိၢ်နီၣ်စီၤဒၤဝံးအကလုၢ်ဘၣ်ဒီးသံကွၢ်ဝဲ, “စီၤဒၤဝံး, ယဖိခွါဧၢ, မ့ၢ်နၤဧါ.” စီၤဒၤဝံးစံးဆၢဝဲ, “မ့ၢ်, စီၤပၤဖးဒိၣ်ဧၢ.”