လံာ်စီၤပၤခံဘ့ၣ်တဘ့ၣ် 8:11 - Sgaw Karen Common Bible

¹¹ အန့ၣ်ဝံၤဒီးစီၤအလံၤၡါကွၢ်စူၣ်အီၤလၢမဲာ်သၣ်လၢအလီၤပျံၤ လီၤဖုးတုၤစီၤဃစ့လးအသူၣ်ကိၢ်သးဂီၤဝဲန့ၣ်လီၤ. သတူာ်ကလာ်စီၤအလံၤၡါအမဲာ်ထံပုာ်ထီၣ်ယွၤလီၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:11 Iomraidhean Croise

လံာ်တၢ်ကဲထီၣ်အခီၣ်ထံး 45:2

အဝဲဟီၣ်လၢအကလုၢ်သီၣ်ဖးဒိၣ်, တုၤဒၣ်လဲာ်ပှၤအဲၤကူပတူးဖိ တဖၣ်နၢ်ဟူဝဲ, ဒီးတၢ်ကစီၣ်န့ၣ်ဘၣ်တၢ်လဲၤစိာ်အီၤဆူစီၤပၤ အနူၢ်အစီၤပူၤလီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:17

ဘၣ်ဆၣ်အဝဲသ့ၣ်တဲအီၤသပှၢ်ပှၢ်တုၤစီၤအလံၤၡါဟ့ၣ်အဝဲသ့ၣ်တၢ် ပျဲလၢကလဲၤဝဲဒၣ်န့ၣ်လီၤ. ပှၤအဂၤယဲၢ်ဆံန့ၣ်လဲၤဒီးဃုတၢ်လၢကစၢၢ်ကလိအဒီခိၣ်မ့ၢ်ဂ့ၤ, လၢတြီၤခိၣ်တြီၤလာ်မ့ၢ်ဂ့ၤလၢသၢသီအတီၢ်ပူၤဘၣ်ဆၣ်ဒီးတထံၣ် ဘၣ်စီၤအ့ၤလံယၤန့ၣ်ဘၣ်.

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်ယံးရမံယၤ 9:18

ပှၤဂီၢ်မုၢ်စံးဝဲဒၣ်, “တဲဘၣ်အဝဲသ့ၣ်လၢကမၤချ့ချ့ဒီးသးဝံၣ် တၢ်သံအတၢ်သးဝံၣ်တယုၢ်လၢပဂီၢ် တုၤလၢပမဲာ်ချံတဖၣ်ပှဲၤဝဲဒီးမဲာ်ထံမဲာ်နိ ဒီးပမဲာ်ဖံးတဖၣ်ဘၣ်စီၣ်ဘၣ်သ့လၢတၢ်ဟီၣ်တၢ်ယၢၤ အဃိန့ၣ်တက့ၢ်.”

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

လံာ်ယိၤဟၣ် 11:35

ဒီးယ့ၣ်ၡူးအမဲာ်ထံလီၤဝဲလီၤ.

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

ရိမ့ၤ 9:2

ဖဲယစံး ယတၢ်သးအုးအံၤမ့ၢ်တၢ်လၢအဒိၣ်နီၢ်မးဒီး ယသးဘၣ်ကိၢ်ဘၣ်ဂီၤတဘိယူၢ်ဃီလၢယပှၤဂီၢ်မုၢ် ယသွံၣ်ထံဖံးညၣ်ဒၣ်ယဲအဂီၢ်န့ၣ်လီၤ.

ဖံလံးပံၤ 3:18

ယစံးဘၣ်တဲဘၣ်တ့ၢ်လံသုတၢ်အံၤလၢအပူၤကွံာ်အါဘျီလံ. ဒီးခဲအံၤယစံးကဒီးယဲလၢမဲာ်ထံမဲာ်နိအပူၤန့ၣ်လီၤ. ပှၤအိၣ်ဝဲအါဒံအါဂၤလၢအတၢ်အိၣ်မူဒုးကဲထီၣ်အဝဲသ့ၣ်လၢ ခရံာ်အတၢ်သံလၢထူၣ်စုညါလိၤ, အဒုၣ်အဒါတဖၣ်န့ၣ်လီၤ.