လံာ်စီၤပၤခံဘ့ၣ်တဘ့ၣ် 6:5 - Sgaw Karen Common Bible

⁵ ဖဲပှၤလၢအဝဲသ့ၣ်အကျါတဂၤကူာ်လီၤသ့ၣ်တထူၣ်အခါန့ၣ်, သတူၢ်ကလာ်အဝဲအကွါကနၣ်လီၤတဲာ်ကွံာ်ဆူထံကျါန့ၣ်လီၤ. အဝဲကိးထီၣ်ဆူစီၤအလံၤၡါ, “တၢ်ဒိၣ်ဧၢ, မ့ၢ်ယကဘၣ်မၤဒ်လဲၣ်. ကွါအံၤမ့ၢ်ယဃ့လိၢ်ပာ်အီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:5 Iomraidhean Croise

လံာ်စီၤပၤခံဘ့ၣ်တဘ့ၣ် 3:10

စီၤပၤယဟိရၣ်စံးဝဲဒၣ်, “ဝံၤတၢ်လၢာ်လံ. ယွၤပာ်ဖှိၣ်ပဝဲသၢဂၤအံၤလၢကီၢ်မိၤအးအစီၤပၤအတၢ်သူၣ်ကညီၤ သးကညီၤအပူၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:7

အဝဲလဲၤကဒါက့ၤဝဲဆူဝံအလံၤၡါအအိၣ်ဒီးဝံအလံၤၡါစံးဘၣ် အီၤ, “ဆါကွံာ်သ့ၣ်စၤယံးအသိန့ၣ်, ဒီးလိးတူာ်ကွံာ်နကမၢ်ခဲလၢာ်, ဒီးစ့ကအိၣ်တ့ၢ်ဒံးလၢကလၢဝဲလၢနၤဒီးနဖိခွါတဖၣ်, ကသူဝဲဆူညါအဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:15

မုၢ်ဆ့ၣ်တနံၤလၢဂီၤဂီၤန့ၣ်, စီၤအလံၤၡါအခ့အပှၤဂဲၤဆၢထၢၣ် ဒီးဟးထီၣ်ဆူဟံၣ်အချၢဒီးထံၣ်ဘၣ်ပှၤစူၤရံဖိတဖၣ်ဃုာ်ဒီး အဝဲသ့ၣ်အကသ့ၣ်တဖၣ်ဒီးလ့ၣ်ကဟၣ်တဖၣ်ကဝီၤဃာ်ဝ့ၢ်န့ၣ်လီၤ. အဝဲက့ၤကဒါက့ၤဆူစီၤအလံၤၡါအအိၣ်ဒီးကိးထီၣ်ဆူအအိၣ်စံး ဝဲဒၣ်, “တၢ်ဒိၣ်ဧၢ, ပဘၣ်တၢ်စံၣ်ညီၣ်ဃါမနၤလံ. ပကမၤဒ်လဲၣ်.”

လံာ်စီၤပၤခံဘ့ၣ်တဘ့ၣ် 6:4

ဒီးအဝဲသ့ၣ်လဲၤသကိးတၢ်န့ၣ်လီၤ. တုၤအဝဲသ့ၣ်လဲၤတုၤဝဲဆူ ထံကျိယၢ်ဒ့ၣ်န့ၣ်အဝဲသ့ၣ်စးထီၣ်မၤတၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:6

စီၤအလံၤၡါသံကွၢ်အီၤ, “လီၤတဲာ်ဝဲဖဲလဲၣ်.” ပှၤတဂၤန့ၣ်ဒုးနဲၣ်အီၤတၢ်လီၢ်န့ၣ်ဒီးစီၤအလံၤၡါကျီတဲာ် သ့ၣ်တဘိ, တ့ၢ်လီၤဝဲဆူထံကျါဒီးမၤထီၣ်ဖီက့ၤ, ကွါကနၣ်န့ၣ်လီၤ.

စံးထီၣ်ပတြၢၤ 37:21

ပှၤအၢပှၤသီန့ၣ်လိၢ်တၢ်ဒီးတလိးက့ၤဝဲနီတဘျီဘၣ်. ဘၣ်ဆၣ်ပှၤအဂ့ၤအဝါတဖၣ်န့ၣ် သးကညီၤတၢ်ဒီးဟ့ၣ်ညီတၢ်လီၤ.

လံာ်ပှၤစံၣ်တဲၤတဲလီၤတၢ် 10:10

နကွါအကနၣ်မ့ၢ်လူၤဒီးနမ့ၢ်တကျ့အီၤဘၣ်ဒီး, နကဘၣ်မၤတၢ်ဆူၣ်ဒိၣ်တက့ၢ်ဖဲနသူအီၤလီၤ. တၢ်ကတဲာ်ကတီၤဆိမ့ၢ်တၢ်သးဆးဒိၣ်တက့ၢ်လီၤ.

လံာ်ယၡါယၤ 10:34

ယွၤကကျီလီၤကွံာ်အီၤဒ်သ့ၣ်တဖၣ်လၢသ့ၣ်ပှၢ်အသးကံၢ်ပူၤ ဘၣ်တၢ်ကူာ်လီၤအီၤလၢကွါအသိး, ဒီးကမၤအသးဒၣ်လဲာ်ဒ်လဘၤနိၣ် အသ့ၣ်အဂ့ၤကတၢၢ်တဖၣ်လီၤတကူၢ်ဝဲအသိးန့ၣ်လီၤ.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်လီၣ်ဖျါ 18:16

ဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်, နးဝဲဖှီၣ်ဝဲဆံးဒိၣ်လဲၣ်. ဝ့ၢ်တဖျၢၣ်အံၤညီနုၢ်ကူသိးလၢတၢ်ကံးယာ် အလွဲၢ်ဝါ, တၢ်ကံးယာ်အလွဲၢ်လုးတကုာ်, ဒီးတၢ်ကံးယာ် အလွဲၢ်ဂီၤ, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ် တဖၣ်, ဒီးတၢ်မျၢ်ပလဲတဖၣ်လီၤ.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”