လံာ်စီၤပၤခံဘ့ၣ်တဘ့ၣ် 8:28 - Sgaw Karen Common Bible

²⁸ စီၤပၤအဃၤစယၤလဲၤပာ်ဖှိၣ်အသးဒီးကီၢ်အံၣ်စရ့လးအစီၤပၤ ယဟိရၣ်လၢတၢ်ဒုးတၢ်အပူၤထီဒါကီၢ်စူၤရံအစီၤပၤဃစ့လးန့ၣ် လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဘၣ်ထံးလၢတၢ်ဒုးပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:28 Iomraidhean Croise

လံာ်စီၤပၤအခီၣ်ထံးတဘ့ၣ် 19:17

ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:29

အန့ၣ်ဒီး, ကီၢ်အံၣ်စရ့လးအစီၤပၤအၤဃာ်ဒီးကီၢ်ယူဒၤအစီၤပၤ စီၤယဟိၡၤဖးလဲၤထီၣ်ဒီးဒုးဝ့ၢ်ရၤမိးလၢကီၢ်ကံးလဧးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤခံဘ့ၣ်တဘ့ၣ် 3:7

အဝဲဆှၢလီၤတၢ်ကစီၣ်ဆူကီၢ်ယူဒၤအစီၤပၤယဟိၡၤဖးအအိၣ်ဒီး စံးဝဲဒၣ်, “ကီၢ်မိၤအးအစီၤပၤပူထီၣ်တၢ်ထီဒါယၤလံ. မ့ၢ်နကလဲၤသကိးတၢ်ဒီးယၤလၢတၢ်ဒုးထီဒါအီၤအဂီၢ်န့ၣ်ဧါ.” စီၤပၤယဟိၡၤဖးစံးဆၢဝဲဒၣ်, “ယကလဲၤလီၤ. ယအိၣ်လၢနတၢ်သုးတၢ်ကျဲၤအပူၤလီၤ. ယပှၤဂီၢ်မုၢ်ဒီးယကသ့ၣ်တဖၣ် မ့ၢ်ဒ်န့ၣ်အသိးစ့ၢ်ကီးလီၤ.

လံာ်စီၤပၤခံဘ့ၣ်တဘ့ၣ် 8:15

ဘၣ်ဆၣ်လၢခံတနံၤန့ၣ်, စီၤဃစ့လးဟံးန့ၢ်ယၣ်လုးတဘ့ၣ်, စုၣ်ဝဲလၢထံကျါဒီးပအၢသံကွံာ်စီၤပၤန့ၣ်လီၤ. ဒီးစီၤဃစ့လးကဲထီၣ်ကီၢ်စူၤရံအစီၤပၤလၢစီၤဘ့ၣ်ဟဒးအလီၢ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:29

အဝဲဟဲက့ၤကဒါက့ၤဆူဝ့ၢ်ယံးစရ့လးဒ်သိးအတၢ်ပူၤလီၢ်ပူၤ ကျဲတဖၣ်ကဘျါက့ၤဝဲအဂီၢ်, ဒီးစီၤပၤအဃၤစယၤလဲၤအိၣ်သကိးအီၤ ဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်စီၤပၤခံဘ့ၣ်တဘ့ၣ် 9:14

အန့ၣ်ဝံၤဒီး, စီၤယ့ၤဟူကူၣ်တၢ်အၢထီဒါစီၤပၤယဟိရၣ်, လၢအအိၣ်ဝဲလၢဝ့ၢ်ယံးစရ့လးအပူၤ, တၢ်လီၢ်ဖဲအဝဲလဲၤတ့ၢ်ဒ်သိးကမၤဘျါက့ၤအတၢ်ပူၤလီၢ်ပူၤကျဲ လၢမၤန့ၢ်တ့ၢ်ဝဲလၢတၢ်ဒုးအပူၤဖဲဝ့ၢ်ရၤမိးဖဲတၢ်ဒုးထီ ဒါကီၢ်စူၤရံအစီၤပၤဃစ့လးအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:15

လၢတၢ်န့ၣ်အဃိ, စီၤယ့ၤဟူစံးဘၣ်အသုးခိၣ်ကဒဲကဒဲတဖၣ်, “သုမ့ၢ်အိၣ်လၢယအိၣ်တခီန့ၣ်, မၤလီၤတံၢ်လၢပှၤတဟးထီၣ်ခူ သူၣ်ဘၣ်နီတဂၤလၢဝ့ၢ်ရၤမိးဒ်သိးကလဲၤဒီးဟ့ၣ်ပလီၢ်ပှၤဂီၢ် မုၢ်လၢအအိၣ်ဖဲဝ့ၢ်ယံးစရ့လးအပူၤဘၣ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 9:16

ဝံၤဒီးအဝဲဒိးထီၣ်အလ့ၣ်ကဟၣ်ဒီးဟးထီၣ်လဲၤဆူဝ့ၢ်ယံးစရ့ လးန့ၣ်လီၤ. စီၤယဟိရၣ်တဘျါက့ၤဒံးဘၣ်. ဒီးကီၢ်ယူဒၤအစီၤပၤစီၤအဃၤစယၤလဲၤအိၣ်သကိးအီၤဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:31

လၢတၢ်န့ၣ်အဃိ, တုၤအဝဲသ့ၣ်ထံၣ်ဃီၤစီၤယဟိၡၤဖးန့ၣ်, အဝဲသ့ၣ်ခဲလၢာ်ဆိကမိၣ်လၢအဝဲမ့ၢ်ကီၢ်အံၣ်စရ့လးအစီၤပၤဒီး အဝဲသ့ၣ်ဃၣ်အသးလၢကဒုးအီၤအဂီၢ်န့ၣ်လီၤ. ဘၣ်ဆၣ်စီၤယဟိၡၤဖးကိးထီၣ်ဝဲဒီးယွၤ, ကစၢ်ယွၤမၤပူၤဖျဲး အီၤဒီးဃၣ်ကွံာ်တၢ်ဒုးယံၤဒီးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:5

ပိာ်ထွဲထီၣ်အဝဲသ့ၣ်အတၢ်ဟ့ၣ်ကူၣ်အခံန့ၣ်, အဝဲမၤသကိးတၢ်ဒီးကီၢ်အံၣ်စရ့လးအစီၤပၤစီၤယဟိရၣ်လၢတၢ် ဒုးတၢ်ယၤတဘျီထီဒါကီၢ်စူၤရံအစီၤပၤစီၤဃစ့လးန့ၣ်လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဝဲလၢတၢ်ဒုးတၢ်ယၤအပူၤန့ၣ်လီၤ.

လံာ်စီၤယိၤၡူ 20:8

ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.

လံာ်စီၤယိၤၡူ 21:38

လၢကးအဒူၣ်အဝဲသ့ၣ်ဒိးန့ၢ်ဘၣ်ဝဲဝ့ၢ်လွံၢ်ဖျၢၣ်လၢအမ့ၢ်ဝဲ ရၤမိးလၢကီၢ်ကံးလဧးအပူၤ, ဃုာ်ဒီးအတၢ်အီၣ်ဆၣ်အလီၢ်တဖၣ် (တၢ်ပူၤဖျဲးအဝ့ၢ်အကျါတဝ့ၢ်,) မၤဃန့ၤ,