လံာ်စီၤပၤခံဘ့ၣ်တဘ့ၣ် 8:15 - Sgaw Karen Common Bible

¹⁵ ဘၣ်ဆၣ်လၢခံတနံၤန့ၣ်, စီၤဃစ့လးဟံးန့ၢ်ယၣ်လုးတဘ့ၣ်, စုၣ်ဝဲလၢထံကျါဒီးပအၢသံကွံာ်စီၤပၤန့ၣ်လီၤ. ဒီးစီၤဃစ့လးကဲထီၣ်ကီၢ်စူၤရံအစီၤပၤလၢစီၤဘ့ၣ်ဟဒးအလီၢ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:15 Iomraidhean Croise

လံာ်စီၤပၤအခီၣ်ထံးတဘ့ၣ် 15:28

တၢ်အံၤမၤအသးဖဲကီၢ်ယူဒၤအစီၤပၤအၤစါပၢတၢ်သၢနံၣ်တနံၣ် အပူၤန့ၣ်လီၤ. ဒီးလၢတၢ်န့ၣ်အဃိစီၤဘါၡၤကဲထီၣ်ကီၢ်အံၣ်စရ့လး အစီၤပၤလၢစီၤနၤဒးအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:10

စီၤစံၣ်ရံၤဟဲနုာ်လီၤဆူဟံၣ်ပူၤဒီးမၤသံကွံာ်စီၤအ့လၤ ဒီးကဲထီၣ်စီၤပၤလၢအလီၢ်န့ၣ်လီၤ. တၢ်အံၤမၤအသးဖဲကီၢ်ယူဒၤအစီၤပၤအၤစါပၢတၢ်ခံဆံနွံနံၣ် တနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:18

တုၤစီၤစံၣ်ရံၤထံၣ်ဝဲဒၣ်လၢဝ့ၢ်ဘၣ်တၢ်မၤန့ၢ်ကွံာ်အီၤလံ န့ၣ်အဝဲလဲၤနုာ်ဆူနီအသးကံၢ်ပူၤ, ဆိၣ်ကဲၤထီၣ်နီလၢမ့ၣ်အူဒီးသံဝဲလၢမ့ၣ်အူလၣ်အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:15

ယွၤစံးဘၣ်အီၤ, “က့ၤကဒါက့ၤဆူပှၢ်မုၢ်ကနၢဘူးဒီးဝ့ၢ်ဒၤ မ့းစ့း, ဝံၤဒီးလဲၤနုာ်ဆူဝ့ၢ်ပူၤဒီးဖှူစီၤဃစ့လးဒ်ကီၢ်စူၤရံအစီၤပၤ,

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:10

စီၤအလံၤၡါစံးဆၢဝဲဒၣ်, “ယွၤလီၣ်ဖျါထီၣ်န့ၢ်ယၤလၢအဝဲ ဒၣ်ကသံဝဲလီၤ. ဘၣ်ဆၣ်က့ၤဆူအအိၣ်ဒီးတဲဘၣ်အီၤလၢအဝဲ ကဘျါက့ၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 8:13

စီၤဃစ့လးသံကွၢ်ဝဲ, “ယအိၣ်ဒီးတၢ်စိတၢ်ကမီၤထဲထဲန့ၣ် ကသ့တဘျီဘျီဧါ. ယတမ့ၢ်တၢ်နီတမံၤဘၣ်.” စီၤအလံၤၡါစံးဆၢဝဲ, “ယွၤဒုးနဲၣ်တ့ၢ်ယၤလၢနကကဲထီၣ်ကီၢ် စူၤရံအစီၤပၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 8:28

စီၤပၤအဃၤစယၤလဲၤပာ်ဖှိၣ်အသးဒီးကီၢ်အံၣ်စရ့လးအစီၤပၤ ယဟိရၣ်လၢတၢ်ဒုးတၢ်အပူၤထီဒါကီၢ်စူၤရံအစီၤပၤဃစ့လးန့ၣ် လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဘၣ်ထံးလၢတၢ်ဒုးပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:24

စီၤယ့ၤဟူထုးထီၣ်အချံၣ်ဒီးလၢအဂံၢ်အဘါခဲလၢာ်အပူၤန့ၣ်အဝဲ ခးပျၢ်တဘ့ၣ်လၢအဆဲးဖျိဘၣ်စီၤယဟိရၣ်အချၢဃံဒီးဆဲးဖျိဆူ အသးန့ၣ်လီၤ. စီၤယဟိရၣ်လီၤဃံၤသံဝဲလၢအလ့ၣ်ကဟၣ်ပူၤ,

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.