လံာ်စီၤပၤခံဘ့ၣ်တဘ့ၣ် 6:18 - Sgaw Karen Common Bible

¹⁸ တုၤပှၤစူၤရံဖိတဖၣ်ဒုးတၢ်န့ၣ်, စီၤအလံၤၡါဘါထုကဖၣ်တၢ် စံးဝဲ, “အိယွၤဧၢ, မၤဘျီၣ်ပှၤတဖၣ်အံၤအမဲာ်ချံတက့ၢ်.” ယွၤစံးဆၢအဝဲအတၢ်ထုကဖၣ်ဒီးမၤဘျီၣ်ပှၤတဖၣ်န့ၣ်အမဲာ်ချံ လီၤ.

လံာ်စီၤပၤခံဘ့ၣ်တဘ့ၣ် 6:18 Iomraidhean Croise

လံာ်တၢ်ကဲထီၣ်အခီၣ်ထံး 19:11

အန့ၣ်ဝံၤဒီး, အဝဲသ့ၣ်မၤဘျီၣ်ကွံာ်ကယဲၢ်ပှၤပိာ်ခွါခဲလၢာ်လၢ တၢ်ချၢသ့ၣ်တဖၣ်အမဲာ်ဒ်သိးအသုတထံၣ်န့ၢ်တြဲၤတဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:19

အန့ၣ်ဝံၤစီၤအလံၤၡါလဲၤဆူအဝဲသ့ၣ်အအိၣ်စံးဝဲဒၣ်, “သုကျဲကမၣ်လံ. တၢ်အံၤတမ့ၢ်ဘၣ်ဝ့ၢ်တဖျၢၣ်လၢသုကွၢ်ဃုန့ၣ် ဘၣ်. ပိာ်ယခံဒီးယကဆှၢသုဆူပှၤတဂၤလၢသုဃုအီၤအအိၣ်န့ၣ်လီၤ.” ဒီးအဝဲဆှၢအဝဲသ့ၣ်ဆူဝ့ၢ်ၡၤမရံန့ၣ်လီၤ.

လံာ်စီၤယိၤဘး 5:14

လၢမုၢ်ထူၣ်အကတီၢ်ဒၣ်လဲာ်န့ၣ်အဝဲသ့ၣ်ဃုကလၢၢ်တၢ်ဒ်လၢ မုၢ်နၤအသိးန့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်စကၤရယၤ 12:4

ဖဲအဆၢကတီၢ်အဝဲန့ၣ်, ယကမၤပျံၤအဝဲသ့ၣ်အကသ့ၣ်ခဲလၢာ်ဒီးမၤပျုၢ်အပှၤဒိးကသ့ၣ်တဖၣ် လီၤ. ဒီးယကအံးလီၤကွၢ်လီၤကီၢ်ယူဒၤအပှၤဂီၢ်မုၢ်, အဝဲသ့ၣ်အဒုၣ်အဒါတဖၣ်အကသ့ၣ်န့ၣ်, ယကမၤဘျီၣ်ကွံာ်အမဲာ်လီၤ.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

မၤတၢ် 13:11

ခဲကနံၣ်အံၤကစၢ်အတၢ်စံၣ်ညီၣ်ကလီၤဘၣ်နၤ, နမဲာ်ကဘျီၣ်ဒီးတထံၣ်ဘၣ်မုၢ်ဆါခီအတၢ်ကပီၤလၢတစိၢ်တလီၢ် အတီၢ်ပူၤလီၤ.” တဘျီဃီဖဲန့ၣ်, အဝဲအမဲာ်ကွၢ်တၢ်ဖျါကဒုကယီၢ်ဝံၤခံးလီၤ ကွံာ်, ဒီးအဝဲဒၣ်ဟးဝ့ၤဝီၤကလၢၢ်တၢ်ဒ်သိးအကထံၣ်န့ၢ်ပှၤလၢ အကဟံးဃာ်အစုဒီးဆှၢအီၤန့ၣ်လီၤ.

ရိမ့ၤ 11:7

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤအံၣ်စရ့လးဖိတဖၣ်တထံၣ်န့ၢ်တၢ်လၢအဝဲသ့ၣ်ဃုဝဲဘၣ်. ပှၤလၢအထံၣ်န့ၢ်တၢ်တခီမ့ၢ်ပှၤစှၤဂၤလၢကစၢ်ယွၤဃုထၢ ဝဲမ့မ့ၢ်ပှၤအဂၤတဖၣ်အနၢ်တအၢထီၣ်ဒီးတနၢ်ဟူကစၢ်ယွၤ အတၢ်ကိးဘၣ်.

လံာ်သိၣ်လီၤသီလီၤတၢ် 28:28

ယွၤကမၤလီၤမၢ်ကွံာ်သုသးလၢအသ့ၣ်ညါတၢ်သ့, အဝဲကတီၢ်သုဒီးတၢ်မဲာ်ဘျီၣ်ဒီးတၢ်သးကဒံကဒါလီၤ.