လံာ်စီၤပၤခံဘ့ၣ်တဘ့ၣ် 6:8 - Sgaw Karen Common Bible

⁸ ကီၢ်စူၤရံအစီၤပၤဒုးတၢ်ဒီးကီၢ်အံၣ်စရ့လးန့ၣ်လီၤ. အဝဲကူၣ်လိာ်သကိးတၢ်ဒီးအသုးခိၣ်သုးနၢ်တဖၣ်ဒီးဃုထၢဝဲ တၢ်လီၢ်တတီၤလၢကသူၣ်ထီၣ်အဒဲအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:8 Iomraidhean Croise

လံာ်စီၤပၤအခီၣ်ထံးတဘ့ၣ် 20:1

ကီၢ်စူၤရံအစီၤပၤဘ့ၤဟဒးပာ်ဖှိၣ်ထီၣ်ကယဲၢ်အပှၤသုးဖိခဲ လၢာ်, ဒီးဘၣ်တၢ်မၤစၢၤအီၤလၢပှၤပၢတၢ်အဂၤသၢဆံဂၤဃုာ်ဒီးအဝဲ သ့ၣ်အကသ့ၣ်တဖၣ်ဒီးအလ့ၣ်ကဟၣ်တဖၣ်, န့ၣ်လီၤ. အဝဲလဲၤထီၣ်ကဝီၤဃးဝ့ၢ်ၡၤမရံဒီးဒုးထီဒါအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:23

စီၤပၤဘ့ၣ်ဟဒးအပဒိၣ်ပပှၢ်တဖၣ်စံးဘၣ်အီၤ, “ကီၢ်အံၣ်စရ့လးအကစၢ်တဖၣ်မ့ၢ်ကစၢၢ်ကလိအကစၢ်တဖၣ်, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်မၤနၢၤပှၤန့ၣ်လီၤ. ဘၣ်ဆၣ်ပမ့ၢ်ဒုးအဝဲသ့ၣ်လၢတၢ်ပၢၤခိၣ်တဖၣ်န့ၣ်, ပကနၢၤအဝဲသ့ၣ်သပှၢ်ကတၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:34

စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:1

လၢခံ, ခံနံၣ်အတီၢ်ပူၤန့ၣ်တၢ်ဃူတၢ်ဖိးအိၣ်ဝဲဒၣ်လၢကီၢ်အံၣ် စရ့လးဒီးကီၢ်စူၤရံအဘၢၣ်စၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:31

ကီၢ်စူၤရံအစီၤပၤဟ့ၣ်လီၤအကလုၢ်ဆူပှၤအခိၣ်သၢဆံခံဂၤလၢ လ့ၣ်ကဟၣ်ဒုးသုးအဂီၢ်လၢ, မ့တမ့ၢ်ဘၣ်လၢကီၢ်အံၣ်စရ့လးအစီၤပၤဘၣ်န့ၣ်, အဝဲသ့ၣ်သုတဒုးပှၤအဂၤနီတဂၤတဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:24

လၢခံတယံာ်ဘၣ်န့ၣ်, ကီၢ်စူၤရံအစီၤပၤဘ့ၣ်ဟဒးဆှၢအသုးမုၢ် ဒီဖုညါထီဒါကီၢ်အံၣ်စရ့လးဒီးကဝီၤဃးဝ့ၢ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:7

စီၤအလံၤၡါမၤလိာ်အီၤ, “ဟံးထီၣ်က့ၤအီၤတက့ၢ်.” ပှၤတဂၤန့ၣ်ယူာ်ဃီၤအစုဒီးဟံးထီၣ်က့ၤအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:9

ဘၣ်ဆၣ်စီၤအလံၤၡါဆှၢလီၤတၢ်ကစီၣ်ဆူကီၢ်အံၣ်စရ့လးအစီၤပၤ အအိၣ်, ဒီးဟ့ၣ်ပလီၢ်အီၤဒ်သိးအသုတလဲၤဘူးဒီးတၢ်လီၢ်န့ၣ်တဂ့ၤ, မ့ၢ်လၢ, ပှၤစူၤရံဖိတဖၣ်အိၣ်ခိးခူသူၣ်လၢကဒုးတၢ်ဖဲန့ၣ် အဃိလီၤ.

တၢ်ကတိၤဒိ. 20:18

မၤန့ၢ်တၢ်ဟ့ၣ်ကူၣ်အဂ့ၤဒီးနကမၤန့ၢ်မၤနၢၤတၢ်လီၤ. တၢ်တိာ်တၢ်ကျဲၤတမံၤတအိၣ်ဘၣ်ဒီးနုာ်လီၤသဖှိဆူတၢ်ဒုးတၢ်ယၤ အပူၤတဂ့ၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.