လံာ်စီၤပၤခံဘ့ၣ်တဘ့ၣ် 7:7 - Sgaw Karen Common Bible

⁷ လၢတၢ်န့ၣ်အဃိဖဲမုၢ်တဟါန့ၣ်, ပှၤစူၤရံဖိတဖၣ်ဃ့ၢ်ပူၤဖျဲး ကွံာ်လၢအသးသမူအဂီၢ်, ဒီးပာ်လီၤတဲာ်ကွံာ်အဒဲတဖၣ်, ကသ့ၣ်တဖၣ်ဒီးကသ့ၣ်ယီၤတဖၣ်, ဒီးပာ်တီၢ်အသူၣ်ဒဲအလီၢ်ဒ်အအိၣ်တ့ၢ်ဝဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:7 Iomraidhean Croise

လံာ်စီၤပၤအခီၣ်ထံးတဘ့ၣ် 10:29

ဒီးတၢ်ဟဲစိာ်နုာ်ဒီးဆါလ့ၣ်ကဟၣ်တဖၣ်လၢကီၢ်အဲၤကူပတူးန့ၣ် လီၤ. အဝဲသ့ၣ်ဆါန့ၢ်ပှၤဃ့ၤသးဖိဒီးပှၤစူၤရံအစီၤပၤတဖၣ်လၢ ကသ့ၣ်တဖၣ်ဒီးလ့ၣ်ကဟၣ်တဖၣ်န့ၣ်လီၤ. လ့ၣ်ကဟၣ်တဆိစုာ်စုာ်အပှ့ၤမ့ၢ်ဝဲ, စ့ညၣ်အဘ့ၣ်ဃုကယၤ, ဒီးကသ့ၣ်တဒုစုာ်စုာ်အပှ့ၤမ့ၢ်ဝဲစ့ညၣ်အဘ့ၣ်တကယၤယဲၢ်ဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:20

ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

စံးထီၣ်ပတြၢၤ 33:17

တၢ်ဒုးသုးအကသ့ၣ်မ့ၢ်တၢ်မုၢ်လၢ်ကလီကလီ လၢတၢ်မၤနၢၤအဂီၢ်လီၤ. ဒီးလၢအတၢ်ဂံၢ်ဆူၣ်ဘါဆူၣ်ဒၣ်ဝဲန့ၣ် မၤပူၤဖျဲးအသးတသ့ဘၣ်.

စံးထီၣ်ပတြၢၤ 68:12

“စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

တၢ်ကတိၤဒိ. 6:5

ဟးထီၣ်ကွံာ်လၢပျံၤသကွီၤအပူၤဒ်ထိၣ်တဘ့ၣ်, မ့တမ့ၢ်ဒ်တၤဟိတဒု, ဃ့ၢ်ပူၤဖျဲးထီၣ်ကွံာ်လၢပှၤခးတၢ်ဖိအစုပူၤအသိးန့ၣ်တက့ၢ်.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 7:21

ဒီးဖဲပှၤကိးဂၤဒဲးဆၢထၢၣ်လၢအလီၢ်ဒၣ်ဝဲဝးတရံးတၢ်သူၣ်ဒဲအလီၢ်န့ၣ် ဒုၣ်ဒါအသုးမုၢ်ဒီဖုဃ့ၢ်ကွံာ်ဝဲအိၣ်ဒီးတၢ်ကိးပသူကိးပသီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.