လံာ်စီၤပၤခံဘ့ၣ်တဘ့ၣ် 7:2 - Sgaw Karen Common Bible

² ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်စီၤပၤခံဘ့ၣ်တဘ့ၣ် 7:2 Iomraidhean Croise

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤပၤခံဘ့ၣ်တဘ့ၣ် 5:18

လၢတၢ်န့ၣ်အဃိ, ယမုၢ်လၢ်လၢယွၤကပျၢ်ယတၢ်ကမၣ်ဖဲ ယလဲၤပိာ်ယစီၤပၤအခံဆူကီၢ်စူၤရံအကစၢ်ရံးမိၣ်အတၢ်လုၢ်ဟံၣ်, ဒီးဘူၣ်ထီၣ်ဘါထီၣ်အီၤန့ၣ်လီၤ. သပှၢ်ကတၢၢ်ယွၤကပျၢ်ယတၢ်ကမၣ် န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

စံးထီၣ်ပတြၢၤ 78:41

အဝဲသ့ၣ်လ့ပစီကစၢ်ယွၤတဘျီဝံၤတဘျီဒီး မၤသးဒိၣ်ထီၣ်အံၣ်စရ့လးအကစၢ်ယွၤစီဆှံ တဂၤန့ၣ်လီၤ.

လံာ်ယၡါယၤ 7:9

ကီၢ်အံၣ်စရ့လးအဂံၢ်အဘါတဆူၣ်ထဲသိးဒီးဝ့ၢ်ၡၤမရံ, လၢအမ့ၢ်အဝ့ၢ်ခိၣ်, ဒီးဝ့ၢ်ၡၤမရံအဂံၢ်အဘါတဆူၣ်ထဲသိးဒီးစီၤပၤပ့ကးဘၣ်လီၤ. သုတၢ်စူၢ်တၢ်နာ်မ့ၢ်တဂၢၢ်တကျၢၤဘၣ်ဒီး, သုအိၣ်ဂၢၢ်ဆိးကျၢၤတန့ၢ်ဘၣ်ဝဲဘၣ်.”

လံာ်ယံးရမံယၤ 29:32

အဝဲအစၢၤအသွဲၣ်တဖၣ် တဘၣ်အိၣ်လၢသုကျါနီတဂၤဘၣ်. အဝဲတအိၣ်မူထံၣ်ဘၣ်တၢ်အဂ့ၤ တဖၣ်လၢ ယကမၤအီၤလၢ ယပှၤဂီၢ်မုၢ်အဂီၢ်ဘၣ်, မ့ၢ်လၢအဝဲတဲဘၣ် အဝဲသ့ၣ်လၢကပူ ထီၣ်တၢ်ထီဒါယၤအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်တၢ်ဂံၢ် 11:13

ယကမၤန့ၢ်တၢ်ဖံးတၢ်ညၣ်လၢဝဲလၢပှၤခဲလၢာ်အံၤအဂီၢ်ဖဲလဲၣ်ပူၤ လဲၣ်. အဝဲသ့ၣ်ကအုကစွါဒီးဃ့အီၣ်တၢ်ဖံးတၢ်ညၣ်တဆိတ့ၢ်ဒံးဘၣ်လီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

ရိမ့ၤ 3:3

အဝဲသ့ၣ်အကျါတနီၤအကလုၢ်မ့ၢ်တတီဘၣ်ဒီးတၢ်ကမၤအသးဒ်လဲၣ်. မ့ၢ်အတၢ်ကလုၢ်တတီအံၤကမၤဟးဂီၤကွံာ်ကစၢ်ယွၤအတၢ် ကလုၢ်တီန့ၣ်ဧါ.

လံာ်သိၣ်လီၤသီလီၤတၢ် 3:27

လဲၤထီၣ်ဆူကစၢၢ်ပံးစကၤအခိၣ်ထိးဒီးကွၢ်ဃီၤတၢ်ဆူကလံၤစိး ဒီးဆူကလံၤထံး, ဆူမုၢ်ထီၣ်ဒီးဆူမုၢ်နုာ်န့ၣ်တက့ၢ်. ကွၢ်တၢ်လၢနထံၣ်ဘၣ်အီၤန့ၣ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, နတလဲၤခီဂာ်ဘၣ်ထံကျိယၢ်ဒ့ၣ်လ့ၤတက့ၤဘၣ်.

၂ တံၤမသ့း 2:13

ပမ့ၢ်တတီဒီးအီၤဘၣ်ဆၣ်, အဝဲဒၣ်အကလုၢ်တီထီဘိ မ့ၢ်လၢအဝဲဒၣ်သမၢလီၤအသး တသ့ဘၣ်အဃိန့ၣ်လီၤ.”