လံာ်စီၤပၤခံဘ့ၣ်တဘ့ၣ် 7:8 - Sgaw Karen Common Bible

⁸ ဖဲပှၤလွံၢ်ဂၤန့ၣ်လဲၤတုၤဝဲလၢပှၤသူၣ်ဒဲအလီၢ်အသရ့ၤန့ၣ်, အဝဲသ့ၣ်လဲၤနုာ်ဝဲဆူဒဲတဖျၢၣ်အပူၤ, အီၣ်တၢ်အီတၢ်လၢအအိၣ်ဝဲဖဲန့ၣ်တဖၣ်, စိာ်ထီၣ်ကွံာ်ကျိၣ်ဧိၤစ့ဧိၤ, ထူဧိၤလွဲဧိၤ, ဒီးတၢ်ကူတၢ်သိးလၢအထံၣ်န့ၢ်ဝဲဒီးဟးထီၣ်ဒီးပာ်ခူသူၣ်ဝဲ န့ၣ်လီၤ. အန့ၣ်ဝံၤဒီးအဝဲသ့ၣ်ဟဲက့ၤကဒါက့ၤဒီးလဲၤနုာ်လၢဒဲအဂၤ တဖျၢၣ်အပူၤဒီးမၤတၢ်တမံၤဃီဒ်န့ၣ်အသိးလီၤ.

လံာ်စီၤပၤခံဘ့ၣ်တဘ့ၣ် 7:8 Iomraidhean Croise

လံာ်စီၤပၤခံဘ့ၣ်တဘ့ၣ် 5:24

တုၤအလဲၤတုၤဆူတၢ်လူၢ်ဖဲစီၤအလံၤၡါအိၣ်ဝဲန့ၣ်, စီၤက့ၤဃစံဟံးန့ၢ်စ့ထၢၣ်ခံဖျၢၣ်န့ၣ်ဒီးက့ၤစိာ်နုာ်ဝဲဆူ ဟံၣ်ပူၤန့ၣ်လီၤ. အန့ၣ်ဝံၤဒီးအဝဲဆှၢကဒါက့ၤစီၤနဧၤမၣ်အခ့အပှၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:9

ဘၣ်ဆၣ်ဒီးအဝဲသ့ၣ်စံးလိာ်အသးတဂၤဒီးတဂၤ, “ပတကြၢးမၤတၢ်ဒ်အံၤဘၣ်. ပအိၣ်ဒီးတၢ်ကစီၣ်လၢအဂ့ၤဒီးပတ ကြၢးပာ်ခူသူၣ်အီၤလၢပဂီၢ်ဒၣ်ပဝဲဘၣ်. ပမ့ၢ်ခိးတုၤမုၢ်ဆ့ၣ်ထီၣ်လၢပကတဲတၢ်ဂ့ၢ်အံၤန့ၣ်ပကဘၣ်တၢ်စံၣ် ညီၣ်သပှၢ်ကတၢၢ်န့ၣ်လီၤ. မ်ပလဲၤသကိးခဲအံၤဒီးတဲဘၣ်စီၤပၤအသုးခိၣ်သုးနၢ်တဖၣ်န့ၣ် တက့ၢ်.”

လံာ်ယၡါယၤ 33:23

အဂ့ၢ်ဒ်အံၤ, ယွၤအကစၢ်ဒၣ်ဝဲမ့ၢ်ပစီၤပၤလီၤ. အဝဲပၢပှၤဒီးဒီဒၣ်အိၣ်ပှိၤပှၤလီၤ.

လံာ်ယံးရမံယၤ 41:8

ဘၣ်ဆၣ်ဒီး ပှၤအိၣ်ဆံဆဲၣ်ဂၤလၢ အကျါလၢ အစံးဘၣ် စီၤယံးၡမၤအ့လး, “ဝံသးစူၤ မၤသံပှၤတဂ့ၤ. ပအိၣ်ဒီး ဘုကၠူၣ်, ဘုမုယီၤ, သ့ၣ်စၤယံးအသိ, ဒီးကနဲစီလၢပပာ်ခူသူၣ်အီၤလၢ စံာ်ပျီတဖၣ်အပူၤန့ၣ်လီၤ.” လၢတၢ်န့ၣ်အဃိ, အဝဲပျဲပူၤဖျဲးကွံာ်ဝဲသ့ၣ်န့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 25:18

မ့မ့ၢ်ပှၤလၢအဒိးန့ၢ်စ့တတၤလၣ်တဂၤန့ၣ်, လဲၤဒီးခူၣ်န့ၢ်တၢ်ပူၤတပူၤလၢဟီၣ်ခိၣ်လာ်, ဒီးပာ်ခူသူၣ်အကစၢ်အစ့ဖဲန့ၣ်လီၤ.

လံာ်စီၤယိၤၡူ 7:21

တၢ်လၢပဂုာ်န့ၢ်အကျါ, ယထံၣ်ဘၣ်ဆ့ကၤဘၤဘူၤလိၣ်လၢအဃံလၤတဘ့ၣ်, ဒီးစ့ညၣ်လီၤတယၢၢ်အဘးခံကယၤ, ဒီးထူတဘိလၢအ လီၤတယၢၢ်အဘးယဲၢ်ဆံဒီးယသးလီဘၣ်အီၤဒိၣ်မးတုၤဒၣ်လဲာ်ယဟံး န့ၢ်ဘၣ်အီၤန့ၣ်လီၤ. နကထံၣ်ဘၣ်တၢ်သ့ၣ်တဖၣ်အံၤလၢအဘၣ်တၢ်ခူၣ်လီၤဃာ်အီၤလၢဟီၣ်ခိၣ် လာ်လၢယဒဲပူၤဒီးစ့န့ၣ်အိၣ်ဝဲလၢအဖီလာ်ကတၢၢ်လီၤ.”