လံာ်စီၤပၤခံဘ့ၣ်တဘ့ၣ် 6:16 - Sgaw Karen Common Bible

¹⁶ စီၤအလံၤၡါစံးဆၢဝဲဒၣ်, “ပျံၤတၢ်တဂ့ၤ. ပအိၣ်ဒီးပှၤလၢပအိၣ်တကပၤအါန့ၢ်ဒံးပှၤအိၣ်လၢအဝဲသ့ၣ်အအိၣ် တကပၤတက့ၢ်လီၤ.”

လံာ်စီၤပၤခံဘ့ၣ်တဘ့ၣ် 6:16 Iomraidhean Croise

လံာ်တၢ်ကဲထီၣ်အခီၣ်ထံး 32:1

ဒီးဖဲစီၤယၤကိာ်လဲၤတၢ်လၢအကျဲန့ၣ်ကလူးတနီၤဟဲသဂၢၢ်အီၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:15

မုၢ်ဆ့ၣ်တနံၤလၢဂီၤဂီၤန့ၣ်, စီၤအလံၤၡါအခ့အပှၤဂဲၤဆၢထၢၣ် ဒီးဟးထီၣ်ဆူဟံၣ်အချၢဒီးထံၣ်ဘၣ်ပှၤစူၤရံဖိတဖၣ်ဃုာ်ဒီး အဝဲသ့ၣ်အကသ့ၣ်တဖၣ်ဒီးလ့ၣ်ကဟၣ်တဖၣ်ကဝီၤဃာ်ဝ့ၢ်န့ၣ်လီၤ. အဝဲက့ၤကဒါက့ၤဆူစီၤအလံၤၡါအအိၣ်ဒီးကိးထီၣ်ဆူအအိၣ်စံး ဝဲဒၣ်, “တၢ်ဒိၣ်ဧၢ, ပဘၣ်တၢ်စံၣ်ညီၣ်ဃါမနၤလံ. ပကမၤဒ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

စံးထီၣ်ပတြၢၤ 11:1

ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ. နမ့ၢ်မးပှၤဟးဂီၤဖိဖဲနစံးဘၣ်ယၤ, “ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.

စံးထီၣ်ပတြၢၤ 27:3

သုးမုၢ်ဒီတဖုမ့ၢ်သူၣ်ဒဲဝးတရံးယၤဒၣ်လဲာ်, ယတပျံၤတၢ်ဘၣ်. ယဒုၣ်ယဒါတဖၣ်မ့ၢ်ထီဒါယၤဒၣ်လဲာ် ယနာ်ဒံးကစၢ်ယွၤန့ၣ်လီၤ.

စံးထီၣ်ပတြၢၤ 3:6

ယတပျံၤဘၣ်ယဒုၣ်ယဒါလၢအကလးတဖၣ်, လၢအအိၣ်ဝးတရံးယၤန့ၣ်ဘၣ်.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 55:18

လၢတၢ်ဒုးတၢ်ယၤအပူၤန့ၣ်, ကမၤပူၤဖျဲးယသးလၢယဒုၣ်ယဒါအါဂၤအစုပူၤ ဒီးဟ့ၣ်ယၤတၢ်မုာ်တၢ်ခုၣ်န့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်ယံးရမံယၤ 39:17

ဘၣ်ဆၣ်ဒီးယၤ, ယွၤအံၤ, ယကဒီဒၣ်အိၣ်ပှိၤနၤ, ဒီးနတဘၣ်တၢ်ဟ့ၣ်လီၤကွံာ်ဘၣ်နၤဆူ ပှၤလၢနပျံၤအီၤတဖၣ်အစုပူၤန့ၣ်ဘၣ်.

လံာ်မးသဲ 26:53

မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.