လံာ်စီၤပၤခံဘ့ၣ်တဘ့ၣ် 8:4 - Sgaw Karen Common Bible

⁴ အဝဲထံၣ်ဘၣ်စီၤပၤကတိၤတၢ်ဒီးစီၤအလံၤၡါအခ့အပှၤစီၤက့ၤဃ စံန့ၣ်လီၤ. စီၤပၤသးအိၣ်သ့ၣ်ညါဘၣ်တၢ်လီၤလးတဖၣ်လၢစီၤအလံၤ ၡါမၤဝဲအဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:4 Iomraidhean Croise

လံာ်စီၤပၤခံဘ့ၣ်တဘ့ၣ် 2:14

အဝဲတီၢ်ထံလၢစီၤအ့ၤလံယၤအဆ့ကၤဖးဒိၣ်န့ၣ်ဒီးစံးဝဲဒၣ်, “ယွၤ, စီၤအ့ၤလံယၤအကစၢ်ယွၤန့ၣ်အိၣ်ဖဲလဲၣ်.” အန့ၣ်ဝံၤဒီးအဝဲတီၢ်ကဒီးထံဒီးထံန့ၣ်နီၤဖးကွံာ်အသးခံ ခီဒီးအဝဲလဲၤခီဂာ်ဝဲဆူထံကျိအဝၢ်ဘးခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:12

အဝဲမၢအခ့အပှၤစီၤက့ၤဃစံလၢကလဲၤကိးန့ၢ်အီၤပိာ်မုၣ်အံၤ န့ၣ်လီၤ. ဖဲပိာ်မုၣ်န့ၣ်ဟဲဝဲဒီး,

လံာ်စီၤပၤခံဘ့ၣ်တဘ့ၣ် 4:25

လၢတၢ်န့ၣ်အဃိအဝဲဟးထီၣ်ဒီးလဲၤဝဲဆူကစၢၢ်ကၢ်မ့ၤလးဖဲစီၤ အလံၤၡါအိၣ်ဝဲအလီၢ်န့ၣ်လီၤ. စီၤအလံၤၡါထံၣ်အီၤဖဲအဝဲအိၣ်ယံၤဒံးအခါ, ဒီးအဝဲစံးဘၣ်အခ့အပှၤစီၤက့ၤဃစံ, “ကွၢ်တက့ၢ်. ပိာ်မုၣ်လၢဝ့ၢ်ၡူန့ၣ်တဂၤဟဲဝဲလၢန့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:14

လၢတၢ်န့ၣ်အဃိ, စီၤနဧၤမၣ်လဲၤလီၤဆူထံကျိယၢ်ဒ့ၣ်အပူၤ, ဘျၢလီၤအသးလၢထံကျိအပူၤနွံဘျီ, ဒ်စီၤအလံၤၡါနဲၣ်တ့ၢ်အီၤကျဲအသိး, ဒီးအဝဲဘၣ်တၢ်မၤဘျါက့ၤအီၤလၢာ်လၢာ်ဆ့ဆ့န့ၣ်လီၤ. အဝဲအဖံးအညၣ်တဖၣ်ဂ့ၤထီၣ်ကဒါက့ၤဒီးကဆှီထီၣ်က့ၤဝဲဒ်ဖိသၣ် တဂၤအဖံးအညၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:6

စီၤအလံၤၡါသံကွၢ်အီၤ, “လီၤတဲာ်ဝဲဖဲလဲၣ်.” ပှၤတဂၤန့ၣ်ဒုးနဲၣ်အီၤတၢ်လီၢ်န့ၣ်ဒီးစီၤအလံၤၡါကျီတဲာ် သ့ၣ်တဘိ, တ့ၢ်လီၤဝဲဆူထံကျါဒီးမၤထီၣ်ဖီက့ၤ, ကွါကနၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:1

စီၤအလံၤၡါစံးဆၢဝဲဒၣ်, “ဒိကနၣ်တၢ်လၢယွၤစံးဝဲန့ၣ်တ က့ၢ်. ခဲမုၢ်ဆ့ၣ်လၢတၢ်ဆၢကတီၢ်ဒ်အံၤန့ၣ်, နပှ့ၤကိၣ်ကမူၣ်အဂ့ၤကတၢၢ် အလီၤတယၢၢ်တစ့အၤမ့ၢ်ဂ့ၤ, ဘုမုယီၤခံစ့အၤမ့ၢ်ဂ့ၤလၢစ့တဘ့ၣ်လၢၡၤမရံကန့ၢ်ဝဲလီၤ.

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 7:3

ပှၤလွံၢ်ဂၤလၢအဘၣ်တၢ်ဆါအၢလီၤပျံၤလီၤဖုးအိၣ်ဝဲဖဲဝ့ၢ်ၡၤ မရံအတြဲၤအချၢ, ဒီးစံးလိာ်အသးတဂၤဒီးတဂၤ, “ဘၣ်မနုၤလၢပဘၣ်အိၣ်ခိးတၢ်ဖဲအံၤတုၤပကသံန့ၣ်လဲၣ်.

လံာ်စီၤပၤခံဘ့ၣ်တဘ့ၣ် 8:3

ဖဲနွံနံၣ်အကတၢၢ်န့ၣ်အဝဲက့ၤကဒါက့ၤဝဲဆူကီၢ်အံၣ်စရ့လး, ဒီးလဲၤဝဲဆူစီၤပၤအအိၣ်, ဒ်သိးကဃ့က့ၤအဟံၣ်ဒီးအဟီၣ်ခိၣ် လၢကဘၣ်တၢ်ဟ့ၣ်က့ၤကဒါက့ၤအီၤအဂီၢ်န့ၣ်လီၤ.

လံာ်မးသဲ 2:8

အဝဲမၢလီၤပှၤကူၣ်ဘၣ်ကူၣ်သ့တဖၣ်အံၤဆူဝ့ၢ်ဘ့ၤသလ့ ဃ့ၣ်ဒီးစံးဘၣ်အဝဲသ့ၣ်, “လဲၤဒီးကွၢ်ဃုဖိသၣ်န့ၣ်လီၤ တံၢ်လီၤဆဲးဒီးတုၤသုထံၣ်န့ၢ်အီၤဒီးဟဲက့ၤတဲဘၣ်ယၤဒ်သိး ယဲစ့ၢ်ကီးယကလဲၤဘူၣ်ထီၣ်ဘါထီၣ်ဘၣ်အီၤအဂီၢ်တက့ၢ်.”

လံာ်လူၤကၣ် 23:8

စီၤဟ့ၤရိာ်အသးခုဒိၣ်မး ဖဲအထံၣ်ဘၣ်ယ့ၣ်ၡူးန့ၣ်လီၤ. အဂ့ၢ်ဒ်အံၤ အဝဲနၢ်ဟူဘၣ်တ့ၢ်ဝဲယ့ၣ်ၡူးအဂ့ၢ်ဒီးဆၢမုၢ်လၢ်ထံၣ်ဘၣ်တ့ၢ် အီၤအိၣ်လံဖးယံာ်လံန့ၣ်လီၤ. အဝဲဒၣ်မုၢ်လၢ်လၢအကထံၣ်ဘၣ်ယ့ၣ်ၡူးမၤတၢ်လီၤလး တမံၤမံၤလီၤ.

လံာ်လူၤကၣ် 9:9

စီၤဟ့ၤရိာ်စံးဝဲ, “ယမၢတ့ၢ်ပှၤဒီၣ်တဲာ်ကွံာ်စီၤယိၤဟၣ်အခိၣ်လံ. မ့မ့ၢ်ပှၤတဂၤအံၤလၢယ နၢ်ဟူဘၣ်အဂ့ၢ်အကျိၤသ့ၣ်တဖၣ်န့ၣ်, မ့ၢ်မတၤတဂၤလဲၣ်.” ဒီးအဝဲဒၣ်ဂုာ်ကျဲးစၢးဃုထံၣ်ယ့ၣ်ၡူးလီၤ.

လံာ်ယိၤဟၣ် 9:27

အဝဲစံးဆၢတၢ်ဒီးစံးဝဲ, “ယစံးဘၣ်တဲဘၣ်သုဝံၤတ့ၢ်လံ ဒီးသုတကနၣ်ယၤဘၣ်. ဘၣ်မနုၤအဃိလၢသုအဲၣ်ဒိးနၢ်ဟူကဒီး တၢ်ဂ့ၢ်အံၤန့ၣ်လဲၣ်. ဘၣ်သ့ၣ်သ့ၣ်သုဝဲစ့ၢ်ကီးကမ့ၢ် သုအဲၣ်ဒိးကဲထီၣ်ယ့ၣ်ၡူးအပျဲၢ်အဘီၣ်တဖၣ်သၢၣ်.”

မၤတၢ် 24:24

စှၤသီပူၤကွံာ်ဝံၤအလီၢ်ခံန့ၣ်, စီၤဖ့လံးဟဲဒီးအမါနီၢ်ဒြူၤစံးလ့ၤလၢအမ့ၢ်ပှၤယူဒၤမုၣ်တဂၤ န့ၣ်လီၤ. အဝဲဒၣ်မၢပှၤလဲၤကိးန့ၢ်အီၤလၢစီၤပီလူးဒီးကနၣ်အဝဲ ကတိၤတၢ်ဘၣ်ဃးတၢ်စူၢ်တၢ်နာ်လၢယ့ၣ်ၡူးခရံာ်အပူၤ အဂ့ၢ်န့ၣ်လီၤ.