လံာ်စီၤပၤခံဘ့ၣ်တဘ့ၣ် 7:18 - Sgaw Karen Common Bible

¹⁸ စီၤအလံၤၡါတဲဘၣ်တ့ၢ်စီၤပၤလၢ, လၢခံတနံၤဖဲတၢ်ဆၢကတီၢ်ဒ် သိးအံၤန့ၣ်ကိၣ်ကမူၣ်အဂ့ၤကတၢၢ်တစ့အၤမ့ၢ်ဂ့ၤ, ဘုမု ယီၤခံစ့အၤမ့ၢ်ဂ့ၤ, ကဘၣ်တၢ်ဆါကွံာ်အီၤလၢဝ့ၢ်ၡၤမရံ အပူၤလၢစ့တဘ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:18 Iomraidhean Croise

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 7:19

တၢ်ဂ့ၢ်အံၤပဒိၣ်ဖးဒိၣ်န့ၣ်စံးဆၢတ့ၢ်ဝဲလၢ, ယွၤအကစၢ်ဒၣ်ဝဲ မ့ၢ်ဆှၢလီၤဘုဧိၤဟုဧိၤတဘျီဃီဒၣ်လဲာ်န့ၣ်မၤအသးတသ့ဘၣ် န့ၣ်လီၤ. ဒီးစီၤအလံၤၡါစံးဆၢဝဲ, “နကထံၣ်တၢ်အံၤမၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတစဲးဘၣ်” န့ၣ်လီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.