လံာ်စီၤပၤခံဘ့ၣ်တဘ့ၣ် 8:1 - Sgaw Karen Common Bible

¹ ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:1 Iomraidhean Croise

လံာ်တၢ်ကဲထီၣ်အခီၣ်ထံး 12:10

ဘၣ်ဆၣ်ဒီး, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢကီၢ်ကနၤဧၣ်အပူၤ ဒီးတၢ်န့ၣ်အၢနးမးတုၤဒၣ်လဲာ်စီၤအၤဘြၣ်လဲၤယံၤထီၣ်ဆူ ကလံၤထံးဆူကီၢ်အဲၤကူပတူးလၢကအိၣ်ဝဲဖဲန့ၣ်တစိၢ်တလီၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:1

တၢ်သၣ်ဝံၤလီၤဒိမၤအသးလၢညါလၢစီၤအၤဘြၤဟၣ်အဆၢကတီၢ်ဝံၤ အလီၢ်ခံမၤကဒီးအသးတဘျီလၢထံကီၢ်အပူၤန့ၣ်လီၤ. ဒီးစီၤအံၤစဲးလဲၤဝဲဆူပှၤဖလ့ၡသးဖိအစီၤပၤစီၤအဘံၤမ့ လ့းအအိၣ်လၢဝ့ၢ်ကရၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:25

စီၤယိၤသးစံးဘၣ်စီၤပၤ, “တၢ်မံမီၢ်ခံမံၤအံၤ, အခီပညီ မ့ၢ်တၢ်တမံၤဃီလီၤ. ကစၢ်ယွၤတဲဘၣ်နၤတၢ်လၢအဝဲကမၤဝဲန့ၣ် လီၤ.

လံာ်တၢ်ကဲထီၣ်အခီၣ်ထံး 41:32

နတၢ်မံမီၢ်ဝံၤမံမီၢ်က့ၤခံဘျီအံၤအခီပညီမ့ၢ်ဝဲ, တၢ်ဂ့ၢ်အံၤဘၣ်တၢ်ပာ်ဂၢၢ်ပာ်ကျၢၤအီၤလၢကစၢ်ယွၤ, ဒီးတယံာ်ဘၣ်န့ၣ်အဝဲကဒုးကဲထီၣ်လိၣ်ထီၣ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 47:4

ပဟဲဒ်သိးပကအိၣ်သကိးလၢထံကီၢ်အံၤအပူၤလီၤ. အဂ့ၢ်ဒ်အံၤ, လၢကီၢ်ကနၤဧၣ်န့ၣ်တၢ်သၣ်ဝံၤလီၤဒိနးနးကျံး ကျံးအိၣ်ထီၣ်ဝဲတုၤဒၣ်လဲာ်အီၣ်ဆၣ်အလီၢ်လါဟ့လၢပသိတဖၣ်အဂီၢ် တအိၣ်လၢၤဘၣ်. ဝံသးစူၤပျဲပအိၣ်ပဆိးလၢကီၢ်ကိၡ့ၣ်အလီၢ်ကဝီၤအပူၤတ က့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:13

စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 18:2

လၢတၢ်န့ၣ်အဃိစီၤအ့ၤလံယၤစးထီၣ်လဲၤတၢ်န့ၣ်လီၤ. မ့ၢ်တၢ်ဆၢကတီၢ်ဖဲတၢ်သၣ်ဝံၤလီၤဒိလၢကီၢ်ၡၤမရံအပူၤနးက တၢၢ်,

လံာ်စီၤပၤခံဘ့ၣ်တဘ့ၣ် 4:18

စှၤနံၣ်ပူၤကွံာ်ဝံၤအလီၢ်ခံ, ဖဲတၢ်ကူးဘုအခါ, ဘၣ်မုၢ်တဂီၤဖိသၣ်ပိာ်ခွါအံၤဟးထီၣ်ဝဲဒ်သိးကလဲၤဆူအပၢ်အ အိၣ်, ဖဲလၢအအိၣ်ဖဲစံာ်ပျီပူၤဃုာ်ဒီးပှၤကူးဘုဖိတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:36

စီၤအလံၤၡါကိးဃီၤစီၤက့ၤဃစံဒီးတဲဘၣ်အီၤလၢကကိးန့ၢ်ဖိ သၣ်ပိာ်ခွါအမိၢ်န့ၣ်လီၤ. ဖဲပိာ်မုၣ်န့ၣ်ဟဲနုာ်ဝဲဒီးစီၤအလံၤၡါစံးဘၣ်အီၤ, “နဖိခွါအိၣ်ဖဲအံၤလီၤ.”

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:20

ဒီးတၢ်န့ၣ်မ့ၢ်တၢ်လၢအမၤအသးဒီးအီၤန့ၣ်လီၤ. အဝဲသံဝဲခီဖျိဘၣ်တၢ်ယီၢ်တံၢ်အီၤလၢပှၤဂီၢ်မုၢ်ဖဲဝ့ၢ်အ တြဲၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:2

ပိာ်မုၣ်န့ၣ်ပိာ်ထွဲစီၤအလံၤၡါအတၢ်သိၣ်လိနဲၣ်ယုၤဒီးလဲၤ ဝဲဒီးအပှၤဟံၣ်ဖိဃီဖိလၢကလဲၤအိၣ်ဆိးဝဲဖဲကီၢ်ဖလ့ၡသးအ ပူၤ, လၢနွံနံၣ်အတီၢ်ပူၤန့ၣ်လီၤ.

စံးထီၣ်ပတြၢၤ 105:16

ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

လံာ်ယံးရမံယၤ 25:29

ယကစးထီၣ် ယတၢ်မၤဟးဂီၤတၢ်အံၤလၢ ယဝ့ၢ်ဒၣ်ယဲအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢ ကပူၤဖျဲးဒီး တၢ်စံၣ်ညီၣ်န့ၣ်ဧါ. တပူၤဖျဲးဘၣ်. အဝဲသ့ၣ်ကဘၣ်တၢ်စံၣ်ညီၣ်အီၤ, မ့ၢ်လၢယကဒုးအိၣ်ထီၣ်တၢ်ဒုးတၢ်ယၤလၢပှၤဂီၢ်မုၢ်လၢ အအိၣ်လၢ ဟီၣ်ခိၣ်ချၢခဲလၢာ်အကျါအဃိန့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဧၤမိၣ် 4:6

ယမ့ၢ်ပှၤတဂၤလၢအဟဲစိာ်တၢ်သၣ်ဝံၤလီၤဒိဆူကယဲၢ်သုဝ့ၢ်ခဲ လၢာ်အပူၤလီၤ. အန့ၣ်ဒၣ်လဲာ်သုတဟဲက့ၤကဒါက့ၤဆူယအိၣ်ဘၣ်.

လံာ်ဃးကဲ 1:11

ယမၢလီၤတ့ၢ်တၢ်ယီၤဃ့လီၤဘၣ်လၢထံဧိၤကီၢ်ဧိၤအလိၤ, လၢအတၢ်လူၢ်တဖၣ်အလိၤ, စံာ်ဧိၤပျီဧိၤ, စပံးလီၢ်တဖၣ်ဒီးသ့ၣ်စၤယံးအကရၢၢ်တဖၣ်အလိၤ, လၢကယဲၢ်တၢ်မုၢ်တၢ်ဘိလၢဟီၣ်ခိၣ်ဒုးမဲထီၣ်တဖၣ်အလိၤ, လၢပှၤကညီတဖၣ်ဒီးဆၣ်ဖိကီၢ်ဖိတဖၣ်အလိၤ, လၢတၢ်ကိးမံၤဒဲးလၢသုကျဲးစၢးသူၣ်လီၤဖျးလီၤအလိၤန့ၣ်လီၤ.”

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

လံာ်နီၢ်ရူၤသး 1:1

မုၢ်နံၤမုၢ်သီလၢပှၤစံၣ်ညီၣ်ကွီၢ်တဖၣ်ပၢအံၣ်စရ့လးအကတီၢ် န့ၣ်, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢထံကီၢ်အပူၤန့ၣ်လီၤ.