လံာ်စီၤပၤခံဘ့ၣ်တဘ့ၣ် 8:26 - Sgaw Karen Common Bible

²⁶ ဖဲအသးအိၣ်ခံဆံခံနံၣ်, ဒီးအဝဲပၢတၢ်ဖဲဝ့ၢ်ယရူၤၡလ့ၣ်အပူၤ တနံၣ်န့ၣ်လီၤ. အဝဲအမိၢ်မ့ၢ်နီၢ်ဧသါလယၤလၢအမ့ၢ်ကီၢ်အံၣ်စရ့လးစီၤပၤအၤဃာ် အဖိမုၣ်ဒီးစီၤပၤဧိၣ်ရံၤအလံၤမုၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:26 Iomraidhean Croise

လံာ်တၢ်ကဲထီၣ်အခီၣ်ထံး 24:48

ဒီးယချံးခီၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ. ယစံးထီၣ်ပတြၢၤယွၤ, ယကစၢ်စီၤအၤဘြၤဟၣ်အကစၢ်ယွၤလၢအဆှၢတ့ၢ် ယၤလိၤလိၤဆူယကစၢ်အဘူးအတံၢ်တဖၣ်အအိၣ်ဖဲယထံၣ်န့ၢ်အဖိမုၣ်လၢ ယကစၢ်အဖိခွါအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:22

လၢခံကတၢၢ်န့ၣ်, ပှၤလၢအဘၣ်သူၣ်ဘၣ်သးစီၤဧိၣ်ရံၤမၤနၢၤကွံာ် တၢ်န့ၣ်လီၤ. စီၤတံးဘနံၤသံဝဲဒီးစီၤဧိၣ်ရံၤကဲထီၣ်စီၤပၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:23

လၢတၢ်န့ၣ်အဃိဖဲကီၢ်ယူဒၤအစီၤပၤအၤစါပၢတၢ်သၢဆံတနံၣ် အနံၣ်ပူၤန့ၣ်စီၤဧိၣ်ရံၤကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်တဆံခံနံၣ်န့ၣ်လီၤ. အခီၣ်ထံးဃုနံၣ်န့ၣ်အဝဲပၢတၢ်ဖဲဝ့ၢ်တံးရစၢ်အပူၤ,

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:2

စီၤအဃၤစယၤကဲထီၣ်စီၤပၤဖဲအသးအိၣ်ခံဆံခံနံၣ်ဒီးပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတနံၣ်န့ၣ်လီၤ. စီၤအဃၤစယၤပိာ်ထွဲ စ့ၢ်ကီးစီၤပၤအၤဃာ်အဒူၣ်ဖိထၢဖိအဒိအတဲာ်အခံန့ၣ်လီၤ.