လံာ်စီၤပၤခံဘ့ၣ်တဘ့ၣ် 8:12 - Sgaw Karen Common Bible

¹² စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

လံာ်စီၤပၤခံဘ့ၣ်တဘ့ၣ် 8:12 Iomraidhean Croise

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 19:17

ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:18

ကီၢ်ယူဒၤအစီၤပၤယိၤအၣ်ဟံးန့ၢ်ကယဲၢ်တၢ်မၤဘူၣ်ခဲလၢာ်လၢပှၤ လၢအမဲာ်ညါတဖၣ်လၢအမ့ၢ်စီၤယဟိၡၤဖး, စီၤယဟိရၣ်ဒီးစီၤအဃၤစယၤလုၢ်ထီၣ်တ့ၢ်ဝဲဆူယွၤအအိၣ်, ပာ်ဖှိၣ်အါထီၣ်ဃုာ်ဝဲဒီးအဝဲအနီၢ်ကစၢ်အတၢ်မၤဘူၣ်တဖၣ်ဒီး ကယဲၢ်ထူခဲလၢာ်အအိၣ်လၢတၢ်ပာ်ဖှိၣ်အလီၢ်လၢယွၤအတၢ်လုၢ်ဟံၣ် အပူၤဒီးနူၢ်ဧိၤစီၤဧိၤအပူၤဒီးဆှၢလီၤဝဲခဲလၢာ်ဒ်တၢ်ဟ့ၣ် အသိးဆူစီၤပၤဃစ့လးအအိၣ်, ဒီးအန့ၣ်တစုဟးထီၣ်ကွံာ်ဒီးအသုးမုၢ်ယံၤဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:22

ကီၢ်စူၤရံအစီၤပၤဃစ့လးမၤနၢၤမၤဃၣ်ပှၤအံၣ်စရ့လးဖိတဖၣ် ဖဲစီၤယဟိအါဃးပၢတၢ်ဒီကတီၢ်,

လံာ်စီၤပၤခံဘ့ၣ်တဘ့ၣ် 13:3

လၢတၢ်န့ၣ်အဃိ, ယွၤသးထီၣ်ဘၣ်ကီၢ်အံၣ်စရ့လး, ဒီးအဝဲပျဲကီၢ်စူၤရံအစီၤပၤဃစ့လးဒီးအဖိခွါစီၤဘ့ၣ် ဟဒးလၢကမၤနၢၤကီၢ်အံၣ်စရ့လးတဘျီဘၣ်တဘျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:7

မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:16

ဖဲစီၤမနၤဃ့ၣ်လဲၤတၢ်လၢကျဲလၢဝ့ၢ်တံးရစၢ်အခါန့ၣ်အဝဲမၤ ဟးဂီၤကွံာ်ဝ့ၢ်တံဖစၤဒီးပှၤအိၣ်ဆိးလၢဝ့ၢ်ပူၤခဲလၢာ်ဒီး လီၢ်ကဝီၤလၢအအိၣ်ဝးတရံးအီၤ, လၢာ်လၢာ်ဆ့ဆ့, မ့ၢ်လၢဝ့ၢ်န့ၣ်တဟ့ၣ်လီၤအသးလၢအစုပူၤဘၣ်အဃိန့ၣ်လီၤ. အဝဲဖှဲးသ့ၣ်ဖးဒၣ်လဲာ်ကယဲၢ်ပိာ်မုၣ်လၢအဒၢတဖၣ်အဟၢဖၢန့ၣ် လီၤ.

လံာ်စီၤပၤခံဘ့ၣ်တဘ့ၣ် 4:28

ပိာ်မုၣ်န့ၣ်စံးဘၣ်အီၤ, “တၢ်ဒိၣ်ဧၢ, မ့ၢ်ယဃ့တ့ၢ်နၤလၢ နကဟ့ၣ်ယၤလၢဖိခွါတဂၤန့ၣ်ဧါ. မ့ၢ်ယတတဲတ့ၢ်နၤလၢတဘၣ်ထိၣ်ဂဲၤယတၢ်မုၢ်လၢ်တဂ့ၤန့ၣ်ဘၣ်ဧါ.”

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ဟိၤၡ့ 10:14

တၢ်ဒုးတၢ်ယၤကဟဲဆူနပှၤဂီၢ်မုၢ်အအိၣ်. ဒီးနတိာ်ဧိၤတာ်ဧိၤအလီၢ်ခဲလၢာ်ကဘၣ်တၢ်မၤဟးဂီၤကွံာ်အီၤ န့ၣ်လီၤ. တၢ်န့ၣ်ကလီၤဂာ်ဒ်မုၢ်တနံၤဖဲစီၤပၤၡၤလမၣ်မၤဟးဂီၤကွံာ် ဝ့ၢ်ဘ့ၤသအၢ်ဘလးလၢတၢ်ဒုးအပူၤ, ဒီးမိၢ်တဖၣ်ဒီးအဖိတဖၣ်ဘၣ် တၢ်ယီၢ်တံၢ်သံကွံာ်အီၤအသိးန့ၣ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.