လံာ်စီၤပၤခံဘ့ၣ်တဘ့ၣ် 6:32 - Sgaw Karen Common Bible

³² ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:32 Iomraidhean Croise

လံာ်စီၤပၤအခီၣ်ထံးတဘ့ၣ် 14:6

ဘၣ်ဆၣ်ဖဲစီၤအဃံယၤနၢ်ဟူအဝဲဟဲနုာ်လၢတြဲၤန့ၣ်, အဝဲစံးဝဲ, “ဟဲနုာ်တက့ၢ်. ယသ့ၣ်ညါလၢနမ့ၢ်စီၤယၤရၤဘၣ်အမါန့ၣ်လီၤ. ဘၣ်မနုၤလၢနပာ်မၤနသးဒ်နမ့ၢ်ပှၤအဂၤတဂၤန့ၣ်လဲၣ်. ယအိၣ်ဒီးတၢ်ကစီၣ်အအၢလၢနဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:26

ဘၣ်ဆၣ်စီၤအလံၤၡါစံးဝဲ, “ဖဲပှၤတဂၤန့ၣ်စံၣ်လီၤလၢအလ့ၣ် ကဟၣ်အလိၤလၢကသဂၢၢ်နၤအဂီၢ်န့ၣ်, မ့ၢ်ယတအိၣ်ဖဲန့ၣ်လၢသူၣ်လၢသးဘၣ်ဧါ. အကတီၢ်အံၤတမ့ၢ်ဘၣ်တၢ် အကတီၢ်လၢပကတူၢ်လိာ်စ့ဒီးတၢ်ကူတၢ်သိး, သ့ၣ်စၤယံးအလီၢ်ဒီးစပံးမုၢ်အလီၢ်, ဒီးဂီၤဘုၣ်ဂီၤဖံးမ့တမ့ၢ်တၢ်ခ့တၢ်ပှၤတဖၣ်န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 7:17

တၢ်မၤအသးလၢ, ကီၢ်အံၣ်စရ့လးအစီၤပၤပာ်လီၤဝဲတၢ်ပၢၤဝ့ၢ်အ တြဲၤလၢအဝဲအခ့အပှၤဒၣ်ဝဲလၢအကွၢ်ထွဲမၤစၢၤအီၤတဂၤအတၢ်ကွၢ် ထွဲပၢဆှၢအဖီလာ်န့ၣ်လီၤ. ပဒိၣ်န့ၣ်ဘၣ်တၢ်ယီၢ်သံကွံာ်အီၤဖဲန့ၣ်, လၢပှၤဂီၢ်မုၢ်ဒ်စီၤအလံၤၡါကတိၤဆိပာ်တ့ၢ်ဝဲအသိးဖဲ စီၤပၤလဲၤထံၣ်အီၤအခါန့ၣ်လီၤ.

လံာ်ယံးရမံယၤ 11:18

ယွၤဒုးသ့ၣ်ညါတ့ၢ်ယၤလၢတၢ်ကူၣ်အၢခူသူၣ်တဖၣ်လၢယဒုၣ်ယဒါ တဖၣ်မၤဝဲထီဒါယၤန့ၣ်လီၤ.

လံာ်ယံးရမံယၤ 32:3

စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယဃ့းစက့လး 14:1

ပှၤအံၣ်စရ့လးဖိအခိၣ်အနၢ်တနီၤဟဲဃ့တၢ်ဟ့ၣ်ကူၣ်ဟ့ၣ်ဖးလၢ ယၤ, ဘၣ်ဃးဒီးယွၤအတၢ်ဘၣ်အသးအဂ့ၢ်န့ၣ်လီၤ.

လံာ်ယဃ့းစက့လး 20:1

တၢ်မၤအသးအံၤမ့ၢ်ဖဲပလဲၤကဲကုၢ်နွံနံၣ်တနံၣ်လါယဲၢ်လါ တလါထီၣ်အသီတဆံအနံၤန့ၣ်လီၤ. ပှၤအံၣ်စရ့လးဖိတဖၣ်အတၢ်အိၣ် မူအကရူၢ်အခိၣ်အနၢ်ဟဲဆူယအိၣ်လၢကကတိၤသကိးတၢ်ဒီးယၤ အဂီၢ်ဘၣ်ဃးဒီးယွၤအတၢ်ဘၣ်သးအဂ့ၢ်, ဒီးအဝဲသ့ၣ်ဆ့ၣ်နီၤလၢယမဲာ်ညါန့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ယဃ့းစက့လး 8:1

လၢပတၢ်ကဲကုၢ်ဃုနံၣ်တနံၣ်, လါဃုလါတလါထီၣ်ယဲၢ်သီ အနံၤန့ၣ်, ကီၢ်ယူဒၤအပှၤခိၣ်ပှၤနၢ်လၢတၢ်ကဲကုၢ်အပူၤတဖၣ် ဆ့ၣ်နီၤသကိးဒီးယၤလၢယဟံၣ်ပူၤန့ၣ်လီၤ. သတူၢ်ကလာ်, ယွၤပၢဘၣ်တၢ်ခဲလၢာ်ကစၢ်အစိကမီၤလီၤဘၣ်လၢယလိၤန့ၣ်လီၤ.

လံာ်လူၤကၣ် 13:32

ယ့ၣ်ၡူးစံးဆၢအဝဲသ့ၣ်, “လဲၤတဲဘၣ်ထွံၣ်ဟီၣ်ခိၣ်အဝဲန့ၣ်, ‘ယဟီထီၣ်ကွံာ်တၢ်နါတဖၣ်, ဒီးမၤဘျါတၢ်ဆူးတၢ်ဆါတဖၣ် မုၢ်မဆါတနံၤအံၤ, ဒီးခဲမုၢ်ဆ့ၣ်, ဒီးသၢနံၤတနံၤန့ၣ်, ယကမၤဝံၤယတၢ်ဖံးတၢ်မၤလီၤ.’