လံာ်စီၤပၤခံဘ့ၣ်တဘ့ၣ် 7:6 - Sgaw Karen Common Bible

⁶ ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:24

ဖဲသုနၢ်ဟူတၢ်လဲၤထီၣ်ဒုးတၢ်အသီၣ်လၢသ့ၣ်တဖၣ်အစိးခံန့ၣ်, လဲၤထီၣ်ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိ လၢသုမဲာ်ညါလၢတၢ်မၤနၢၤကွံာ်ပှၤဖလ့ၡသးဖိအသုးမုၢ်အဂီၢ် န့ၣ်လီၤ.”

လံာ်စီၤပၤအခီၣ်ထံးတဘ့ၣ် 10:29

ဒီးတၢ်ဟဲစိာ်နုာ်ဒီးဆါလ့ၣ်ကဟၣ်တဖၣ်လၢကီၢ်အဲၤကူပတူးန့ၣ် လီၤ. အဝဲသ့ၣ်ဆါန့ၢ်ပှၤဃ့ၤသးဖိဒီးပှၤစူၤရံအစီၤပၤတဖၣ်လၢ ကသ့ၣ်တဖၣ်ဒီးလ့ၣ်ကဟၣ်တဖၣ်န့ၣ်လီၤ. လ့ၣ်ကဟၣ်တဆိစုာ်စုာ်အပှ့ၤမ့ၢ်ဝဲ, စ့ညၣ်အဘ့ၣ်ဃုကယၤ, ဒီးကသ့ၣ်တဒုစုာ်စုာ်အပှ့ၤမ့ၢ်ဝဲစ့ညၣ်အဘ့ၣ်တကယၤယဲၢ်ဆံန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:20

ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:7

ယွၤကမၤဒ်သိးကီၢ်အၤၡူၢ်အစီၤပၤဖးဒိၣ်ကနၢ်ဟူဘၣ်တၢ်က စီၣ်ပစံၣ်ပစိတမံၤ, လၢအကဒုးက့ၤကဒါက့ၤအီၤဆူအထံ အကီၢ်ဒၣ်ဝဲ, ဒီးယွၤကမၤသံအီၤဖဲန့ၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:5

တုၤနုၤတစု, ဖဲတၢ်စးထီၣ်ခံးလီၤဝဲန့ၣ်, အဝဲသ့ၣ်လဲၤဆူ ပှၤစူၤရံဖိသူၣ်ဒဲအလီၢ်, ဘၣ်ဆၣ်ဖဲအဝဲသ့ၣ်လဲၤတုၤဝဲန့ၣ်, ပှၤတအိၣ်ဖဲန့ၣ်နီတဂၤလၢၤဘၣ်.

လံာ်စီၤယိၤဘး 15:21

တၢ်မၤပျံၤမၤဖုးအသီၣ်တဖၣ်ကကိးပသူထီၣ်လၢအနၢ်တဖၣ်ပူၤ, ဒီးပှၤဂုာ်ဆူၣ်ပျီဆူၣ်တၢ်တဖၣ်ထီဒါအီၤဖဲအဆိကမိၣ်ဝဲလၢ အအိၣ်ဒီးတၢ်ပူၤဖျဲးအခါန့ၣ်လီၤ.

စံးထီၣ်ပတြၢၤ 14:5

ဘၣ်ဆၣ်အဝဲသ့ၣ်ကအိၣ်လၢတၢ်ပျံၤတၢ်ဖုးဖးဒိၣ်အပူၤ, အဂ့ၢ်မ့ၢ်လၢကစၢ်ယွၤအိၣ်ဒီး ပှၤတီပှၤလိၤသ့ၣ်တဖၣ်အဃိန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယဃ့းစက့လး 1:24

ယနၢ်ဟူအဝဲသ့ၣ်အဒံးတဖၣ်အတၢ်သီၣ်လၢ အသီၣ်လီၤဂာ်ဒ်ပီၣ်လဲၣ်အသီၣ်ရုၢ်ရုၢ်အသိး, လီၤဂာ်ဒီးသုးမုၢ်ဖးဒိၣ်တဖုအတၢ်သီၣ်, လီၤဂာ်ဒီးကစၢ်ယွၤသ့ တၢ်လၢာ်အကလုၢ်န့ၣ်လီၤ. ဖဲအဝဲသ့ၣ်ဆိကတီၢ်ယူၤဝဲဒီး, အဝဲသ့ၣ်ကချံးလီၤအဒံးတဖၣ်,

လံာ်ယဃ့းစက့လး 10:5

တၢ်အသီၣ်လၢအဟဲထီၣ်လၢတၢ်ဘၣ်တ့တဖၣ်အံၤအဒံးဆ့တဖၣ်န့ၣ်, ဘၣ်တၢ်နၢ်ဟူအီၤလၢယွၤအတၢ်လုၢ်ဟံၣ်အဂၢၤအချၢဒၣ်လဲာ်သ့ဝဲ လီၤ. အတၢ်သီၣ်လီၤဂာ်ဒီးကစၢ်ယွၤသ့တၢ်လၢာ်အကလုၢ်န့ၣ်လီၤ.

လံာ်လီၣ်ဖျါ 9:9

အဝဲသ့ၣ်အသးနါပှၢ်ဘၣ်တၢ်မၤဘၢဃာ်အီၤလၢတၢ်လၢ အလီၤဂာ်ဒီးသဃိးထး, ဒီးတၢ်သီၣ်တၢ်သဲလၢအဘၣ်တၢ်ဒုးအိၣ်ထီၣ်အီၤလၢအဒံးဆ့ တဖၣ်န့ၣ်လီၤဂာ်ဒီးကသ့ၣ်လ့ၣ်ကဟၣ်ဒုးသုးလၢအသဖှိဃီၤဆူ တၢ်ဒုးသုးပူၤတဖၣ်အသီၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:21

ဒီးဖဲပှၤကိးဂၤဒဲးဆၢထၢၣ်လၢအလီၢ်ဒၣ်ဝဲဝးတရံးတၢ်သူၣ်ဒဲအလီၢ်န့ၣ် ဒုၣ်ဒါအသုးမုၢ်ဒီဖုဃ့ၢ်ကွံာ်ဝဲအိၣ်ဒီးတၢ်ကိးပသူကိးပသီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”