လံာ်စီၤပၤခံဘ့ၣ်တဘ့ၣ် 6:33 - Sgaw Karen Common Bible

³³ တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်စီၤပၤခံဘ့ၣ်တဘ့ၣ် 6:33 Iomraidhean Croise

လံာ်တၢ်ကဲထီၣ်အခီၣ်ထံး 4:13

ဒီးစီၤကၤယံၣ်စံးဘၣ်ယွၤ, “တၢ်စံၣ်ညီၣ်အံၤနးကဲၣ်ဆိးလၢ ယကတူၢ်အီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:10

စီၤပၤယဟိရၣ်စံးဝဲဒၣ်, “ဝံၤတၢ်လၢာ်လံ. ယွၤပာ်ဖှိၣ်ပဝဲသၢဂၤအံၤလၢကီၢ်မိၤအးအစီၤပၤအတၢ်သူၣ်ကညီၤ သးကညီၤအပူၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 7:1

စီၤအလံၤၡါစံးဆၢဝဲဒၣ်, “ဒိကနၣ်တၢ်လၢယွၤစံးဝဲန့ၣ်တ က့ၢ်. ခဲမုၢ်ဆ့ၣ်လၢတၢ်ဆၢကတီၢ်ဒ်အံၤန့ၣ်, နပှ့ၤကိၣ်ကမူၣ်အဂ့ၤကတၢၢ် အလီၤတယၢၢ်တစ့အၤမ့ၢ်ဂ့ၤ, ဘုမုယီၤခံစ့အၤမ့ၢ်ဂ့ၤလၢစ့တဘ့ၣ်လၢၡၤမရံကန့ၢ်ဝဲလီၤ.

လံာ်စီၤယိၤဘး 1:11

မ့မ့ၢ်ယူာ်ထီၣ်နစုခဲအံၤဒီးဟံးထီၣ်ကွံာ်ကယဲၢ်တၢ်လၢအအိၣ် ဒီးအီၤခဲလၢာ်တက့ၢ်. ဒီးအဝဲဒၣ်ကဆိၣ်အၢနၤလၢနမဲာ် သၣ်န့ၣ်လီၤ.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်စီၤယိၤဘး 15:13

နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.

လံာ်စီၤယိၤဘး 2:5

ဘၣ်ဆၣ်ဒီးယူာ်ထီၣ်နစုခဲအံၤဒီးထိးဘၣ်အဃံဒီးအညၣ်တက့ၢ်. ဒီးကဆိၣ်အၢမးနၤလၢနမဲာ်သၣ်န့ၣ်လီၤ.”

လံာ်စီၤယိၤဘး 2:9

တုၤနုၤတစုအမါစံးဘၣ်အီၤ, “မ့ၢ်နဟံးဃာ်ဒံးနတၢ်တီတၢ်လိၤ ဂၢၢ်ဂၢၢ်ကျၢၤကျၢၤန့ၣ်ဧါ. ဆိၣ်ကစၢ်ယွၤဒီးသံတက့ၢ်.”

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

စံးထီၣ်ပတြၢၤ 37:9

အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ, ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်, ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယၡါယၤ 8:21

ပှၤဂီၢ်မုၢ်ကဟးဝ့ၤဝီၤလၢထံကီၢ်အပူၤအိၣ်ဒီးတၢ်သးဟးဂီၤဒီး တၢ်သူၣ်ဝံၤသၣ်စ့ၤလီၤ. လၢအတၢ်သးထီၣ်ဒီးအတၢ်သၣ်ဝံၤ သၣ်စ့ၤအပူၤန့ၣ်, အဝဲသ့ၣ်ကဆိၣ်အၢအစီၤပၤဒီးအကစၢ်ယွၤလီၤ. အဝဲသ့ၣ်ကကွၢ်ထီၣ်တၢ်ဆူမူခိၣ်,

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

လံာ်သးသယုၢ်တၢ် 3:39

ဖဲပဘၣ်တၢ်စံၣ်ညီၣ်လၢပတၢ်ဒဲးဘးအဃိန့ၣ်ဘၣ်မနုၤလၢ ပကဒူးကဒ့ၣ်ထီရီၤတၢ်န့ၣ်လဲၣ်.

လံာ်ယဃ့းစက့လး 33:10

ယွၤကတိၤတ့ၢ်တၢ်ဒီးယၤလီၤ. အဝဲစံးဝဲ, “ပှၤကညီလၢအသံ သ့ဧၢ, တဲကဒါက့ၤပှၤအံၣ်စရ့လးဖိတဖၣ်တၢ်လၢအဝဲသ့ၣ်စံးဝဲ န့ၣ်တက့ၢ်. အဝဲသ့ၣ်စံးလၢပအိၣ်ဒီးတၢ်ဝံဃၢယိးဃၢတဖၣ်လၢ ပတၢ်ဒဲးဘးဒီးတၢ်ကမၣ်တဖၣ်လၢပမၤတ့ၢ်အီၤအဃိန့ၣ်လီၤ. ပမ့ၢ်တၢ်ကလီကလီဒီးပဘျုးတအိၣ်လၢၤဘၣ်ပအိၣ်မူကသ့ဒ်လဲၣ်.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

၂ ကရံၣ်သူး 2:11

ဒ်သိးမုၣ်ကီၤလံၢ်အသုတအိၣ်ဒီးအခွဲးအယာ်လၢပဖီခိၣ် တဂ့ၤအဂီၢ်န့ၣ်လီၤ. အဂ့ၢ်ဒ်အံၤ, အဝဲအတၢ်ကူၣ်ထီၣ်ဖးလီၤတဖၣ်မ့ၢ်တၢ်မနုၤလဲၣ်န့ၣ်ပသ့ၣ်ညါ ပဝဲလီၤ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.