လံာ်စီၤပၤခံဘ့ၣ်တဘ့ၣ် 6:21 - Sgaw Karen Common Bible

²¹ တုၤကီၢ်အံၣ်စရ့လးအစီၤပၤထံၣ်ဘၣ်ပှၤစူၤရံဖိတဖၣ်န့ၣ်အဝဲ သံကွၢ်စီၤအလံၤၡါဒ်အံၤ, “ယကဘၣ်မၤသံအဝဲသ့ၣ်ဧါတၢ်ဒိၣ်ဧၢ, ယကဘၣ်မၤသံအဝဲသ့ၣ်ဧါ.”

လံာ်စီၤပၤခံဘ့ၣ်တဘ့ၣ် 6:21 Iomraidhean Croise

လံာ်စီၤပၤခံဘ့ၣ်တဘ့ၣ် 13:14

ဝံအလံၤၡါဆါဝဲလၢတၢ်ဆါလၢအသံန့ၢ်ပှၢ်န့ၢ်ပှၤဒီးဖဲ အဝဲမံလီၤဘူးလၢအကသံအခါန့ၣ်ကီၢ်အံၣ်စရ့လးအစီၤပၤစီၤ ယိၤအၣ်လဲၤအိၣ်သကိးအီၤန့ၣ်လီၤ. လၢတၢ်ဟီၣ်တၢ်ယၢၤအပူၤန့ၣ်အဝဲတဲထီၣ်ဖျဲးဝဲဒၣ်, “ယပၢ်ဧၢ, ယပၢ်ဧၢ, နမ့ၢ်တ့ၢ်နဲပှၤဂံၢ်ဆူၣ်ဘါဆူၣ်လၢအအိၣ်ပှိၤ ဒီဒၣ်ကီၢ်အံၣ်စရ့လးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 8:9

လၢတၢ်န့ၣ်အဃိစီၤဃစ့လးဂီၤကၢ်ထီၣ်ကီၤလၤအူးအဒုလွံၢ်ဆံ ဒီးကယဲၢ်တၢ်ဟ့ၣ်အဂ့ၤကတၢၢ်အကလုာ်ကလုာ်လၢဝ့ၢ်ဒၤမ့ၤစ့းဒီး လဲၤဝဲဆူစီၤအလံၤၡါအအိၣ်န့ၣ်လီၤ. တုၤစီၤဃစ့လးထံၣ်စီၤအလံၤၡါန့ၣ်စံးဝဲဒၣ်, “နခ့နပှၤစီၤပၤဘ့ၣ်ဟဒးဆှၢလီၤယၤဒ်သိးယကသံကွၢ်နၤလၢမ့ၢ် အဝဲကဘျါက့ၤဧါမ့တမ့ၢ်တဘျါက့ၤလၢၤဘၣ်လဲၣ်အဂ့ၢ်န့ၣ်လီၤ.”

လံာ်လူၤကၣ် 22:49

ဖဲအပျဲၢ်အဘီၣ်လၢအအိၣ်ဒီးယ့ၣ်ၡူးတဖၣ်ထံၣ်တၢ်လၢအကမၤ အသးန့ၣ်အဝဲသ့ၣ်စံးဝဲ, “ကစၢ်ဧၢမ့ၢ်ပကဘၣ်ကျီလၢပနးတဖၣ်န့ၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 24:19

ပှၤတဂၤကဖီၣ်န့ၢ်အဒုၣ်အဒါဒီးပျဲအဟးထီၣ်ပူၤဖျဲးကွံာ်တအိၣ် ဒီးတၢ်မၤဘၣ်အီၤန့ၣ်ကသ့ဧါ. မ်ယွၤဆိၣ်ဂ့ၤနၤလၢတၢ်လၢနမၤဘၣ်ယၤတနံၤအံၤ, အဃိန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:8

စီၤအဘံၡဲၤစံးဘၣ်စီၤဒၤဝံး, “တနၤအံၤကစၢ်ယွၤပာ်လီၤ နဒုၣ်နဒါလၢနစိကမီၤအဖီလာ်လီၤ. ခဲအံၤပျဲယဆဲးအကစၢ်ဒၣ်ဝဲဒီးအဘီဖျိကွံာ်အီၤဒီးဆဲးတံၢ် အီၤဖဲဟီၣ်ခိၣ်လိၤထဲတဘီဧိၤတက့ၢ်. ယတဆဲးဘၣ်ခံဘီဘၣ်.”